4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ

4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ - Time fo an Adventure 50 - 4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ
4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ - Untitled design - 4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ

ຫາລືການແກ້ໄຂສະພາບປະກົດການຫຍໍ້ທໍ້ໃນເຂດເສດຖະກິດພິເສດບຶງທາດຫລວງ
ເມື່ອບໍ່ດົນມານີ້, ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ (ຄຂສພ.ນວ), ໄດ້ເປີດກອງປະຊຸມຮ່ວມກັບຂະແໜງການທີ່ກ່ຽວຂ້ອງ ເຊັ່ນ: ຮອງຫົວຫນ້າ ພະແນກກະສິກໍາ ແລະ ປາໄມ້ ນະຄອນຫຼວງວຽງຈັນ, ຫົວຫນ້າ ປ້ອງກັນຄວາມສະຫງົບ ເຂດເສດຖະກິດພິເສດ ບຶງທາດຫຼວງ, ຫົວຫນ້າ ຫ້ອງການກະສິກໍາ ແລະ ປ່າໄມ້ ເມືອງສີສັດຕະນາກ, ຮອງຫົວຫນ້າ ຫ້ອງການກະສິກໍາ ແລະ ປ່າໄມ້ ເມືອງ ໄຊເສດຖາ, ຮອງຫົວຫນ້າ ຫ້ອງວ່າການ ເມືອງ ໄຊເສດຖາ ແລະ ເມືອງ ສີສັດຕະນາກ, ນາຍບ້ານ ບັນດາອ້ອມຂ້າງ 7 ບ້ານ, ຜູ້ຕ່າງຫນ້າ ບໍລິສັດ ລາວທາດຫຼວງລົງທຶນພັດທະນາ ຈໍາກັດ ແລະ ວິຊາການທີ່ກ່ຽວຂ້ອງ ໂດຍການເປັນປະທານ ຂອງ ທ່ານ ສຸບັນ ຈຸນລາຊາ ຫົວຫນ້າ ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ເພື່ອປືກສາຫາລືແກ້ໄຂວຽກງານທີ່ພົ້ນເດັ່ນໃນການຄຸ້ມຄອງເຂດເສດຖະກິດພິເສດ ບຶງທາດຫຼວງ ຊຶ່ງໃນກອງປະຊຸມໄດ້ຍົກຂຶ້ນມາປຶກສາ 4 ບັນຫາໃຫຍ່ຄື: ບັນຫາການປ່ອຍສັດລ້ຽງຊະຊາຍໃນເຂດເສດຖະກິດພິເສດ ບຶງທາດຫຼວງ, ບັນຫາປະຊາຊົນເຂົ້າມາຫາປາຢູ່ໃນຫນອງນໍ້າໃຫ່ຍບຶງທາດຫຼວງ, ບັນຫາໄວລຸ້ນເຂົ້າມາແຂ່ງລົດ ແລະ ຈອດລົດຊະຊາຍ.
ເບື້ອງຕົ້ນທີ່ປະຊຸ້ມໄດ້ຮັບຟັງ:
1. ຮັບຟັງບົດລາຍງານຄືນ ແລະ ປະຫວັດຂອງບັນຫາທີ່ເກີດຂຶ້ນ;
2. ຮັບຟັງການແກ້ໄຂບັນຫາທີ່ຜ່ານມາ;
3. ຮັບຟັງການປະກອບຄໍາຄິດເຫັນຂອງບັນດາທ່ານທີ່ເຂົ້າຮ່ວມກອງປະຊຸມ.
ຫຼັງຈາກນັ້ນ, ທຸກພາກສ່ວນທີ່ເຂົ້າຮ່ວມປະຊຸມໄດ້ຮ່ວມກັນປະກອບຄໍາຄິດເຫັນຕໍ່ກັບບັນຫາດັ່ງກ່າວ ແລະ ສາມາດ ຕົກລົງເຫັນດີເປັນເອກະພາບໃນການແກ້ໄຂບັນຫາດັ່ງກ່າວໂດຍມີເນື້ອໃນສະຫຼຸບດັ່ງນີ້:
