ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ

ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ - 305 - ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ
ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ - Untitled design - ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ

ສູນຢັ້ງຢືນມາດຕະຖານ ແລະ ກວດກາຄຸນນະພາບແຫ່ງຊາດ ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ລົງນາມເຊັນສັນຍາກັບບໍລິສັດ ເທັກຟູດ ຈຳກັດຜູ້ດຽວ ໃນການກໍ່ສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ ແລະ ຈຳໜ່າຍຢູ່ ສປປ ລາວ.

ຫົວໜ້າກົມມາດຕະຖານ ແລະ ວັດແທກ ກ່າວວ່າ: ໄລຍະຜ່ານມາຍັງບໍ່ທັນໄດ້ມີການກວດກາຄຸນະພາບຜະລິດຕະພັນສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ ແລະ ຈໍາໜ່າຍໃນລາວ. ພ້ອມດຽວກັນນັ້ນ, ສັງຄົມກໍໃຫ້ຄວາມສົນໃຈດ້ານຄຸນນະພາບຂອງສະບຽງອາຫານເພີ່ມຂຶ້ນ ຈຶ່ງເປັນທີ່ມາຂອງໂຄງການດັ່ງກ່າວ. ທັງນີ້ກໍເພື່ອໃຫ້ສອດຄ່ອງກັບມາດຕະຖານແຫ່ງຊາດ ແລະ ມາດຕະຖານສາກົນ.
ທ່ານກ່າວຕື່ມວ່າ: ກົມມາດຕະຖານ ແລະ ວັດແທກ ຈະໄດ້ປະສານສົມທົບກັບພາກສ່ວນກ່ຽວຂ້ອງເຊັ່ນ: ກະຊວງກະສິກໍາ ແລະ ປ່າໄມ້, ກະຊວງສາທາລະນະສຸກ, ກະຊວງການເງິນ, ກະຊວງອຸດສາຫະກໍາ ແລະ ການຄ້າ ເພື່ອເຮັດໃຫ້ການກວດກາຄຸນນະພາບດ້ານສະບຽງອາຫານ ແລະ ເຄື່ອງດື່ມໃຫ້ຮັບປະກັນດ້ານຄວາມປອດໄພຂອງຜູ້ບໍລິໂພກ. ພ້ອມນັ້ນ, ທັງເປັນການປັບປຸງລະບົບມາດຕະຖານຂອງຜະລິດຕະພັນໃຫ້ສົມບູນ ແລະ ສອດຄ່ອງກັບລະບຽບຫຼັກການນຳອີກ.

ສ່ວນໜ້າວຽກທີ່ຈະໄດ້ຮ່ວມກັນຈັດຕັ້ງປະຕິບັດປະກອບມີ: ກໍານົດລະບົບມາດຕະຖານຂອງຫ້ອງທົດລອງ ແລະ ສ້າງເອກະສານຄູ່ມືຕ່າງໆ ເພື່ອຮັບຮອງດ້ານລະບົບມາດຕະຖານສາກົນ ISO/IEC17025, ມາດຕະຖານສາກົນ (ISO/IEC) ທີ່ກ່ຽວຂ້ອງ ແລະ ຕາມມາດຕະຖານຂອງ ສປປ ລາວ ລວມເຖິງການທົດສອບຄວາມປອດໄພທາງດ້ານມາດຕະຖານຄຸນນະພາບຂອງສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ ແລະ ຈຳໜ່າຍຢູ່ ສປປລາວ ລາວ ເພື່ອຮັບປະກັນໄດ້ດ້ານສຸຂະພາບ, ການຈະເລີນພັນຂອງຜູ້ບໍລິໂພກ, ຄຸນນະພາບຂອງໂພຊະນາການ ແລະ ອື່ນໆທີ່ຕິດພັນກັບຄວາມປອດໄພຂອງຜູ້ຊົມໃຊ້.
ໂຄງການດັ່ງກ່າວມີເນື້ອທີ່ທັງໝົດ 30.000 ຕາເມັດ, ຕັ້ງຢູ່ບ້ານດ່ານຊ້າງ ເມືອງໄຊທານີ ນະຄອນຫຼວງວຽງຈັນ ດ້ວຍມູນຄ່າການລົງທຶນທັງໝົດ 16 ລ້ານກວ່າໂດລາ.

ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ - Wave100S AD to Website 2020 0 - ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ

ພິທີເຊັນສັນຍາດັ່ງກ່າວຈັດຂຶ້ນໃນວັນທີ 30 ມິຖຸນາ 2020 ທີ່ກະຊວງວິທະຍາສາດ ແລະ ເຕັກໂນໂລຊີ ລະຫວ່າງທ່ານ ວຽງທອງ ວົງທະວິໄລ ຫົວໜ້າກົມມາດຕະຖານ ແລະ ວັດແທກ, ທ່ານ ສູນທອນ ຈັນທະເດດ ຫົວໜ້າສູນຢັ້ງຢືນມາດຕະຖານ ແລະ ກວດກາຄຸນນະພາບແຫ່ງຊາດ ແລະ ທ່ານ XIE YU ອໍານວຍການບໍລິສັດ ເທັກຟູດ ຈໍາກັດຜູ້ດຽວ, ໂດຍການເຂົ້າຮ່ວມຂອງທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແລະ ພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.

ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ - WhatsApp Image 2020 05 27 at 5 - ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ
ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ - WhatsApp Image 2020 05 27 at 5 - ຈະສ້າງຫ້ອງກວດສອບຄຸນນະພາບສະບຽງອາຫານ ແລະ ເຄື່ອງດື່ມທີ່ນໍາເຂົ້າ, ຜະລິດ-ຈຳໜ່າຍຢູ່ລາວ
error: Alert: ເນື້ອຫາຂ່າວມີລິຂະສິດ !!