ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90%

ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90% - 291 - ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90%
ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90% - Untitled design - ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90%

     ຜົນ​ການ​ວິ​ໄຈ​ຫລ້າ​ສຸດ​ທີ່​ຕອບ​ຄວາມ​ສົງ​ໄສ​ເລື່ອງ​ອາກາດ​ຮ້ອນ​ທີ່​ອາດ​ບັນ​ທອນ​ຄວາມ​ຮ້າຍ​ກາດ​ຂອງ​ໂຄ​ໂຣນາ​ໄວຣັສ​ໄດ້.

ຈາກ​ການ​ສຶກສາວິ​ໄຈ​ເລື່ອງ “ການ​ຄາດ​ຄະ​ເນ​ການ​ຢັບຢັ້ງ​ໂຄ​ໂຣນາ​ໄວຣັສ​ໂດຍ​ການ​ແຜ່​ລັງສີ​ຈາກ​ແສງຕາ​ເວັນ” ​ໂດຍ ນັກວິ​ໄຈ​ດ້ານ​ສາທາລະນະ​ສຸກ Jose-Luis Sagripanti ​ແລະ C. David Lytle ພົບ​ວ່າ: ຖ້າ​ໂຄ​ໂຣນາ​ໄວຣັສຢູ່​ກາງ​ແສງ​ແດດ 34 ນາທີ​ຈະ​ບັນ​ທອນ​ປະສິດທິພາບ​ມັນ​​ໄດ້​ເຖິງ 90%.

ລາຍ​ງານ​ນີ້​ຊີ້​ວ່າ: ປະລິມານ​ລັງສີ​ອຸນຕ້າ​ໄວ​ໂອ​ເລດ​ທີ່​ສູງ​ໃນ​ຕອນ​ທ່ຽງ ຈະ​ເຮັດ​ໜ້າ​ທີ່​ເປັນ “ຕົວ​ກຳຈັດ​ໄວຣັສ” (virucidal agent) ທີ່​ມີ​ປະສິດທິພາບ​ໃນ​ການ​ກຳຈັດ​ໂຄ​ໂຣນາ​​ໄວຣັສສາຍ​ພັນ​ໃໝ່.

ນັກວິ​ໄຈ​ໄດ້​ປຽບທຽບ​ລັກສະນະ​ທາງ​ພັນທຸ​ກຳ​ຂອງ​ໂຄ​ໂຣນາ​ໄວຣັສສາຍ​ພັນ​ໃໝ່ (SARS-CoV-2) ຕໍ່​ລັງສີ​ຢູວີ​ໂດຍ​ມຽບກັບ​ໂຄ​ໂຣນາ​ໄວຣັສສາຍ​ພັນ​ອື່ນ ​ແລະ ສານ​ປະກອບ​ຂອງ​ໄວຣັສທີ່​ມີ​ອົງ​ປະກອບ​ຂອງ​ກົດ​ນິວຄລີ​ອິກທີ່​ຄ້າຍຄື​ກັນ.

​ເນື່ອງ​ຈາກ SARS-CoV-2 ມີ​ຄວາມ​ໄວ​ຕໍ່​ລັງສີ​ຢູວີ​ຫລາຍ​ກວ່າ​ໄຂ້ຫວັດ​ໃຫຍ່ (Influenza A) ​ເຖິງ​ສາມ​ເທົ່າ​ຈຶ່ງ​ຄວນ​ອະນຸມານ​ໄດ້​ວ່າ​ແສງ​ແດດ​ຄວນ​ມີ​ຜົນ​ຕໍ່​ການ​ແຜ່​ກະຈາຍ​ຂອງ​ໂຄ​ໂຣນາ​ໄວຣັສ​ເຊັ່ນ​ກັນ ຢ່າງ​ໜ້ອຍ​ຄື​ກັບ​ສິ່ງ​ທີ່​ເຄີຍ​ເກີດ​ຂຶ້ນກັບ​ພະຍາດ​ໄຂ້ຫວັດ​ໃຫຍ່​ທີ່​ພົບ​ວ່າ​ລະບາດ​ໜັກ​ໃນ​ໄລຍະ​ທີ່​ແສງ​ແດດ​ຖືກ​ບົດ​ບັງ.

ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90% - Wave100S AD to Website 2020 0 - ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90%

ນັກວິ​ໄຈ​ອ້າງ​ອີງ​ເຖິງ​ການ​ພົວພັນ​ລະຫວ່າງ​ການລະບາດ​ຂອງ​ໄຂ້ຫວັດ​ໃຫຍ່​ກັບ​ແສງຕາ​ເວັນ​ທີ່​ພົບ​ຢູ່​ເບຣຊິນ ​ໂດຍ​ລະຫວ່າງ​ລັງສີ​ຢູວີ​ຈາກ​ແສງຕາ​ເວັນ​ຖືກ​ປິດ​ກັ້ນ​ໂດຍ​ຄວັນ​ໄຟ​ໜາ​ໃນ​ຊ່ວງ​ລະດູ​ຈູດ​ເຜົາ​ຢູ່​​ເບຣຊິນ ພົບ​ວ່າ​ຜູ້​ມີ​ເຂົ້າປິ່ນປົວ​ຢູ່​ແຮງ​ໝໍ​ຈາກ​ພະຍາດ​ໄຂ້ຫວັດ​ໃຫຍ່​ເພີ່ມ​ຂຶ້ນ. ດັ່ງນັ້ນ ຄວາມ​ຊຸ່ມ ​ແລະ ອາກາດ​ທີ່​ໝົ່ນມົວ​ອາດ​ຈະ​ມີ​ສ່ວນ​ຕໍ່​ການລະບາດ​ຂອງ SARS-CoV-2.

ການ​ວິ​ໄຈ​ສະ​ເໜີ​ວ່າ: ຖ້າ​ຄວາມ​ຊຸ່ມ ​ແລະ ອຸນຫະພູມ​ສຳພັນ​ມີ​ບົດບາດ​ຕໍ່​ການ​ຕິດ​ເຊື້ອ​ໄຂ້ຫວັດ​ໃຫຍ່​ແລ້ວ ອາດ​ຈະ​ສອດຄ່ອງ​ກັບ SARS-CoV-2 ນຳ. ດັ່ງນັ້ນ ຜົນ​ຂອງ​ລັງສີ​ຢູວີ​ທັງ​ແບບ​ທຽມ ​ແລະ ​ແບບ​ທຳ​ມະ​ຊາດ​ທີ່​ບັນ​ທອນ SARS-CoV-2 ລົງ​ຖື​ວ່າ​ມີ​ໄນ​ສຳຄັນ​ຫລາຍ.

ລາຍ​ງານ​ນີ້​ເຜີຍ​ແຜ່​ໃນ National Center for Biotechnology Information ຂອງ​ລັດຖະບານ​ອາ​ເມ​ລິ​ກາ.

ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90% - WhatsApp Image 2020 05 27 at 5 - ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90%
ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90% - WhatsApp Image 2020 05 27 at 5 - ແສງຕາເວັນຕອນທ່ຽງເຮັດໃຫ້ ໂຄໂຣນາໄວຣັສໝົດລິດເຖິງ 90%
error: Alert: ເນື້ອຫາຂ່າວມີລິຂະສິດ !!