ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19

ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19 - 309 - ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19
ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19 - Untitled design - ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19

ໃນວັນທີ 30 ມິຖຸນາ 2020 ທີ່ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະຜູ້ແທນເຂົ້າຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງພະຍາດໂຄວິດ-19 ພາຍໃຕ້ການເປັນປະທານຮ່ວມຂອງທ່ານ ດາໂຕະ ເຊີຣິ ຮິດຊາມມັດດິນ ບິນ ຮຸດເຊນ (Dato’ Seri Hishammuddin bin Tun Hussein) ລັດຖະມົນຕີຕ່າງປະເທດມາເລເຊຍ ແລະ ທ່ານ ນາງ ມາຣີສ ເພນ (Marise Payne) ລັດຖະມົນຕີຕ່າງປະເທດອົດສະຕຣາລີ. ເຂົ້າຮ່ວມໃນກອງປະຊຸມຄັ້ງນີ້ ຍັງມີບັນດາລັດຖະມົນຕີຕ່າງປະເທດອາຊຽນ, ເລຂາທິການໃຫຍ່ອາຊຽນ ແລະ ຕາງໜ້າຈາກກະຊວງຂະແໜງການກ່ຽວຂ້ອງຈໍານວນໜຶ່ງ.

ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19 - KLS 5257 01 300x200 - ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19

ກອງປະຊຸມໄດ້ຕີລາຄາສູງ ແລະ ຮັບຊາບຕໍ່ການແຈ້ງສະພາບການ ກໍຄືມາດຕະການຂອງແຕ່ລະປະເທດສະມາຊິກອາຊຽນ ແລະ ອົດສະຕຣາລີ ໃນການສະກັດກັ້ນ, ເຝົ້າລະວັງ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19. ພ້ອມນີ້, ບັນດາລັດຖະມົນຕີຍັງໄດ້ແລກປ່ຽນບົດຮຽນ ແລະ ທິດທາງໃນຕໍ່ໜ້າໃນການຕອບໂຕ້ ແລະ ຮັບມືກັບການແຜ່ລະບາດຂອງພະຍາດໂຄວິດ-19.