1. ກອງປະຊຸມໄດ້ຕົກລົງເຫັນດີສະເໜີໃຫ້ນາຍບ້ານແຕ່ລະບ້ານລົງເຜີຍແຜ່ໃຫ້ລູກບ້ານຂອງຕົນຮັບຮູ້ເຊື່ອມຊືມກົດໝາຍວ່າດ້ວຍການລ້ຽງສັດໂດຍສະເພາະພັນທະຂອງຜູ້ປະກອບການກຽ່ວກັບການລ້ຽງສັດໃຫ້ມີຄວາມຮັບຜິດຊອບຕໍ່ສັດລ້ຽງຂອງຕົນ ແລະ ຮັບປະກັນ ບໍ່ໃຫ້ມີຜົນກະທົບອັນບໍ່ດີຕໍ່ສັງຄົມ ແລະ ສະພາບແວດລ້ອມ;
2. ສະເໜີໃຫ້ນາຍບ້ານພາຍໃນ 7 ບ້ານອ້ອມຂ້າງໂຄງການ ເຮັດບົດບັນທຶກກັບກອງປະຊາຊົນຜູ້ທີ່ປ່ອຍສັດລ້ຽງເຂົ້າມາໃນເຂດເສດຖະກິດພິເສດ ບຶງທາດຫຼວງ ແລະ ໃຫ້ປະຊາຊົນອ້ອມຂ້າງເຂດໂຄງການ ຂຶ້ນທະບຽນສັດລຽ້ງຂອງຕົນ ແຈ້ງໃຫ້ນາຍບ້ານແຕ່ລະບ້ານຮັບຮູ້ເພື່ອການຄຸ້ມຄອງ ແລະ ກວດກາຕິດຕາມຈໍານວນສັດລ້ຽງພາຍໃນບ້ານຂອງຕົນເຊັ່ນ: ຈໍານວນງົວ ແລະ ຄວາຍ;
3. ເຫັນດີໃຫ້ຮ່າງລະບຽບການຄຸ້ມຄອງຄວາມເປັນລະບຽບ ຄວາມສະຫງົບ ແລະ ແຕ່ງຕັ້ງຄະນະສະເພາະກິດເພື່ອແກ້ໄຂບັນຫາດັ່ງກ່າວໂດຍການເປັນຫົວຫນ້າຂອງ ທ່ານ ສົມກຽດ ສີຫາລາດ ຮອງຫົວຫນ້າຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ແລະ ບັນດາຂະແໜງການທີ່ກ່ຽວຂ້ອງເປັນຄະນະ;
4. ກໍານົດ ລະບຽບການ ໃນການປະຕິບັດວຽກງານຕາມກົດໝາຍ ວ່າດ້ວຍ ການລ້ຽງສັດ ແລະ ການສັດຕະວະແພດ (ສະບັບປັບປຸງ) ສະບັບເລກທີ 08/ສພຊ, ລົງວັນທີ 11 ພະຈິກ 2016. ມາດຕາ 89 ລ້ຽງສັດພາຍໃນບ້ານ, ໃນຕົວເມືອງ ທີ່ສົ່ງຜົນກະທົບທາງລົບຕໍ່ສິ່ງແວດລ້ອມ ແລະ ສັງຄົມ, ປ່ອຍສັດຊະຊາຍໃນເຂດຊຸມຊົນ ໂດຍສະເພາະຢູ່ພາຍໃນບ້ານ, ເທດສະບານ, ນະຄອນ ແລະ ຕາມທາງຫຼວງ. ວ່າດ້ວຍມາດຕະການໃນການປັບໃຫມ ແລະ ດໍາເນີນຄະດີ ໃນກໍລະນີ ຫາກມີການຝາຟືນ

4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ - Wave100S AD to Website 2020 0 - 4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ
4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ - WhatsApp Image 2020 05 27 at 5 - 4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ
4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ - WhatsApp Image 2020 05 27 at 5 - 4 ບັນຫາປະກົດການຫຍໍ້ທໍ້ໃຫຍ່ທີ່ຕ້ອງແກ້ໄຂ ໃນເຂດບຶງທາດຫລວງ
error: Alert: ເນື້ອຫາຂ່າວມີລິຂະສິດ !!