ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ

ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ - 10 - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ
ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ - Untitled design - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ

ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ໃນວັນທີ 30 ນິຖຸນາ 2020 ພາຍໃຕ້ການເປັນປະທານຂອງທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ, ບັນດາສະມາຊິກສະພາແຫ່ງຊາດ (ສສຊ) ໄດ້ພ້ອມກັນສຸມໃສ່ພິຈາລະນາ, ປະກອບຄຳຄິດຄຳເຫັນ ແລະ ໃຊ້ສິດຂອງຕົນໃນຖານະເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນລາວບັນດາເຜົ່າຮັບຮອງເອົາກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ ແລະ ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ ດ້ວຍຄະແນນສຽງເຫັນດີເປັນສ່ວນຫລາຍ.

ໂອກາດນີ້, ທ່ານ ສົມພັນ ແພງຄຳມີ ໄດ້ສະຫລຸບສັງລວມການປະກອບຄຳຄິດຄຳເຫັນຂອງ ບັນດາ ສສຊ ຕໍ່ຮ່າງກົດໝາຍດັ່ງກ່າວ ເຊິ່ງໂດຍລວມແລ້ວ ສະມາຊິກສະພາສະພາແຫ່ງຊາດແຕ່ລະເຂດເລືອກຕັ້ງແມ່ນເຫັນດີເປັນເອກະພາບໂດຍພື້ນຖານທາງດ້ານເນື້ອໃນ ແລະ ຫລັກການໃນການປັບປຸງກົດໝາຍດັ່ງກ່າວ, ແຕ່ເພື່ອເຮັດໃຫ້ຮ່າງກົດໝາຍດັ່ງກ່າວມີເນື້ອໃນລະອຽດ, ຈະແຈ້ງ, ຄົບຖ້ວນ ແລະ  ຮັດກຸມນັ້ນ, ສສຊ ກໍໄດ້ສຸມໃສ່ປະກອບຄຳເຫັນບາງບັນຫາສຳຄັນໃນແຕ່ລະມາດຕາຕາມການເຈາະຈີ້ມຂອງປະທານກອງປະຊຸມ ເປັນຕົ້ນການແບ່ງຂອບເຂດສິດອຳນາດລະຫວ່າງສະພາແຫ່ງຊາດ ກັບຄະນະປະຈຳສະພາແຫ່ງຊາດ; ການຍົກຍ້າຍ, ການຄວບຕຳແໜ່ງຂອງ ສສຊ ໄປປະຈຳການຢູ່ສູນກາງແມ່ນຍັງຮັກສາເຂດເລືອກຕັ້ງໄວ້ຄືເກົ່າ, ຖ້າໄປປະຈຳການຢູ່ແຂວງອື່ນໃຫ້ຖືເອົາແຂວງນັ້ນເປັນເຂດເລືອກຕັ້ງຂອງຕົນ, ການສິ້ນສຸດການເປັນສະມາຊິກສະພາແຫ່ງຊາດ, ລະບົບກົງຈັກການຈັດຕັ້ງ, ການເລືອກຕັ້ງແທນ ລວມເຖິງນະໂຍບາຍຕໍ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງໄດ້ຮັບເງິນອຸດໜູນ, ເງິນເຄື່ອນໄຫວປະຕິບັດໜ້າທີ່ວຽກງານ ແລະ ນະໂຍບາຍອື່ນໆຂອງລັດ ຕາມທີ່ໄດ້ກຳນົດໄວ້ໃນລະບຽບການແຕ່ລະໄລຍະນັ້ນ ສສຊ ໄດ້ສະເໜີໃຫ້ມີນະໂຍບາຍກວດສຸຂະພາບ ປະຈຳປີໃຫ້ແກ່ ສສຊ ແລະ ສສຂ ເຊິ່ງມັນຈະມີຄວາມສະດວກກວ່າເວລາໄປກວດສຸຂະພາບດ້ວຍຕົນເອງ ແລະ ບັນຫາສຳຄັນອື່ນໆ. ຈາກນັ້ນ ທ່ານຍັງໄດ້ຊີ້ນໍາໃຫ້ຄະນະຮັບຜິດຊອບຮ່າງກົດໝາຍນໍາເອົາຄຳສະເໜີຂອງ ສສຊ ໄປພິຈາລະນາ ແລະ ປັບປຸງໃສ່ຮ່າງກົດໝາຍໃຫ້ມີຄວາມຈະແຈ້ງ, ຮັດກຸມ ແລະ ສາມາດນຳໄປຈັດຕັ້ງປະຕິບັດຢ່າງມີປະສິດທິຜົນ.