ໃນໂອກາດນີ້, ທ່ານ ສະເຫລີມໄຊ ກົມມະສິດ ໄດ້ແຈ້ງສະພາບການຫລ້າສຸດຂອງການແຜ່ລະ ບາດພະຍາດໂຄວິດ-19 ຢູ່ ສປປ ລາວ ແລະ ຜົນສໍາເລັດເບື້ອງຕົ້ນໃນການຮັບມື ແລະ ແກ້ໄຂພະຍາດໂຄວິດ-19 ດັ່ງກ່າວ ເຊິ່ງຜົນສຳເລັດທີ່ຍາດມາໄດ້ນີ້ແມ່ນຍ້ອນການຊີ້ນໍາ-ນໍາພາອັນແທດເຖິງຂອງ ລັດຖະບານ ໂດຍໄດ້ມີນະໂຍບາຍ ແລະ ມາດຕະການທີ່ຖືກຕ້ອງ ແລະ ສອດຄ່ອງແຕ່ຫົວທີ, ມີການເຂົ້າຮ່ວມຂອງທຸກພາກສ່ວນໃນສັງຄົມ ລວມທັງປະຊາຊົນບັນດາເຜົ່າ, ບັນດາກະຊວງຂະແໜງການ ແລະ ອຳນາດການປົກຄອງທຸກຂັ້ນ-ທຸກລະດັບໄດ້ປະຕິບັດໜ້າທີ່ທີ່ຖືກມອບໝາຍດ້ວຍຄວາມຮັບຜິດຊອບ ແລະ ເອົາໃຈໃສ່ສູງ ແລະ ສປປ ລາວ ໄດ້ມີການຮ່ວມມືສະໜັບສະໜູນຢ່າງໃກ້ຊິດກັບເພື່ອນປະເທດອາຊຽນ ກໍຄືອົງການຈັດຕັ້ງສາກົນຕ່າງໆ ລວມທັງ ອົດສະຕຣາລີ ແລະ ອົງການອະນາໄມໂລກ. ເຖິງວ່າ ສປປ ລາວ ຈະໄດ້ຮັບຜົນສຳເລັດເບື້ອງຕົ້ນກໍຕາມ ແຕ່ ສປປ ລາວ ຍັງສືບຕໍ່ຈັດຕັ້ງປະຕິບັດບັນດາມາດຕະການໃນການປ້ອງກັນ ແລະ ຕິດຕາມສະພາບການແຜ່ລະບາດຂອງພະຍາດໂຄວິດ-19 ຢ່າງເຂັ້ມງວດ. ພ້ອມດຽວກັນນີ້, ທ່ານລັດຖະມົນຕີ ຍັງໄດ້ສະເໜີຕໍ່ກອງປະຊຸມກ່ຽວກັບທິດທາງແຜນການຮ່ວມມື ອາຊຽນ-ອົດສະຕຣາລີ ໃນຕໍ່ໜ້າໃນການສືບຕໍ່ຮັບມື ແລະ ແກ້ໄຂພະຍາດໂຄວິດ-19: 1) ສືບຕໍ່ຮ່ວມມືແລກປ່ຽນຂໍ້ມູນຂ່າວສານກ່ຽວກັບສະພາບການກໍຄືມາດຕະການ ແລະ ບົດຮຽນທີ່ດີໃນການແກ້ໄຂພະຍາດໂຄວິດ-19; 2) ໃຫ້ການຊ່ວຍເຫລືອດ້ານເຕັກນິກ-ວິຊາການ ລວມທັງການຮ່ວມກັນຄົ້ນຄວ້າ ແລະ ພັດທະນາ (R&D) ແລະ ຜະລິດຢາປິ່ນປົວ ກໍຄືຢາປ້ອງກັນພະຍາດໂຄວິດ-19 ແລະ ການເຂົ້າເຖິງຢາປິ່ນປົວ ກໍຄືຢາວັກແຊັງປ້ອງກັນພະຍາດດັ່ງກ່າວເວລາສາມາດຜະລິດໄດ້ແລ້ວ. 3) ຮ່ວມມືກັນໃນການຟື້ນຟູເສດຖະກິດ-ສັງຄົມ ໂດຍສະເພາະການຄ້າ, ການລົງທຶນ ແລະ ການທ່ອງທ່ຽວ ພາຍຫລັງສິ້ນສຸດການລະບາດໂຄວິດ-19. ພິເສດ ກອງປະຊຸມຄັ້ງນີ້ໄດ້ຮັບຮອງເອົາຖະແຫລງການຮ່ວມຂອງກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍໂຄວິດ-19 ແລະ ເຫັນດີມອບໃຫ້ພາກສ່ວນກ່ຽວຂ້ອງນຳໄປຜັນຂະຫຍາຍຕໍ່ໄປ.

ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19 - Wave100S AD to Website 2020 0 - ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19

ສຸດທ້າຍ, ທ່ານ ລັດຖະມົນຕີ ໄດ້ສະແດງຄວາມຂອບໃຈຢ່າງຈິງໃຈຕໍ່ປະເທດສະມາຊິກອາຊຽນ, ອົງການຈັດຕັ້ງສາກົນ ໂດຍສະເພາະ ອົງການອະນາໄມໂລກ ແລະ ລັດຖະບານອົດສະຕຣາລີ ທີ່ໄດ້ໃຫ້ການຊ່ວຍເຫລືອທາງດ້ານເຕັກນິກ-ວິຊາການ ແລະ ອຸປະກອນການແພດແກ່ ສປປ ລາວ ໃນການຮັບມື, ປ້ອງກັນ ແລະ ແກ້ໄຂພະຍາດໂຄວິດ-19 ຈົນໄດ້ຮັບຜົນສໍາເລັດເປັນກ້າວໆມາ.

ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19 - WhatsApp Image 2020 05 27 at 5 - ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19
ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19 - WhatsApp Image 2020 05 27 at 5 - ສປປ ລາວ ຮ່ວມກອງປະຊຸມທາງໄກສະໄໝພິເສດ ລັດຖະມົນຕີຕ່າງປະເທດ ອາຊຽນ-ອົດສະຕຣາລີ ວ່າດ້ວຍການຕ້ານການແຜ່ລະບາດຂອງເຊື້ອພະຍາດໂຄວິດ-19
error: Alert: ເນື້ອຫາຂ່າວມີລິຂະສິດ !!