ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ

ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ - 301 - ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ
ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ - AGL banner - ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ

ໃນວັນທີ 29 ມິຖຸນາ 2020, ຄະນະກໍາມະການຄຸ້ມຄອງໄພພິບັດຂັ້ນສູນກາງ ພ້ອມດ້ວຍອຳນາດການປົກຄອງເມືອງສະໜາມໄຊ ໄດ້ລົງກວດກາພື້ນທີ່ປຸກສ້າງເຮືອນຖາວອນ ແລະ ພົບປະຢ້ຽມຢາມປະຊາຊົນຢູ່ສູນພັກຊົ່ວຄາວຜູ້ປະສົບໄພນ້ຳຖ້ວມ ເມືອງສະໜາມໄຊ ແຂວງອັດຕະປື.

ຄະນະດັ່ງກ່າວນຳໂດຍທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຮອງປະທານຜູ້ປະຈຳການຄະນະກຳມະການຄຸ້ມຄອງໄພພິບັດຂັ້ນສູນກາງ, ໂດຍມີ ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະມົນຕີ, ທ່ານ ສຸລິວົງ ອະໄພວົງ ເຈົ້າເມືອງສະໜາມໄຊ ແລະ ບັນດາຜູ້ຕາງໜ້າຈາກຂະແໜງການທີ່ກ່ຽວຂ້ອງຈາກສູນກາງ ແລະ ທ້ອງຖິ່ນ ເຂົ້າຮ່ວມຕິດຕາມ.

ພື້ນທີ່ໃນການລົງເຄື່ອນໄຫວເຮັດວຽກໃນຄັ້ງນີ້ລວມມີ: ສູນພັກຊົ່ວຄາວຈຸດບ້ານຕະມໍຢອດ, ສູນພັກຊົ່ວຄາວຈຸດບ້ານດອນບົກ ແລະ ສູນພັກຊົ່ວຄາວຈຸດບ້ານດົງບາກ ໂດຍແນໃສ່ເພື່ອຕິດຕາມ ແລະ ກວດກາຄວາມຄືບໜ້າໃນການຈັດຕັ້ງປະຕິບັດບັນດາໜ້າວຽກຕ່າງໆໃຫ້ມີການພັດທະນາຢ່າງຕໍ່ເນື່ອງ, ທັງເປັນການເລັ່ງແກ້ໄຂ ແລະ ຟື້ນຟູຊີວິດການເປັນຢູ່ຂອງພໍ່ແມ່ປະຊາຊົນໃຫ້ກັບຄືນສູ່ສະພາບປົກກະຕິໂດຍໄວ. ຂະນະດຽວກັນກໍເພື່ອເປັນການຮັບຟັງການສະເໜີຕ່າງໆຂອງປະຊາຊົນຢູ່ບັນດາສູນພັກຊົ່ວຄາວດັ່ງກ່າວ ເພື່ອເກັບກຳຂໍ້ມູນແລ້ວລາຍງານໃຫ້ລັດຖະບານໃນການພິຈາລະນາແກ້ໄຂໃນຈຸດທີ່ຄົງຄ້າງ, ທັງນີ້ກໍເພື່ອເປັນການອຳນວຍຄວາມສະດວກ ແລະ ຕອບສະໜອງຄວາມຮຽກຮ້ອງຕ້ອງການຂອງປະຊາຊົນໃນການດຳລົງຊີວິດປະຈຳວັນ.​

ບັນຫາທີ່ປະຊາຊົນສະເໜີໃຫ້ແກ້ໄຂປະກອບມີ: ການຈັດສັນພື້ນທີ່ປຸກເຮືອນຖາວອນຍັງບໍ່ທັນມີຄວາມເໝາະສົມ ເນື່ອງຈາກຍັງມີບ່ອນຫລຸບບ່ອນໂນນ, ລະບົບໄຟຟ້າ ແລະ ນ້ຳໃຊ້ຍັງບໍ່ທັນພຽງພໍ, ການຈັດສັນພື້ນທີ່ທຳການຜະລິດຍັງບໍ່ທັນສາມາດຕອບສະໜອງໄດ້ເທົ່າທີ່ຄວນ,​ ການຄ້າງຈ່າຍເງິນອຸດໜູນແຕ່ລະເດືອນ, ເສັ້ນທາງເຂົ້າສູ່ເຂດທຳການຜະລິດບໍ່ສາມາດໄປໄດ້ ແລະ ບັນຫາອື່ນໆ.

ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ - Wave100S AD to Website 2020 0 - ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ

ໂອກາດນີ້, ທ່ານ ຄຳແພງ ໄຊສົມແພງ ກ່າວວ່າ: ການລົງມາເຄື່ອນໄຫວຢ້ຽມຢາມໃນຄັ້ງນີ້ ກໍແມ່ນຍ້ອນຄວາມເປັນຫ່ວງເປັນໄຍຂອງພັກ ແລະ ລັດຖະບານຕໍ່ບັນດາຜູ້ປະສົບໄພ. ພວກເຮົາຈະນໍາເອົາທຸກຂໍ້ສະເໜີຂອງປະຊາຊົນໄປນຳສະເໜີລັດຖະບານເພື່ອເລັ່ງພິຈາລະນາແກ້ ໂດຍສະເພາະແມ່ນການຈັດສັນພື້ນທີ່ປຸກສ້າງເຮືອນຢູ່ຖາວອນ ເພື່ອໃຫ້ສາມາດຈັດຕັ້ງປະຕິບັດໃຫ້ສຳເລັດຕາມຈຸດປະສົງຄາດໝາຍ ແລະ ການຈັດສັນພື້ນທີ່ທຳການຜະລິດໃຫ້ສຳເລັດໂດຍໄວ ເພື່ອໃຫ້ປະຊາຊົນສາມາດດຳລົງຊີວິດເປັນປົກກະຕິໂດຍໄວ. ພ້ອມດຽວກັນນັ້ນ, ທ່ານລັດຖະມົນຕີ ກໍໄດ້ຮຽກຮ້ອງໃຫ້ປະຊາຊົນໃຫ້ເອົາໃຈໃສ່ໃນການຕິດຕາມຂໍ້ມູນຂ່າວສານໃນການເຝົ້າລະວັງໄພພິບັດ ເປັນຕົ້ນໄພນໍ້າຖ້ວມ ເຊິ່ງອາດຈະເກີດຂຶ້ນໃນຕໍ່ໜ້າອີກ.

ໂອກາດດຽວກັນ,​ ທ່ານ ຈະເລີນ ເຢຍປາວເຮີ ໄດ້ສະແດງຄວາມເຫັນໃຈຕໍ່ເຫດການເຄາະຮ້າຍດັ່ງກ່າວທີ່ເກີດຂຶ້ນ ແລະ ສະແດງຄວາມດີໃຈທີ່ເຫັນວ່າປະຊາຊົນພ້ອມກັນສູ້ຊົນຜ່ານຜ່າເຫດການດັ່ງກ່າວນີ້ໄປໄດ້ດ້ວຍດີ. ພ້ອມກັນນັ້ນ ກໍໄດ້ເນັ້ນໃຫ້ປະຊາຊົນຈົ່ງຮັກສາມູນເຊື້ອຄວາມສາມັກຄີ, ຄວາມດຸໝັ່ນຂະຫຍັນພຽນ ແລະ ການຊ່ວຍເຫລືອເຊິ່ງກັນ ແລະ ກັນ ເພື່ອພ້ອມກັນສາມາດກັບມາໃຊ້ຊີວິດເປັນປົກກະຕິໂດຍໄວ. ນອກຈາກນັ້ນ, ຄະນະດັ່ງກ່າວກໍໄດ້ມອບເຄື່ອງປ້ອງກັນພະຍາດໂຄວິດ-19 ໃຫ້ບັນດາສູນພັກຊົ່ວຄາວຕ່າງໆ ເພື່ອສືບຕໍ່ແຈກຢາຍໃຫ້ປະຊາຊົນໄດ້ນຳໃຊ້ໃນການປ້ອງກັນການຕິດເຊື້ອພະຍາດດັ່ງກ່າວ.

ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ - WhatsApp Image 2020 05 27 at 5 - ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ
ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ - WhatsApp Image 2020 05 27 at 5 - ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ
ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ - WhatsApp Image 2020 05 27 at 5 - ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ
ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ - WhatsApp Image 2020 05 27 at 5 - ຄະນະກໍາມະການຄຸ້ມຄອງໄພພິບັດຂັ້ນສູນກາງ ລົງເຄື່ອນໄຫວເຮັດວຽກຢູ່ເມືອງສະໜາມໄຊ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!