ປັບໜ້າດິນແລ້ວກໍຕ້ອງຄຳນຶງເຖິງນ່ານຟ້າແດ່

- advert banner 728 90 728x90 - ປັບໜ້າດິນແລ້ວກໍຕ້ອງຄຳນຶງເຖິງນ່ານຟ້າແດ່

- 111111 - ປັບໜ້າດິນແລ້ວກໍຕ້ອງຄຳນຶງເຖິງນ່ານຟ້າແດ່

​ເພື່ອນ​ຜູ້​ອ່ານທີ່​ຮັກ​ແພງ, ຫລາຍ​ຄົນ​ກໍ​ຈະ​ດີ​ໃຈ ພາຍຫລັງ​ໄດ້​ຍິນ ​ແລະ ​ໄດ້​ເຫັນ​ຄຳ​ສັ່ງ​ແນະນຳ​ຂອງ​ຄະນະ​ປົກຄອງ​ນະຄອນ ຫລວງ​ວຽງ​ຈັນ​ວ່າ​ໃຫ້​ເລັ່ງ​ແກ້​ໄຂ​ສະພາບ​ຄວາມ​ບໍ່​ເປັນລະບຽບ​ຮຽບຮ້ອຍ ​ແລະ ສະອາດ​ຈົບງາມ​ຂອງ​ຕົວ​ເມືອງ ​ໂດຍ​ສະ​ເພາະ​ແມ່ນ​ໃຫ້​ສຸມ​ໃສ່​ເລີກ​ຮື້ສະພາບ​ນຳ​ໃຊ້​ແຄມ​ທາງ​ບໍລິ​ເວນ​ຕະຫລາດ​ເຊົ້າ, ຕະຫລາດ​ຂົວ​ດິນ​ເປັນ​ບ່ອນ​ຈອດ​ລົດ ​ແລະ ຂາຍ​ເຄື່ອງ​ຢ່າງ​ຊະຊາຍ​ທີ່​ເປັນ​ສິ່ງ​ຫຍໍ້​ທໍ້​ແກ່ຍາວ​ມາ​ຫລາຍ​ປີ​ແລ້ວນັ້ນ​ໃຫ້​ໝົດ​ໄປ ​ແລະ ພິ​ເສດ​ແມ່ນ​ການ​ນຳ​ໃຊ້​ທາງ​ຫລວງ​ເຂດ​ຕໍ່ໜ້າ​ກະຊວງ ປກສ ​ເບື້ອງຕະຫລາດ​ຂົວ​ດິນ​ເປັນ​ບ່ອນ​ຝາກ​ລົດ​ທີ່​ເຮັດ​ໃຫ້ການ​ສັນຈອນ​ໄປມາ​ໃນ​ບໍລິ​ເວນ​ທາງ​ດັ່ງກ່າວ​ແອ​ອັດ ບາງ​ຄັ້ງຈົນ​ເກືອບ​ຈະ​ໄປ​ບໍ່​ໄດ້​ນັ້ນ​ໃຫ້​ເຂົ້າສູ່​ລະບຽບ ​ແລະ ​ໄດ້​ຍິນ​ວ່າການ​ປະຕິບັດ​ມາດ​ຕະການ​ດັ່ງກ່າວ​ນັ້ນຍັງ​ຈະ​ສືບ​ຕໍ່​ໄປ​ຫລາຍ​ຈຸດ ​ເພື່ອ​ສ້າງ​ໃຫ້​ນະຄອນຫລວງ​ວຽງ​ຈັນ​ບັນລຸ​ໄດ້​ຄຳ​ຂວັນ 6ສ ວາງ​​ໄວ້​ຄື ສ.ສະອາດ, ສ.ສະຫງົບ, ສ.ສີຂຽວ, ສ.ສະຫວ່າງ, ສ.ສະ​ເໜ່ ​ແລະ ສ.ສີວິ​ໄລ ນີ້​ແມ່ນ​ໜ້າ​ຊົມ​ເຊີຍ​ເປັນ​ທີ່​ສຸດ, ​ແຕ່​ໃນ​ຂະນະ​ນັ້ນ​ເມື່ອໃດນະຄອນຫລວງ​ວຽງ​ຈັນ​ເຮົາຮັ່ງມີ​ດີ​ໄດ້​ແລ້ວ​ກໍ​ຢາກ​ໃຫ້​ຄຳນຶງ​ເຖິງ​ສະພາບ​ສາຍ​ໄຟ, ສາຍ​ໂທລະສັບ, ​ເຄ​ເບິນ ​ແລະ ອື່ນໆ​ທີ່​ຢັ່ງຢາຍ​ໄປ​ຕາມ​ເສົາ​ໄຟ​ໃນ​ເສັ້ນທາງ​ຕ່າງໆ ​ເບິ່ງ​ແລ້ວ​ບໍ່​ຄ່ອຍ​ງາມ​ຕາ, ມີ​ບາງ​ບ່ອນ​ເປັນ​ປຸ້ມ​ເປັນ​ເປົ້າຈົນ​ນົກ​ກະຈອກ​ເຂົ້າ​ໄປ​ເຮັດ​ຮັ່ງ​ໃສ່, ບາງ​ບ່ອນ​ກໍ​ຂາດ​ກໍ​ຍານ​ຍ່ອຍ​ລົງ​ມາ​ຕາມ​ທາງ​ເບິ່ງ​ແລ້ວ​ໜ້າ​ຢ້ານ​ກົວ ​ເພາະ​ບໍ່​ຮູ້​ວ່າ​ສາຍ​ດັ່ງກ່າວ​ແມ່ນ​ສາຍ​ໄຟຟ້າ ຫລື ສາຍ​ອັນ​ໃດ​ກັນ​ແທ້, ນອກຈາກ​ສ້າງ​ພາບ​ພົດ​ບໍ່​ຈົບງາມ​ໃຫ້​ຕົວ​ເມືອງ​ແລ້ວ ອາດ​ຍັງ​ມີ​ຄວາມ​ສ່ຽງ​ດ້ານ​ອັກຄີ​ໄພ​ອີກ​ດ້ວຍ ​ໂດຍ​ສະ​ເພາະ​ຢູ່​ຈຸດ​ປຸ່ມ​ໃຫຍ່​ທີ່​ມີ​ຮັ່ງ​ນົກ​ອາ​ໄສ​ຢູ່​ອາດ​ເປັນ​ຈຸດ​ເກີດ​ໄຟ​ໄດ້​ງ່າຍ​ໃນ​ເມື່ອ​ມີ​ອາກາດ​ຮ້ອນ ​ເຊິ່ງປັດຈຸບັນ​ຢູ່​ຫລາຍ​ປະ​ເທດ​ເພິ່ນ​ສີວິ​ໄລ​ແລ້ວ ​ເພິ່ນ​ກໍ​ໄດ້​ທະຍອຍ​ຍ້າຍ​ລະບົບ​ສາຍ​ໄຟ​ເທິງ​ອາກາດ​ລົງ​ມາສູ່​ພື້ນດິນ​ແລ້ວ ​ໂດຍ​ຈະ​ຊ່ວຍ​ໃຫ້​ສະພາບ​ຕົວ​ເມືອງ​ສະອາດ​ຈົບງາມ​ຍິ່ງ​ຂຶ້ນ.

- Tiger Head 728x90 - ປັບໜ້າດິນແລ້ວກໍຕ້ອງຄຳນຶງເຖິງນ່ານຟ້າແດ່
- 1 1 - ປັບໜ້າດິນແລ້ວກໍຕ້ອງຄຳນຶງເຖິງນ່ານຟ້າແດ່
error: Content is protected !!