ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ

ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ - 30 - ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ
ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ - AGL banner - ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ

ໃນຕອນເຊົ້າວັນທີ 1 ກໍລະກົດ 2020ນີ້ ທີ່ສວນສາທາລະນະ ໄກສອນພົມວິຫານ ແຂວງສະຫວັນະເຂດໄດ້ມີພິທີ ມອບ-ຮັບ ແລະ ເປີດນຳໃຊ້ຢ່າງເປັນທາງການ ໂຄງການກໍ່ສ້າງເສັ້ນທາງໄກສອນ ພົມວິຫາ, ໂຄງການກໍ່ສ້າງເສັ້ນທາງ ຟ້າງຸ່ມ ແລະ ໂຄງການກໍ່ສ້າງສະໜາມຂີ້ເຫຍື້ອ ບ້ານຊອກ.ໂດຍການເຂົ້າຮ່ວມຂອງທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ, ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ມີທ່ານ ຫົວໜ້າເຄຫະ-ຜັງເມືອງ,ເຈົ້ານະຄອນໄກສອນພົມວິຫານ, ຫົວໜ້າພະແນກການອ້ອມຂ້າງແຂວງພ້ອມດ້ວຍບັນດາບໍລິສັດຮັບເໝົາກໍ່ສ້າງເຂົ້າຮ່ວມເຂົ້າຮ່ວມ.

ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ - 106204511 1198452847168606 1348882959496526997 n 300x225 - ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ

ທ່ານ ໄຊຍະເສນ ແກ້ວວິໄລ ຫົວໜ້າພະແນກໂຍທາທິການ ແລະ ຂົນສົ່ງແຂວງ ໄດ້ລາຍງານ ໃຫ້ຮູ້ວ່າ: ໂຄງການພັດທະນາຕົວເມືອງຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ ຫຼື ໂຄງການ GMS ໂຄງການນີ້ແມ່ນເງິນກູ້ຢືມ ແລະ ຊ່ວຍເຫຼືອລ້າຈາກທະນາຄານພັດທະນາອາຊີ ພ້ອມທັງທຶນສົມທົບຂອງລັດຖະບານລາວ, ລວມມູນຄ່າທັງໝົດ 47 ລ້ານ 7ແສນ 40 ພັນໂດລາສະຫະລັດ, ລວມມີ 7 ໜ້າວຽກໃນ 3 ເມືອງຂອງແຂວງສະຫວັນະເຂດຄື: ນະຄອນໄກສອນພົມວິຫານ, ເທສະບານເມືອງພີນ ແລະ ບ້ານແດນສະຫວັນເມືອງເຊໂປນ,ເຊິ່ງໃນການມອບຮັບຄັ້ງນີ້ມີ ໂຄງການກໍ່ສ້າງຖະໜົນໄກສອນ ພົມວິຫານ ມີຄວາມຍາວ 6 ກິໂລແມັດກ່ວາ , ໂດຍບໍລິສັດລັດວິສາຫະກິດກໍ່ສ້າງທາງເລກ 8 ເປັນຜູ້ຮັບເໝົາ ມີມູນຄ່າຕາມສັນຍາ 7.500.000ກ່ວາໂດລາສະຫະລັດ ພື້ນນທາງປູດ້ວຍຢາງຂົ້ວໜາ 7 ຊັງຕີແມັດ ເປັນທາງ 4 ເລນ ເບື້ອງລະ 2 ສອງຊ່ອງການຈໍລະຈອນມີລົດຈັກແລະ ລົດຖີບ, ກ້ວາງເບື້ອງລະ 1ແມັດເຄິ່ງ ລວມຄວາມກວ້າງສອງເບື້ອງທັງໝົດ 24 ແມັດ, ກໍ່ສ້າງດອນກາງກ້ວາງ 2ແມັດກ່ວາ ມີໜານປູກດອກໄມ້ໃຫ້ພຸ່ມ ແລະ ປູກຫຍ້າ ລວມທັງໝົດ 432 ໜານ, ຕິດຕັ້ງດອກໄຟເຍືອງທາງທັງໝົດ 213 ຕົ້ນເປັນດອກໄຟຄູ່, ປູກໄມ້ແຄມທາງ 2 ເບື້ອງໄດ້ 552 ຕົ້ນ, ມີທາງຍ່າງທັງສອງເບື້ອງ ແລະ ມີວົງວຽນ 2 ຈຸດຄືວົງວຽນສັນຍາລັກອາຊຽນ ແລະ ວົງວຽນກະບອງ; ນອກຈາກການກໍ່ສ້າງວຽກຫຼັກແລ້ວຍັງມີວຽກເພີ່ມຄື: ກໍ່ສ້າງທາງເຂົ້າສະໜາມບິນມີຄວາມຍາວ 730 ແມັດມູນຄ່າ 3ແສນ 56ພັນກ່ວາໂດລາສະຫະລັດ, ປູຢາງຂົ້ວໜາ 5 ຊມ ປະກອບມີເສົາໄຟ 17 ຕົ້ນ ປູກຕົ້ນຈໍາປາ 2 ຂ້າງທາງ 66 ຕົ້ນ.

