ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ

ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ - 58 - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ
ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ - AGL banner - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ

ໃນຕອນເຊົ້າຂອງວັນທີ 3 ກໍລະກົດ 2020 ນີ້,ເມືອງສາມັກຄີໄຊ ແຂວງອັດຕະປື ໄດ້ເປີດຂະບວນການຍ່າງໂຄສະນາສຸຂະສືກສາກ່ຽວກັບການປ້ອງກັນ,ຄວບຄຸມ ແລະຕອບໂຕ້ພະຍາດໄຂ້ຍຸງລາຍຂື້ນທີ່ສວນສາທາລະນະເຈົ້າໄຊຍະເສດຖາທິລາດ ເມືອງສາມັກຄີໄຊ ແຂວງອັດຕະປື.ໂດຍໃຫ້ກຽດເຂົ້າຮ່ວມມີທ່ານ ບຸນທະມາລີ ໜັ້ນອານົງ ເຈົ້າເມືອງສາມັກຄີໄຊ,ມີການນໍາຂອງເມືອງ,ພະນັກງານລັດຖະກອນ ຕະຫຼອດຮອດພໍ່ແມ່ປະຊາຊົນບ້ານເທດສະບານພາຍໃນເມືອງສາມັກຄີໄຂເຂົ້າຮ່ວມ.

(ໜັງສືພິມ ລາວພັດທະນາ)

ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ - 1 1 300x193 - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ

ໃນພິທີທ່ານ ບຸນທະມະລີ ໝັ້ນອານົງ ເຈົ້າເມືອງສາມັກຄີໄຊ ໄດ້ກ່າວມີຄໍາເຫັນວ່າ: ຂະບວນການຍ່າງໂຄສະນາສຸຂະສືກສາກ່ຽວກັບການປ້ອງກັນ,ຄວບຄຸມ ແລະຕອບໂຕ້ພະຍາດໄຂ້ຍຸງລາຍ ຄັ້ງນີ້ເພື່ອປຸກລະດົມທົ່ວສັງຄົມພາຍໃນເມືອງສາມັກຄີໄຊ ໃຫ້ເປັນເຈົ້າການຕ້ານພະຍາດໄຂຍູງລາຍບໍ່ໃຫ້ມີການແຜ່ລະບາດ,ປຸກລະດົມປະຊາຊົນໃຫ້ເປັນເຈົ້າການຮ່ວມກັນ ປະຕິບັດຫຼັກການ 5 ປໍທີ່ກະຊວງສາທາລະນະສຸກວາງອອກ.ໄລຍະຜ່ານມາຄະນະພັກອໍານາດການປົກຄອງເມືອງໄດ້ເອົາໃຈໃສ່ໃນການປ້ອງກັນ ແລະຄວບຄຸມພະຍາດໄຂຍູງລາຍບໍໃຫ້ມີການແຜ່ລະບາດກັບປະຊາຊົນ ໂດຍການເຮັກວຽກງານໂຄສະນາສຸຂະສຶກສາ,ແນະນໍາວິທີປ້ອງກັນ ແລະອື່ນໆ.

ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ - 2 1 300x202 - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ

ທ່ານດຣ ປາລົມ ເຮືອງສັກ ຫົວໜ້າຫ້ອງການສາທາລະນະສຸກເມືອງສາມັກຄີໄຊ ໃຫ້ສຳພາດວ່າ:ສະພາບການລະບາດຂອງພະຍາດໄຂ້ຍູງລາຍຢູ່ເມືອງສາມັກຄີໄຊ ເລີ່ມແຕ່ເດືອນມັງກອນເຖິງເດືອນພຶດສະພາທົ່ວເມືອງສາມັກຄີໄຊ ພົບກໍລະນີຜູ້ຕິດເຊື້ອໄຂ້ຍູງລາຍແລ້ວ 58ກໍລະນີ ແຕ່ບໍມີກໍລະນີເສຍຊີວິດ ເມື່ອທຽບໃສ່ໄລຍະດຽວກັນຂອງປີຜ່ານມາແມ່ນມີທ່າອ່ຽງເພີ່ມຂຶ້ນ,ບ້ານທີ່ພົບກໍລະນີຫຼາຍກວ່າໝູ່ແມ່ນບ້ານຮົມ,ບ້ານຕະມໍເລີຍ,ບ້ານໃຫຍ່ເຊກະໝານ ທ່ານ ປາລົມ ເຮືອງສັກ ຫົວໜ້າສາທາລະນະສຸກເມືອງສາມັກຄີໄຊຍັງໄດ້ຮຽກຮ້ອງມາຍັງພໍ່ແມ່ປະຊາຊົນ ທົ່ວເມືອງສາມັກຄີໄຊ ຈົ່ງຮ່ວມແຮງຮ່ວມໃຈກັນເອົາໃຈໃສ່ໃນການປະຕິບັດ 5 ປໍ ສິງສໍາຄັນເວລາເປັນໄຂ້ບໍ່ຄວນຊື້ຢາມາກິນເອງ ຖ້າຄົນໃນຄອບຄົວມີການເຈັບໄຂ້ກໍໃຫ້ໄປພົບແພດຕາມໂຮງໝໍແຂວງ,ເມືອງຫຼືສຸກສາລາໃກ້ບ້ານກໍ່ເປັນການດີ.

ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ - 3 1 300x200 - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ

ພິທີເປີດຂະບວນການຍ່າງໂຄສະນາສຸຂະສືກສາກ່ຽວກັບການປ້ອງກັນ,ຄວບຄຸມ ແລະຕອບໂຕ້ພະຍາດໄຂ້ຍຸງລາຍຢູ່ເມືອງສາມັກຄີໄຊ ຄັ້ງນີ້ ໄດ້ຍ່າງໂຄສະນາຕາມເສັ້ນທາງເລີ່ມແຕ່ຈຸດເສັ້ນທາງສວນສາທາລະນະຂອງແຂວງອອກສູ່ເສັ້ນທາງເຂດບ້ານເຊກອງ,ບ້ານເມືອງໃໝ່,ບ້ານວັດຫລວງ ລວມໄລຍະທາງໄດ້ປະມານ 4ໂລແມັດ.ພ້ອມກັບການທໍາລາຍແຫຼ່ງເພາະພັນໜອນນໍ້າຍູງລາຍຕາມບ້ານເຮືອນຂອງປະຊາຊົນນໍາອີກດ້ວຍ.

(ໜັງສືພິມ ລາວພັດທະນາ)

ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ - lattana banner 1 - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ
ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ - lattana banner - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ
ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ -    AD conten website - ເມືອງສາມັກຄີໄຊ ເປີດຂະບວນຕ້ານໄຂ້ຍຸງລາຍ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!