ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ

ກຽມປິດຕຳນານເຮືອບິນ boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ - 307 - ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ
ກຽມປິດຕຳນານເຮືອບິນ boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ - 174233 - ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ

ສຳນັກ​ຂ່າວ Bloomberg ລາຍ​ງານ​ອ້າງ​ແຫ​ລ່ງຂ່າວ​ວ່າ: Boeing ກຳລັງ​ຢຸດ​ສາຍ​ການ​ຜະລິດ​ເຮືອບິນ​ຂະໜາດ​ໃຫຍ່​ແບບ Boeing 747 ຫລັງ​ຍອດ​ສັ່ງ​ຊື້ຫລຸດ​ລົງ​ຫລາຍ. ຂະນະ​ທີ່​ສາຍ​ການບິນ​ທົ່ວ​ໂລກ​ທະຍອຍ​ປົດ​ປະຈຳການ ​ແລະ ຫັນ​ໄປ​ໃຊ້​ເຮືອບິນ​ທີ່​ມີ​ຂະໜາດ​ນ້ອຍ​ກວ່າ​ແທນ. ຖື​ເປັນ​ການສິ້ນສຸດ​ຕຳນານ​ຈຳ​ໂບ້​ເຈ໊ດທີ່​ມີ​ອາຍຸ​ 50 ກວ່າ​ປີ ​ແລະ ​ເປັນ​ສັນຍາ​ລັກ​ເຮືອບິນ​ໂດຍສານ​ທີ່​ທົ່ວ​ໂລກ​ຮູ້ຈັກ.

​ແຫ​ລ່ງຂ່າວ​ເປີດ​ເຜີຍ​ວ່າ: Boeing ຕັດສິນ​ໃຈ​ປິດ​ສາຍ​ການ​ຜະລິດ​ຫລັງ​ເຮືອບິນ Boeing 747 ລຳ​ສຸດ​ທ້າຍ​ອອກ​ຈາກ​ໂຮງງານ​ໃນ​ເອ​ເວີ​ເຣດ ລັດ​ວໍ​ຊິງ​ຕັນ ​ໃນ​ອີກ 2 ປີ​ຕໍ່ໜ້າ ​ໂດຍ​ປັດຈຸບັນ ບໍລິສັດ​ມີ​ອໍ​ເດີ້​ເຫລືອ​ຢູ່ 16 ລຳ ​ເປັນ​ເຮືອບິນ​ຮູບ​ແບບຂົນ​ສົ່ງ​ແບບ 747-8F.

ຫລາຍ​ປີຜ່ານມາ ​ເຮືອບິນ Boeing 747 ບໍ່​ໄດ້​ຮັບ​ຄວາມ​ນິຍົມ ​ແລະ ​ເລີ່​ມຖືກ​ປົດ​ອອກ​ຈາກ​ເສັ້ນທາງ​ການບິນ​ຂອງ​ສາຍ​ການບິນ​ທົ່ວ​ໂລກ ​ໂດຍ​ປັດຈຸບັນ​ເຫລືອ​ສາຍ​ການບິນ​ພຽງ​ບໍ່​ເທົ່າ​ໃດ​ແຫ່ງ​ທີ່​ຍັງ​ໃຊ້ Boeing 747 ຢູ່ ​ແລະ ສ່ວນ​ຫລາຍ​​ເປັນ​ເຮືອບິນ​ຂົນ​ສົ່ງ​ສິນຄ້າ.

(ໜັງສືພິມລາວພັດທະນາ)

​ເວລາ​ນີ້​ສາຍ​ການບິນ​ທົ່ວ​​ໂລກ​ຫັນ​ໄປ​ນິຍົມ​ໃຊ້​ເຮືອບິນ​ທີ່​ມີ​ຂະໜາດ​ນ້ອຍ​ກວ່າ ​ແລະ ປະຢັດ​ເຊື້ອ​ໄຟ​ຫລາຍ​ກວ່າ​ເຊັ່ນ: Boeing 787 Dreamliner ຫລື Boeing 737 ​ແທນ ​ໂດຍ​ເມື່ອ​ປຽບທຽບ​ກັນ​ແລ້ວ Boeing 747 ມີ​ອັດຕາ​ການ​ຜະລິດ​ຊ້າ​ ​ປີ​ລະ 6 ລຳ. ຂະນະ​ທີ່ Boeing 787 ມີ​ກຳລັງ​ການ​ຜະລິດ​ສູງ​ເຖິງ​ປີ​ລະ 168 ລຳ. ນອກຈາກ​ນີ້ Boeing ຍັງ​ມີ​ແຜນ​ເລັ່ງພັດທະນາ​ເຮືອບິນ​ລຳ​ຕົວຢ່າງ​ຄື 777X ນຳ​ອີກ.