(ໜັງສືພິມລາວພັດທະນາ)

ໂຄງການກໍ່ສ້າງ ທາງຟ້າງຸ່ມ ແລະ ສວນສາທາລະນະໄກສອນພົມວິຫານ ມີມູນຄ່າການກໍ່ສ້າງ 2.289.000 ກ່ວາໂດລາສະຫະລັດ ໂດຍບໍລິສັດຈໍາປາຄຳກໍ່ສ້າງສ້ອມແປງຂົວທາງ ແລະ ເຄຫະສະຖານ ຈຳກັດຜູ້ດຽວ ເປັນຜູ້ຮັບເໝົາ, ປະກອບມີຄວາມຍາວທັງໝົດ 2 ກິໂລແມັດກ່ວາ, ປູຢາງຂົ້ວໜາ 5 ຊັງຕີແມັດ ຕິດຕັ້ງໄຟເຍືອງທາງ ແບບແຂນດ່ຽວ 24 ຕົ້ນ ແບບແຂນຄູ່ຢູ່ສວນ 46 ຕົ້ນ, ປູກໄມ້ພິກຸນສອງເບື້ອງ 240 ຕົ້ນ, ມີເນື້ອທີ່ສວນສາທາລະນະໄກສອນ ພົມວິຫານ 21.760 ຕາແມັດ, ມີຫ້ອງຂາຍເຄື່ອງທີ່ລະລຶກ ແລະ ເຄື່ອງດື່ມຂະໜາດ 7ຄູນ 12ແມັດ 1 ຫຼັງໃນສວນປະກອບມີຕົ້ນໄມ້ປູກທັງໝົດ 345 ຕົ້ນ ພ້ອມມີລານອະເນກປະສົງ ວົງວຽນກອງ, ຫໍໂມງ ແລະ ປ້າຍຊື່ສວນອີກດ້ວຍ. ແລະ ໂຄງການກໍ່ສ້າງ ສະໜາມຂີ້ເຫຍື້ອ ບ້ານຊອກ ເປັນໂຄງການກໍາຈັດຂີ້ເຫຍື້ອມີເນື້ອທີ່ນຳໃຊ້ໃນປັດຈຸບັນ 16 ເຮັກຕາໃນນັ້ນເນື້ອທີ່ໂຄງການກໍ່ສ້າງທັງໝົດ 10 ເຮັກຕາສ່ວນ 6 ເຮັກຕາແມ່ນເອກະຊົນເປັນຜູ້ສໍາປະທານນໍາລັດ ໃນອານາຄົດພາຍຫຼັງໂຄງການມີການມອບຮັບຈະໄດ້ມີການຈັດສັນການຄຸ້ມຄອງຄືນໃໝ່ຕື່ມອີກ. ສະໜາມກໍາຈັດຂີ້ເຫຍື້ອ ມີມູນຄ່າການກໍ່ສ້າງທັງໝົດ1.659.000ກ່ວາໂດລາສະຫະລັດ ໂດຍບໍລິສັດ ເອສພີ ກໍ່ສ້າງ ຈຳກັດຜູ້ດຽວ ເປັນຜູ້ຮັບເໝົາ ປະກອບດ້ວຍສິ່ງປຸກສ້າງຄື: ລະບົບຊິງຊັ່ງ 1 ຊຸດ, ອາຄານຫ້ອງການບໍລິຫານ, ທາງຄອນກຣີດຍາວ 561 ແມັດ ມີຮ່ອງນໍ້າຂ້າງທາງ , ອາຄານຫ້ອງສຸຂະອະນາໄມ້, ອາຄານຄັດແຍກຂີ້ເຫຍື້ອ, ອາຄານຜະລິດຝຸ່ນບົ່ມ, ອາຄານຕາກອາຈົມ, ຂຸມຖິ້ມຂີ້ເຫຍື້ອໃໝ່ 3 ເຮັກຕາກ່ວາ, ໜອງບໍາບັດນໍ້າເສຍ ລະບົບເຕີມອາກາດ, ໜອງບໍາບັດນໍ້າເສຍ ຕົກຕະກອນ, ປ້ອມຍາມ 1 ຫຼັງ, ປະຕູສະວິງທາງເຂົ້າສະໜາມ, ຮົ້ວອ້ອມສະໜາມ ຮົ້ວຕາໜ່າງ ແລະ ກໍາແພງ ແລະ ໝໍ້ແປງໄຟຟ້າ 162 ກິໂລໂວນອໍາແປ. ນອກນັ້ນຍັງມີການສະໜອງອຸປະກອນອື່ນໆ ເຂົ້າໃນການກຳຈັດ ການເຮັດຝຸ່ນບົ່ມ ແລະ ການນຳເອົາຂີ້ເຫຍື່ອມານຳໃຊ້ຄືນໃໝ່ ປະກອບມີພາຫະນະຄື: ລົດຈົກ 1 ຄັນ, ລົດດ້າມ 2 ຄັນ, ລົດເກັບຂີ້ເຫຍື່ອອັດແໜ້ນ 8 ແມັດກ້ອນ 2 ຄັນ, ລົດເກັບຂີ້ເຫຍື່ອ 6 ແມັດກ້ອນ 2 ຄັນ, ລົດລ້າງທາງ-ດູດນ້ຳເປື້ອນ 1 ຄັນ, ລົດປັດຝຸ່ນ 1 ຄັນ ແລະ ຖັງຂີ້ເຫຍື່ອຂະໜາດບັນຈຸ 120 ລິດ 400 ຖັງ ລວມມູນຄ່າ 7ແສນກ່ວາໂດລາສະຫະລັດ.

ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ - 107100010 1198452917168599 5153826281152958538 n 300x225 - ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ

ໂອກາດນີ້ ທ່ານນາງ ວິໄລຄໍາ ໂພສາລາດ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ກ່າວ ແລະ ມອບຕໍ່ໃຫ້ແກ່ການນຳຂອງແຂວງ.ຈາກນັ້ນທ່ານ ທ່ອນແກ້ວພຸດທະໄກຍະລາດ ຮອງເຈົ້າແຂວງສະຫວັນນະເຂດກໍ່ໄດ້ໃຫ້ກຽດຂຶ້ນກ່າວຮັບໂຄງການວ່າ:ໂຄງການທີ່ໄດ້ຮັບການພັດທະນາຄົບຊຸດຂອງເສັ້ນທາງໃນຕົວເມືອງພາຍຫຼັງກໍ່ສ້າງສຳເລັດມັນໄດ້ເຮັດໃຫ້ນະຄອນໄກສອນພົມວິຫານກາຍເປັນນະຄອນທີ່ສວຍງາມ,ມີຄວາມສະດວກສະບາຍໃນການສັນຈອນ,ຂໍສະແດງຄວາມຊົມເຊີຍຕໍ່ການນຳກະຊວງໂຍທາທິການແລະຂົນສົ່ງແລະກະຊວງທີ່ກ່ຽວຂ້ອງໄດ້ເອົາໃຈໃສ່ໃນການພັດທະນາຕົວເມືອງຕາມແລວເສດຖະກິດຕາເວັນອອກ-ຕາເວັນຕົກອະນຸພາກພື້ນແມ່ນໍ້າຂອງໃນແຂວງ,ຕາງໜ້າໃຫ້ອຳນາດການປົກຄອງແຂວງສະຫວັນນະເຂດຂໍຮັບເອົາໂຄງການດັ່ງກ່າວທີ່ທັງກະຊວງໂຍທາທິການແລະຂົນສົ່ງໄດ້ເປັນຜູ້ສະໜັບສະໜູນໄດ້ເຮັດໃຫ້ການກໍ່ສ້າງສຳເລັດໃນຄັ້ງນີ້ຈະສືບຕໍ່ຊີ້ນຳໆພາເຮັດໃຫ້ເສັ້ນທາງທີ່ສ້າງສຳເລັດນໍາໃຊ້ໃຫ້ເກີດປະໂຫຍດສູງສຸດ.

ໃນພິທີ ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດກໍ່ໄດ້ລັ່ນຄ້ອງ 9 ບາດ ພ້ອມທັງຮ່ວມກັບທ່ານນາງ ວິໄລຄຳ ໂພສາລາດ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ມີຫົວໜ້າພະແນກໂຍທາທິການ ແລະ ຂົນສົ່ງແຂວງ, ທ່າຫົວໜ້າກົມເຄຫະຜັງເມືອງ, ບໍລິສັດຮັບເໝົາທັງ 3 ບໍລິສັດ ພ້ອມກັນຕັດແຖບຜ້າ ແລະ ປ່ອຍປຸ່ງເປົ້າເປີດນຳໃຊ້ 3 ໂຄງການກໍ່ສ້າງຢ່າງເປັນທາງການໂດຍຊ່ອງໜ້າຈາກບັນດາແຂກທີ່ເຂົ້າຮ່ວມ.

(ໜັງສືພິມລາວພັດທະນາ)

ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ -    AD conten website - ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ
ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ - lattana banner - ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ
ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ - lattana banner 1 - ສຳເລັດແລ້ວເສັ້ນທາງໄກສອນ ພົມວິຫານ ມູນຄ່າ 7 ລ້ານກວ່າໂດລາ ຍາວ 6 ກິໂລແມັດ
error: Alert: ເນື້ອຫາຂ່າວມີລິຂະສິດ !!