ຍີ່ປຸ່ນຄັດຄ້ານການເຂົ້າຮ່ວມ G7 ຂອງ ສ.ເກົາຫຼີ

ຍີ່ປຸ່ນຄັດຄ້ານການເຂົ້າຮ່ວມ g7 ຂອງ ສ.ເກົາຫຼີ - 576 2 - ຍີ່ປຸ່ນຄັດຄ້ານການເຂົ້າຮ່ວມ G7 ຂອງ ສ.ເກົາຫຼີ
ຍີ່ປຸ່ນຄັດຄ້ານການເຂົ້າຮ່ວມ g7 ຂອງ ສ.ເກົາຫຼີ - Untitled design - ຍີ່ປຸ່ນຄັດຄ້ານການເຂົ້າຮ່ວມ G7 ຂອງ ສ.ເກົາຫຼີ

ຍີ່ປຸ່ນບໍ່ສະໜັບສະໜູນ ສ.ເກົາຫຼີ ເຂົ້າເປັນສະມາຊິກ G7 ເພາະກ່າວຫາວ່າ ສ.ເກົາຫຼີ ມີສ່ວນກ່ຽວຂ້ອງພົວພັນກັບຈີນ ແລະ ເກົາຫຼີເໜືອ.

ໂຕກຽວ ເວົ້າກັບ ວໍຊິງຕັນ ວ່າພວກເຂົາຄັດຄ້ານແນວຄວາມຄິດຂອງປະທານາທິບໍດີ ໂດນັລທຣຳ ທີ່ຢາກໃຫ້ ສ.ເກົາຫຼີ ເຂົ້າເປັນສະມາຊິກ G7. ທ່າທີດັ່ງກ່າວຂອງຍີ່ປຸ່ນ ຈະເຮັດໃຫ້ເກີດຄວາມເຄັ່ງຕຶງລະຫວ່າງ ຍີ່ປຸ່ນ ກັບສ.ເກົາຫຼີ ທີ່ເຄີຍເຄັ່ງຕຶງມາແລ້ວ ເພີ່ມຄວາມເຄັ່ງຕຶງຂຶ້ນອີກ ແລະ ສະຖານະການຈະຂີ້ຮ້າຍລົງຊັກໄຊ້.

ການຄັດຄ້ານຂອງຍີ່ປຸ່ນບໍ່ສະໜັບສະໜູນໃຫ້ ກຸງໂຊນ ເຂົ້າເປັນສະມາຊິກ G7 ມີຂຶ້ນພາຍຫຼັງໃນລະຫວ່າງເດືອນພຶດສະພາຜ່ານມາ ປະທານາທິບໍດີ ທຣຳ ໄດ້ມີແນວຄວາມຄິດຈະເຊື່ອເຊີນໃຫ້ ອົດສະຕຣາລີ, ອິນເດຍ, ຣັດເຊຍ ແລະ ສ.ເກົາຫຼີ ເຂົ້າຮ່ວມກອງປະຊຸມສຸດຍອດຂອງ G7 ຄາດວ່າຈະຈັດຂຶ້ນໃນທ້າຍປີນີ້.

ແຫຼ່ງຂ່າວໃຫ້ຮູ້ວ່າ ເຈົ້າໜ້າທີ່ຂອງຍີ່ປຸ່ນ ໄດ້ຮັບຄຳຕອບຈາກສະຫະລັດວ່າ ການຕັດສິນໃຈສຸດທ້າຍແມ່ນຂຶ້ນຢູ່ກັບ ປະທານາທິບໍດີ ທຣຳ ຄົນດຽວ.

ໃນລາຍການໂທລະພາບໃນວັນທີ 28 ມິຖຸນານີ້, ລັດຖະມົນຕີການຕ່າງປະເທດຂອງຍີ່ປຸ່ນ ToshimitsuMotegi ໄດ້ກ່າວຢໍ້າຄືນກ່ຽວກັບທັດສະນະຂອງຕົນທີ່ຄັດຄ້ານ ປະທານາທິບໍດີ ທຣຳ ວ່າ: “ ບັນຫາສຳຄັນແມ່ນຄວນຮັກສາ G7 ໄວ້ຄືເກົ່າ. ເພາະມັນເປັນການຕົກລົງລວມ”.

ຍີ່ປຸ່ນ ຄິດວ່າ ຖ້າສ.ເກົາຫຼີ ເຂົ້າມາ ຕົນເອງຈະເສຍຕຳແໜ່ງເປັນໜຶ່ງດຽວປະເທດໃນອາຊີ ໃນກຸ່ມ G7. ໃນຂະນະດຽວກັນ ທຣຳ ຢາກເປີດກວ້າງ G7 ເພາະເຊື່ອວ່າ ສະມາຊິກທີ່ມີຢູ່ໃນປັດຈຸບັນ ຍັງບໍ່ທັນເປັນຕົວແທນໃຫ້ແກ່ທັງໂລກໄດ້ ແລະ ເວົ້າວ່າໂຄງປະກອບດັ່ງກ່າວມັນ “ຫຼ້າຫຼັງແລ້ວ”.

ໃນຕົ້ນເດືອນມີຖຸນານີ້, ທຣຳ ເຄິຍເວົ້າກັບທ່ານ Moon Jae-in ໂດຍຜ່ານທາງໂທລະສັບວ່າ ເຂົາຈະເຊີນເອົາ ບຣາຊິລ ເຂົ້າຮ່ວມຕື່ມອີກ ແລະ ອາດຈະຕັ້ງຊື່ກຸ່ມວ່າ “G11” ຫຼື “G12”.

ຂ່າວ: ລູກເມືອງພວນ(ແຫຼ່ງຂ່າວ vnexpress)

ຍີ່ປຸ່ນຄັດຄ້ານການເຂົ້າຮ່ວມ g7 ຂອງ ສ.ເກົາຫຼີ - Wave100S AD to Website 2020 0 - ຍີ່ປຸ່ນຄັດຄ້ານການເຂົ້າຮ່ວມ G7 ຂອງ ສ.ເກົາຫຼີ

 

 

 

 

 

 

ຍີ່ປຸ່ນຄັດຄ້ານການເຂົ້າຮ່ວມ g7 ຂອງ ສ.ເກົາຫຼີ - WhatsApp Image 2020 05 27 at 5 - ຍີ່ປຸ່ນຄັດຄ້ານການເຂົ້າຮ່ວມ G7 ຂອງ ສ.ເກົາຫຼີ
ຍີ່ປຸ່ນຄັດຄ້ານການເຂົ້າຮ່ວມ g7 ຂອງ ສ.ເກົາຫຼີ - WhatsApp Image 2020 05 27 at 5 - ຍີ່ປຸ່ນຄັດຄ້ານການເຂົ້າຮ່ວມ G7 ຂອງ ສ.ເກົາຫຼີ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!