ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ

ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ - 20 - ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ
ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ - Untitled design - ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ

ພິທີເຊັນສັນຍາວ່າດ້ວຍການສໍາປະທານເນື້ອທີ່ດິນເພື່ອພັດທະນາແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ ຢູ່ເຂດບ້ານນໍ້າສະນາມ ເມືອງຄູນຄໍາ ແຂວງຄໍາມ່ວນ ລະຫວ່າງອົງການປົກຄອງແຂວງຄໍາມ່ວນ (ຕາງໜ້າໂດຍພະແນກແຜນການ ແລະ ການລົງທຶນ ) ກັບບໍລິສັດ ບີເຄ ກໍ່ສ້າງຂົວທາງ ແລະ ຊົນລະປະທານ ຈໍາກັດຜູ້ດຽວ ໄດ້ຈັດຂຶ້ນໃນວັນທີ 1 ກໍລະກົດ 2020 ທີ່​ແຂວງ​ດັ່ງກ່າວ.
ກ່ອນເຂົ້າສູ່ການເຊັນສັນຍາຢ່າງເປັນທາງການ ທັງສອງຝ່າຍແມ່ນໄດ້ປຶກສາຫາລືຮ່ວມກັນໃນບາງມາດຕາຂອງສັນຍາທີ່ເຫັນວ່າຍັງບໍ່ຖືກຕ້ອງສອດຄ່ອງສະພາບເງື່ອນໄຂຕົວຈິງ ເປັນຕົ້ນການປະຕິບັດພັນທະດ້ານພາສີອາກອນ ແລະ ຄ່າສໍາປະທານ ລວມເຖິງເນື້ອໃນບາງຕອນທີ່ຕິດພັນກັບຫົວຂໍ້ຂອງສັນຍາ ທັງນີ້ກໍເພື່ອແນໃສ່ຮັບປະກັນຄວາມເປັນເອກະພາບທາງດ້ານນິຕິກໍາ ແລະ ອໍານວຍຄວາມສະດວກໃຫ້ແກ່ການຈັດຕັ້ງປະຕິບັດ, ເປັນກຽດລົງໃນນາມສັນຍາຄັ້ງນີ້ໃນນາມຕາງໜ້າອົງການປົກຄອງແຂວງຄໍາມ່ວນ ເຊັນໂດຍທ່ານ ເດດສັກດາ ມະນີຄໍາ ຫົວໜ້າພະແນກແຜນການ ແລະ ການລົງທຶນແຂວງ, ທ່ານ ຄໍາໝັ້ນ ສໍປະເສີດ ເຈົ້າເມືອງຄູນຄໍາ ແລະ ທ່ານ ໄຊສົມບູນ ສຸວັນດາລາ ຫົວໜ້າພະແນກຖະແຫຼງຂ່າວ-ວັດທະນະທໍາ ແລະ ທ່ອງທ່ຽວແຂວງຄໍາມ່ວນ, ສ່ວນຝ່າຍບໍລິສັດ ເຊັນໂດຍທ່ານ ບັນດິດ ດວງພະຈັນ ອໍານວຍການບໍລິສັດ ແລະ ທ່ານ ພູຄໍາ ພິລາວົງ ຮອງອໍານວຍການບໍລິສັດ ໂດຍມີພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພະຍານ.

ຈຸດປະສົງເພື່ອພັດທະນາແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ ແມ່ນມີເນື້ອທີ່ຈໍານວນ 12,61 ເຮັກຕາ, ໃນນັ້ນ ເຂດພັດທະນາການທ່ອງທ່ຽວ-ເຂດບໍລິການ ຈໍານວນ 2 ເຮັກຕາ ແລະ ເຂດພັດທະນາການທ່ອງທ່ຽວແບບອະນຸລັກຈໍານວນ 10,61 ເຮັກຕາ ເຊິ່ງໄດ້ກໍານົດເວລາໃນການສໍາປະທານເປັນເວລາ 30 ປີ ແລະ ສາມາດຕໍ່ສັນຍາໄດ້, ບັນດາກິດຈະກໍາຂອງໂຄງການແມ່ນ ປຸກສ້າງສະຖານທີ່ພັກແຮມແບບກົມກືນກັບທໍາມະຊາດ, ກໍ່ສ້າງສູນຂໍ້ມູນດ້ານການທ່ອງທ່ຽວ, ຕິດຕັ້ງອຸປະກອນ ແລະ ສິ່ງອໍານວຍຄວາມສະດວກໃນການທ່ອງທ່ຽວ-ການບໍລິການ, ດໍາເນີນກິດຈະກໍາອຶ່ນໆທີ່ຕິດພັນກັບການພັດທະນາແຫລ່ງທ່ອງທ່ຽວແບບອະນຸລັກ ແລະ ສົ່ງເສີມການປູກພືດສະໝຸນໄພ ເຊິ່ງມີມູນຄ່າການລົງທຶນ 543.000 ໂດລາສະຫະລັດ, ທຶນຈົດທະບຽນ 300.000 ໂດລາສະຫະລັດ, ໂຄງການດັ່ງກ່າວເປັນຮູບການລົງທຶນພາຍໃນ 100%, ສໍາລັບການປະຕິບັດພັນທະອາກອນແມ່ນຕ້ອງປະຕິບັດຕາມກົດໝາຍວ່າດ້ວຍສ່ວຍສາອາກອນ ແລະ ອາກອນມູນຄ່າເພີ່ມຂອງ ສປປ ລາວ, ອາກອນເງິນເດືອນແມ່ນຕ້ອງມອບເປັນເດືອນ, ອາກອນມູນຄ່າເພີ່ມ 10% ແລະ ອາກອນກໍາໄລອັດຕາ 20% ຕໍ່ປີ ໃຫ້ແຈ້ງເສຍເປັນງວດ, ສ່ວນຄ່າສໍາປະທານແມ່ນປະຕິບັດຕາມລັດຖະບັນຍັດຂອງປະທານປະເທດ ສະບັບເລກທີ 02/ປປທ ແລະ ໃຫ້ທັນຕາມກໍານົດເວລາທີ່ລະບຸໄວ້.

ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ - Wave100S AD to Website 2020 0 - ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ
ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ - WhatsApp Image 2020 05 27 at 5 - ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ
ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ - WhatsApp Image 2020 05 27 at 5 - ຄຳມ່ວນອະນຸຍາດໃຫ້ບໍລິສັດບີເຄສໍາປະທານເນື້ອທີ່ດິນເພື່ອພັດທະນາ ແຫລ່ງທ່ອງທ່ຽວອະນຸລັກ ແລະ ສົ່ງເສີມການປູກພືດສະໝຸນໄພ
error: Alert: ເນື້ອຫາຂ່າວມີລິຂະສິດ !!