ກຽມປິດຕຳນານເຮືອບິນ boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ - Wave100S AD to Website 2020 0 - ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ

ນອກຈາກ Boeing 747 ທີ່​ມີ​ສາຍ​ຍາ​ນາມ​ວ່າ: ລາຊິນີ​ແຫ່ງ​ຟາກ​ຟ້າ​ແລ້ວ, Airbus ກໍ​ກຽມ​ຢຸດ​ການ​ຜະລິດ​ເຮືອບິນ​ຊຸບ​ເປີ​ຈຳ​​ໂບ້ 2 ຊັ້ນຄື Airbus A380 ນຳ​ອີ.

ສຳລັບ Boeing ​ແລ້ວ, ​ໂຄ​ວິດ​ຖື​ເປັນ​ວິ​ກິດ​ຊ້ອນ​ວິ​ກິດ​ທີ່​ຊ້ຳຕື່ມ​ບາດ​ເກົ່າ ຫລັງ​ມໍ​ລະ​ສຸມ​ທີ່​ຜະ​ເຊີນ​ຮອບ​ກ່ອນ​ຍັງ​ບໍ່​ຈາງ​ຫາຍ ຈາກ​ອຸປະຕິ​ເຫດ​ເຮືອບິນ​ສາຍ​ການບິນ Lion Air ​ແລະ Ethiopian Airlines ທີ່​ຕົກ​ຫ່າງ​ກັນ 5 ​ເດືອນ ​ໃນ​ປີ 2018 ​ແລະ 2019 ​ເຊິ່ງ​ເຮັດ​ໃຫ້​ອະນາຄົດ​ຂອງ​ເຮືອບິນ Boeing 737 MAX ຄຸມ​ເຄືອ ​ແລະ ຍັງ​ຕ້ອງ​ລໍຖ້າ​ໄຟ​ຂຽວ​ຈາກ​ໜ່ວຍ​ງານ​ການບິນ​ພົນລະ​ເຮືອນ​ຂອງ​ອາ​ເມ​ລິ​ກາ ​ແລະ ທົ່ວ​ໂລກ ຈຶ່ງ​ຈະ​ສາມາດ​ຂຶ້ນບິນ​ໄດ້​ອີກ​ເທື່ອ​ໜຶ່ງ.

ວິ​ກິດ​ໂຄ​ວິດ​ຍັງ​ສ້າງ​ແຮງ​ກົດ​ດັນ​ໃຫ້ Boeing ຕ້ອງ​ເລັ່ງປັບ​ໂຄງ​ສ້າງ​ອົງ​ກອນ ​ໂດຍ​ໃນ​ເດືອນ​ພຶດສະພາ ບໍລິສັດ​ໄດ້​ປະກາດ​ແຜນ​ຫລຸດ​ຈຳນວນ​ພະນັກງານ​ທົ່ວ​ໂລກ​ລົງ 10% ​ຫລື ​ເກືອບ 13.000 ຕຳ​ແໜ່​ງ ​ເຊິ່ງສ່ວນ​ຫລາຍ​ຢູ່​ອາ​ເມ​ລິ​ກາ. ຂະນະ​ທີ່ Boeing ອາດ​ຜະ​ເຊີນ​ຄວາມ​ບໍ່​ແນ່ນອນ​ອີກ​ຢ່າງ​ໜ້ອຍ 2 ປີ ​ໃນ​ໄລຍະ​ທີ່​ອຸປະ​ສົງ​ການ​ເດີນທາງ​ທາງ​ອາກາດ​ຍັງ​ຢຸດ​ສະ​ງັກ.

(ໜັງສືພິມລາວພັດທະນາ)

ກຽມປິດຕຳນານເຮືອບິນ boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ - WhatsApp Image 2020 05 27 at 5 - ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ
ກຽມປິດຕຳນານເຮືອບິນ boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ - WhatsApp Image 2020 05 27 at 5 - ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ
ກຽມປິດຕຳນານເຮືອບິນ boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ - WhatsApp Image 2020 05 27 at 5 - ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ
ກຽມປິດຕຳນານເຮືອບິນ boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ - WhatsApp Image 2020 05 27 at 5 - ກຽມປິດຕຳນານເຮືອບິນ Boeing 747 ຈະຢຸດການຜະລິດ ‘ຈຳໂບ້ເຈ໊ດ’ ໃນ 2 ປີຕໍ່ໜ້າ
error: Alert: Content is protected !!