Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ

- 01 - Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ
- AGL banner - Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ

ປະທານາທິບໍດີ Venezuela ທ່ານ Nicolas Maduro ອອກຄຳຂາດໃຫ້ທ່ານ ເອກອັກຄະລັດຖະທູດຍິງ ຂອງ EU ອອກຈາກປະເທດນີ້ໄປ ພາຍໃນ 72 ຊົ່ວໂມງ, ພາຍຫຼັງ ສະຫະພາບເອີໂຣບ ອອກມາດຕະການປິດລ້ອມເຈົ້າໜ້າທີ່ຂອງ Venezuela.

ທ່ານກ່າວໃນໂທລະພາບ ວັນທີ 29 ມີຖຸນານີ້ວ່າ: “ຖ້າພວກເຂົາບໍ່ນັບຖື Venezuela ແລ້ວຈົ່ງຮີບອອກໄປຈາກທີ່ນີ້”. ທ່ານກ່າວຕໍ່ໄປວ່າ: “ພວກເຂົາໄດ້ເປີດເສັ້ນທາງໃຫ້ຕຸກກະຕ່າ ຂຶ້ນມາເປັນປະທານາທິບໍດີ”, ໝາຍເຖິງ Juan Guaido ທີ່ປະກາດຕົນເອງວ່າເປັນປະທານາທິບໍດີຊົ່ວຄາວຂອງ Venezuelaໃນຕົ້ນປີ 2019 ຜ່ານມາ.

ເປົ້າໝາຍຖືກໂຈມຕີໂດຍກົງແມ່ນທ່ານນາງ Isabel Brilhante Pedrosa, ຜູ້ຕາງໜ້າ EU ຢູ່ Venezuela ບໍ່ທັນໄດ້ອອກມາຕອບໂຕ້ແຕ່ຢ່າງໃດ.

ໃນອາທິດທີ່ຜ່ານມາ EU ໄດ້ວາງມາດຕະການປິດລ້ອມເສດຖະກິດກັບ 11 ຄົນເຈົ້າໜ້າທີ່ຂອງ Venezuela ທີ່ຈົງຮັກພັກດີຕໍ່ປະທານາທິບໍດີ Maduro ຊຶ່ງຍົກຈຳນວນເຈົ້າໜ້າທີ່ຂອງ Venezuela ຂຶ້ນເປັນ 36 ຄົນທີ່ຖືກ EU  ລົງໂທດ. ມາດຕະການປິດລ້ອມດັ່ງກ່າວລວມມີທັງຫ້າມເຂົ້າເອີໂຣບ ແລະ ແຊ່ແຂງຊັບສິນຂອງພວກເຂົາຢູ່ຕ່າງປະເທດ.

ພັນທະມິດຊຶ່ງລວມມີ 60 ຊາດ ໃນນັ້ນມີ ສະຫະລັດ, ສະຫະພາບເອີໂຣບ ແລະ ຫຼາຍຊາດໃນ ອາເມລິກາລາຕີນ ໄດ້ສະໜັບສະໜູນ ແລະ ຮັບຮູ້ ທ່ານ Guaido ເປັນປະທານາທິບໍດີຄົນໃໝ່ຂອງ Venezuela. ແຕ່ ທ່ານ Maduro ຍັງເປັນຜູ້ກຳອຳນາດຢູ່. ສ່ວນ ທ່ານ Maduro ແມ່ນໄດ້ຮັບການສະໜັບສະໜູນຈາກພັນທະມິດເຊັ່ນ: ຈີນ, ລັດເຊຍ, ອີຣານ, ແລະ ກຸຍບາ.

ຂ່າວ: ລູກເມືອງພວນ(ແຫຼ່ງຂ່າວ zingnew)

- Wave100S AD to Website 2020 0 - Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ

 

 

 

 

- WhatsApp Image 2020 05 27 at 5 - Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ
- WhatsApp Image 2020 05 27 at 5 - Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ
- WhatsApp Image 2020 05 27 at 5 - Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ
- WhatsApp Image 2020 05 27 at 5 - Maduro ຍື່ນຄຳຂາດເຖິງເອກອັກຄະລັດຖະທູດ EU ອອກຈາກ Venezuela ພາຍໃນ 72 ຊົ່ວໂມງ
  • 1013 Posts
  • 0 Comments
iLike/LPN/20
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!