ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື

ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື - 102 - ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື
ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື - Untitled design - ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື

ໃນວັນທີ 29 ມິຖຸນາ 2020, ອົງການຄອຍກາ (KOICA) ປະຈໍາລາວ ໂດຍພາຍໃຕ້ໂຄງການແຜນງານການສ້າງຄວາມເຂັ້ມແຂງໃນການຮັບມືກັບສະພາບອາກາດແບບປະສົມປະສານແຂວງອັດຕະປື ໄດ້ມອບອຸປະກອນ ແລະ ເຄື່ອງມືການແພດໃຫ້ແຂວງອັດຕະປື ເພື່ອນຳໃຊ້ເຂົ້າໃນວຽກງານປ້ອງກັນການລະບາດຂອງພະຍາດໂຄວິດ-19.

ເຄື່ອງຊ່ວຍເຫລືອດັ່ງກ່າວ ປະກອບມີ: ເຄື່ອງແທກອຸນຫະພູມ, ຜ້າອັດປາກ, ເຈວລ້າງມື, ເຫລົ້າ 90 ແລະ ສະບູ ລວມມູນຄ່າທັງໝົດ 59.000 ໂດລາສະຫະລັດ ເຊິ່ງໃຫ້ກຽດມອບໂດຍທ່ານ ຊັງ ຊູ ໂອ ຜູ້ຕາງໜ້າອົງການຄອຍກາ ປະຈຳລາວ ແລະ ຕາງໜ້າຮັບໂດຍທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງອັດຕະປື ໂດຍການເຂົ້າຮ່ວມຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະ   ມົນຕີ, ທ່ານ ຊິນ ຊອງ ຊຸນ ເອກອັກຄະລັດຖະທູດ ສ.ເກົາຫລີ ປະຈຳ ສປປ ລາວ ແລະ ພາກສ່ວນທີ່ກ່ຽວຂ້ອງ.

ເຄື່ອງຊ່ວຍເຫລືອເຫລົ່ານີ້ຈະໄດ້ນຳໄປມອບຕໍ່ໃຫ້ແກ່ໂຮງໝໍແຂວງອັດຕະປື, ໂຮງໝໍເມືອງທົ່ວແຂວງອັດຕະປື, ບັນດາສຸກສາລາ ແລະ ປະຊາຊົນທີ່ກຳລັງດຳລົງຊີວິດຢູ່ສູນພັກຊົ່ວຄາວຜູ້ປະສົບໄພນ້ຳຖ້ວມ ເມືອງສະໜາມໄຊ ຈຳນວນ 958 ຄອບຄົວ.

ໂອກາດນີ້, ທ່ານ ຄຳແພງ ໄຊສົມແພງ ກ່າວວ່າ: ໃນນາມທີ່ກະຊວງແຮງງານ ແລະ ສະຫວັດດີການສັງຄົມ ເປັນເຈົ້າຂອງໂຄງການດັ່ງກ່າວ ຫວັງຢ່າງຍິ່ງວ່າການຊ່ວຍເຫລືອໃນຄັ້ງນີ້ຈະສາມາດຊ່ວຍໃຫ້ພາກສ່ວນທີ່ຮັບຜິດຊອບວຽກງານຕ້ານພະຍາດໂຄວິດ-19 ລວມທັງພໍ່ແມ່ປະຊາຊົນທີ່ໄດ້ຮັບການຊ່ວຍ ເຫລືອຈະນຳໃຊ້ເຂົ້າໃນການປ້ອງກັນຕົນເອງໃຫ້ປອດໄພຈາກພະຍາດໂຄວິດ-19 ແລະ ມີສຸຂະພາບແຂງແຮງ.

ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື - Wave100S AD to Website 2020 0 - ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື

ທ່ານ ຊິນ ຊອງ ຊຸນ ກ່າວວ່າ: ການມອບເຄື່ອງຊ່ວຍເຫລືອຄັ້ງນີ້ເປັນການແບ່ງປັນນ້ຳໃຈຂອງຊາວເກົາຫລີເພື່ອມອບໃຫ້ປະຊາຊົນລາວ ໂດຍສະເພາະຜູ້ທີ່ໄດ້ຮັບຜົນກະທົບຈາກໄພພິບັດຢູ່ເມືອງສະໜາມໄຊ ເພື່ອນຳໃຊ້ເຂົ້າໃນການປ້ອງກັນການຕິດເຊື້ອພະຍາດໂຄວິດ-19.

ທ່ານ ອຸ່ນຫລ້າ ໄຊຍະສິດ ໂດຍຕາງໜ້າໃຫ້ອຳນາດການປົກຄອງແຂວງອັດຕະປື ແລະ ປະຊາ  ຊົນ ສະແດງຄວາມຂອບໃຈ ແລະ ຮູ້ບຸນຄຸນມາຍັງໂຄງການແຜນງານການສ້າງຄວາມເຂັ້ມແຂງໃນການຮັບມືກັບສະພາບອາກາດແບບປະສົມປະສານແຂວງອັດຕະປື ກໍຄືອົງການຄອຍກາ ທີ່ໄດ້ໃຫ້ການຊ່ວຍເຫລືອທີ່ລ້ຳຄ່າໃນຄັ້ງນີ້.

ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື - WhatsApp Image 2020 05 27 at 5 - ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື
ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື - WhatsApp Image 2020 05 27 at 5 - ຄອຍກາມອບອຸປະກອນ ແລະ ເຄື່ອງມືປ້ອງກັນໂຄວິດ-19 ໃຫ້ແຂວງອັດຕະປື
error: Alert: ເນື້ອຫາຂ່າວມີລິຂະສິດ !!