ສະພາຮັບຮອງກົດໝາຍພາສີສະບັບປຸງໃໝ່

ສະພາຮັບຮອງກົດໝາຍພາສີສະບັບປຸງໃໝ່ - 36 2 - ສະພາຮັບຮອງກົດໝາຍພາສີສະບັບປຸງໃໝ່
ສະພາຮັບຮອງກົດໝາຍພາສີສະບັບປຸງໃໝ່ - AGL banner - ສະພາຮັບຮອງກົດໝາຍພາສີສະບັບປຸງໃໝ່

ໃນໂອກາດດໍາເນີນກອງປະຊຸມສະໄໝສາມັນເທື່ອທີ 9 ສະພາແຫ່ງຊາດຊຸດທີ VIII, ໃນວັນທີ 29 ມິຖຸນານີ້, ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ຊຶ່ງ ສະມາຊິກສະພາແຫ່ງຊາດໄດ້ເປັນເອກະສັນຮັບຮອງ ເອົາຮ່າງກົດໝາຍພາສີສະບັບປັບປຸງໃໝ່. ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງີນ ຕາງໜ້າຄະນະລັດຖະບານ, ໄດ້ນຳຮ່າງກົດໝາຍດັ່ງກ່າວສະເຫນີຕໍ່ທີ່ປະຊຸມ ໂດຍໄດ້ຍົກເຫດຜົນຈຳເປັນ ພາວະວິໄສຂອງການປັບປຸງຮ່າງກົດໝາຍດັ່ງກ່າວ. ທ່ານ ຮອງນາຍົກລັດຖະມົນຕີ ໄດ້ສະເຫນີຕໍ່ກອງປະຊຸມວ່າ: ສຳລັບ ໂຄງປະກອບ ແລະ ເນື້ອໃນຕົ້ນຕໍຂອງຮ່າງກົດໝາຍວ່າດ້ວຍພາສີ(ສະບັບປັບປຸງ) ປະກອບມີ 17 ພາກ, 28 ໝວດ, 180 ມາດຕາ, ທີ່ໄດ້ປັບປຸງມາຈາກ 17 ພາກ, 21 ໝວດ, 122 ມາດຕາ ຕາມກົດໝາຍສະບັບນໍາໃຊ້ໃນປັດຈຸບັນ.

ສະພາຮັບຮອງກົດໝາຍພາສີສະບັບປຸງໃໝ່ - 99425459 aec7 4411 83cf 6d5074f5f02a 300x200 - ສະພາຮັບຮອງກົດໝາຍພາສີສະບັບປຸງໃໝ່

ໃນໂອກາດນີ້, ທ່ານ ຮອງນາຍົກລັດຖະມົນຕີ ຍັງໃຫ້ຮູ້ວ່າ: ກົດໝາຍວ່າດ້ວຍພາສີ ສະບັບທຳອິດ ໄດ້ຖືກຮັບຮອງ ແລະ ປະກາດໃຊ້ໃນປີ 1994 ແລະ ໄດ້ມີການປັບປຸງຕະຫລອດມາ, ພ້ອມດຽວກັນນັ້ນ ໃນປີ 2014 ກົດໝາຍໄດ້ຖືກຄົ້ນຄ້ວາປັບປຸງບາງມາດຕາ ແລະ ຖືກຮັບຮອງເອົາໃນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 7 ແລະ ໄດ້ຖືກຈັດຕັ້ງປະຕິບັດມາເຖິງປັດຈຸບັນ, ຜ່ານການຈັດຕັ້ງປະຕິບັດກົດໝາຍສະບັບດັ່ງກ່າວ ເຫັນວ່າກົດໝາຍວ່າດ້ວຍພາສີ ເປັນເຄື່ອງມືທີ່ສຳຄັນໃນການຄຸ້ມຄອງວຽກງານພາສີ ແລະ ການເກັບລາຍຮັບງົບປະມານແຫ່ງລັດ, ເຮັດໃຫ້ການຈັດເກັບລາຍຮັບເຂົ້າງົບປະມານເພີ່ມຂື້ນຢ່າງຕໍ່ເນື່ອງ, ສາມາດຕອບສະໜອງດ້ານທຶນຮອນໃຫ້ແກ່ການຈັດຕັ້ງແຜນພັດທະນາເສດຖະກິດ-ສັງຄົມແຫ່ງຊາດ ໃນແຕ່ລະໄລຍະ.

ພ້ອມນີ້, ຍັງດຶງດູດການລົງທຶນ, ກະຕຸກຊຸກຍູ້ສົ່ງເສີມການຜະລິດ ແລະ ການດຳເນີນທຸລະກິດໃຫ້ມີປະສິດທິຜົນ ແລະ ສາມາດເຊື່່ອມໂຍງກັບພາກພືນ ແລະ ສາກົນໄດ້ດີສົມຄວນ, ຊຶ່ງເຫັົນໄດ້ຈາກສະພາບການຈັດເກັບລາຍຮັບຜ່ານມາມີຄວາມໝັ້ນຄົງ ແລະ ເພີ່ມຂື້ນ. ໃນປີ 2019 ລາຍຮັບພາສີ-ອາກອນ ກວມເອົາ 29,1% ຂອງລາຍຮັບພາຍໃນ ຫລື ປະມານ 4,4% ຂອງ GDP, ໃນນັ້ນ ພາສີຂາເຂົ້າ 16%, ອາກອນມູນຄ່າເພີ່ມຂອດຂາເຂົ້າ 31%, ອາກອນຊົມໃຊ້ຂາເຂົ້າ 45% ແລະ ອື່ນໆ 8% ຂອງລາຍຮັບພາສີ-ອາກອນ ທີ່ຂະແຫນງພາສີຮັບຜິດຊອບເກັບທັງໝົດ.

ສະພາຮັບຮອງກົດໝາຍພາສີສະບັບປຸງໃໝ່ - lattana banner - ສະພາຮັບຮອງກົດໝາຍພາສີສະບັບປຸງໃໝ່
ສະພາຮັບຮອງກົດໝາຍພາສີສະບັບປຸງໃໝ່ - lattana banner 1 - ສະພາຮັບຮອງກົດໝາຍພາສີສະບັບປຸງໃໝ່
ສະພາຮັບຮອງກົດໝາຍພາສີສະບັບປຸງໃໝ່ -    AD conten website - ສະພາຮັບຮອງກົດໝາຍພາສີສະບັບປຸງໃໝ່
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!