ທ່ານ ພົງສະເໜ່ ຍຸດຕິທຳ ຫົວໜ້າຄະນະຮັບຜິດຊອບວຽກງານເລືອກຕັ້ງ ໃຫ້ຮູ້ວ່າ: ໂຄງປະກອບ ຫລື ໂຄງສ້າງການປັບປຸງກົດໝາຍ 3 ສະບັບ ແມ່ນຕ່າງຈາກການປັບປຸງແຕ່ລະກົດໝາຍທີ່ຜ່ານມາ ແລະ ເປັນເທື່ອທຳອິດທີ່ໄດ້ໂຮມເອົາທັງ 3 ກົດໝາຍດັ່ງກ່າວເຂົ້າເປັນສະບັບດຽວຕາມມາດຕາທີ 10 ຂອງກົດໝາຍວ່າດ້ວຍສ້າງນິຕິກຳທີ່ໄດ້ກຳນົດໄວ້ວ່າ: ເມື່ອມີຄວາມຈໍາເປັນທີ່ຈະຕ້ອງໄດ້ປັບປຸງກົດໝາຍຫລາຍສະບັບພ້ອມກັນທີ່ມີເນື້ອໃນບໍ່ຫລວງຫລາຍກໍສາມາດປັບປຸງໃຫ້ເປັນກົດໝາຍສະບັບດຽວໄດ້ ເຊິ່ງເອີ້ນວ່າ ກົດໝາຍວ່າດ້ວຍການປັບປຸງກົດໝາຍ. ສະນັ້ນ ຈຶ່ງໄດ້ໃສ່ຫົວຂໍ້ວ່າ: ກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ ແລະ ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ; ໃນນັ້ນ ກົດໝາຍວ່າດ້ວຍສະພາແຫ່ງຊາດທີ່ໄດ້ປັບປຸງມີ 15 ມາດຕາ, ເພີ່ມ 1 ມາດຕາ; ກົດໝາຍວ່າດ້ວຍສະພາປະຊາຊົນຂັ້ນແຂວງປັບປຸງມີ 13 ມາດຕາ, ເພີ່ມ 1 ມາດຕາ ແລະ ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງປັບປຸງມີ 3 ມາດຕາ.

ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ - Wave100S AD to Website 2020 0 - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ

ເມື່ອກົດໝາຍສະບັບດັ່ງກ່າວໄດ້ຖືກຮັບຮອງ ແລະ ປະກາດໃຊ້ແລ້ວ ຄາດວ່າຈະເຮັດໃຫ້ການຈັດຕັ້ງໃນການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງສອດຄອງກັບແນວທາງນະໂຍບາຍ ແລະ ຄວາມຮຽກຮ້ອງຕ້ອງການຕົວຈິງຂອງທີ່ໜ້າການເມືອງ, ແທດເໝາະກັບສະພາບຕົວຈິງ, ທັງເປັນຮັບປະກັນໃຫ້ສະພາແຫ່ງຊາດ ແລະ ສະພາປະຊາຊົນຂັ້ນແຂວງຈັດຕັ້ງປະຕິບັດ, ສິດ ແລະ ໜ້າທີ່ຂອງຕົນຖືກຕ້ອງຕາມກົດໝາຍ.

ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ - WhatsApp Image 2020 05 27 at 5 - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ
ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ - WhatsApp Image 2020 05 27 at 5 - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍ ການປັບປຸງບາງມາດຕາຂອງກົດໝາຍ 3 ສະບັບ
error: Alert: ເນື້ອຫາຂ່າວມີລິຂະສິດ !!