ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19

ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19 - 309 - ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19
ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19 - AGL banner - ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19

ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ເລັ່ງຊຸກຍູ້ໃຫ້ບັນດາຫົວໜ່ວຍທຸລະກິດທ່ອງທ່ຽວ ກຽມຈັດບັນດາກິດຈະກໍາຢູ່ແຕ່ລະທ້ອງຖິ່ນຕາມເງື່ອນໄຂ ແລະ ຄວາມເໝາະສົມ ເພື່ອຊຸກຍູ້ສົ່ງເສີມການທ່ອງທ່ຽວພາຍໃນ “ລາວທ່ຽວລາວ” ເພື່ອແນໃສ່ຟື້ນຟູການທ່ອງທ່ຽວພາຍຫລັງການລະບາດຂອງພະຍາດໂຄວິດ-19.

ຮອງລັດຖະມົນຕີກະຊວງຖະແຫ່ງຂ່າວ, ວັດທະນະທຳ ແລະ ທ່ອງທ່ຽວ ​ໃຫ້​ຮູ້ວ່າ: ເພື່ອຊຸກຍູ້ສົ່ງເສີມການທ່ອງທ່ຽວລາວໃຫ້ຄ່ອຍກັບຄືນສູ່ສະພາບປົກກະຕິ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຊຸກຍູ້ພາກທຸລະກິດຮ່ວມກັນສ້າງລາຍການທ່ອງທ່ຽວໃຫ້ຫລາກຫລາຍ ເພື່ອແນໃສ່ສົ່ງເສີມ “ລາວທ່ຽວລາວ” ໂດຍມີສ່ວນຫລຸດຫລາຍຮູບແບບ ເປັນຕົ້ນສ່ວນຫລຸດລາຍການທ່ອງທ່ຽວ, ສ່ວນຫລຸດໂຮງແຮມ, ເຮືອນພັກ, ຮ້ານອາຫານ-ເຄື່ອງດື່ມ ແລະ ອື່ນໆ, ຊຸກຍູ້ໃຫ້ແຕ່ລະແຂວງ ຫລື ຕົວເມືອງທ່ອງທ່ຽວສ້າງກິດຈະກໍາການທ່ອງທ່ຽວທີ່ຕິດພັນກັບວັດທະນະທໍາ, ຮີດຄອງປະເພນີຂອງທ້ອງຖິ່ນ, ວິຖີຊີວິດຂອງທ້ອງຖິ່ນ, ຫັດຖະກໍາທ້ອງຖິ່ນ, ອາຫານທ້ອງຖິ່ນ ແລະ ການທ່ຽວຊົມທໍາມະຊາດ. ຟື້ນຟູຄວາມເຊື່ອໝັ້ນຂອງນັກທ່ອງທ່ຽວພາຍໃນ ແລະ ຕ່າງປະເທດ ໃນນີ້ເນັ້ນໃສ່ດ້ານມາດຕະການດ້ານຄວາມປອດໄພ, ວິທີການຮັກສາສຸຂະອະນາໄມ, ການກະກຽມການປ້ອງກັນຕົນເອງກ່ອນການເດີນທາງ, ກ່ຽວກັບບັນຫາດ້ານສຸຂະອະນາໄມ ແລະ ຄວາມປອດໄພຂອງນັກທ່ອງທ່ຽວ ຜູ້ໃຫ້ບໍລິການຂອງພາກລັດ ແລະ ພາກທຸລະກິດໃນຂະແໜງການທ່ອງທ່ຽວ ພ້ອມສົ່ງເສີມຜະລິດຕະພັນການທ່ອງທ່ຽວທີ່ໂດດເດັ່ນຂອງລາວ ເພື່ອໃຫ້ຄົນລາວອອກເດີນທາງທ່ອງທ່ຽວພາຍໃນ “ລາວທ່ຽວລາວ”.

(ໜັງສືພິມລາວພັດທະນາ)

ພ້ອມດຽວກັນນີ້, ຈະຊຸກຍູ້ ແລະ ສົ່ງເສີມບັນດາແຂວງໃນທົ່ວປະເທດຈັດກິດຈະກຳ ເພື່ອສົ່ງເສີມການທ່ອງທ່ຽວລາວ ເປັນຕົ້ນງານບຸນປະເພນີຂອງແຕ່ລະທ່ອງຖິ່ນ, ງານເທດສະການອາຫານແຕ່ລະພາກ, ເທດສະການດື່ມຊາ 400 ປີ, ເທດສະການກາເຟລາວ, ເທດສະການອາຫານພື້ນບ້ານ, ງານວາງສະແດງ ແລະ ຂາຍສິນຄ້າເຄື່ອງຫັດຖະກຳ. ພ້ອມນັ້ນ, ຍັງຈະສ້າງວີດີໂອສັ້ນ ເພື່ອໂຄສະນາການທ່ອງທ່ຽວ ພາຍຫລັງສິ້ນສຸດການລະບາດຂອງພະຍາດໂຄວິດ-19 ແລ້ວໂພດຕາມສື່ອອນລາຍຕ່າງໆເຊັ່ນ: FB, Twitter, IG, Tik Tok, Wechat ແລະ Youtube, ພ້ອມທັງຈະຈັດກິດຈະກໍາຮ່ວມກັບປະເທດໃກ້ຄຽງ ເພື່ອກະຕຸ້ນການທ່ອງທ່ຽວເຊັ່ນ: ຂີ່ລົດຖີບ, ງານວາງສະແດງຜະລິດຕະພັນການທ່ອງທ່ຽວ ແລະ ອື່ນໆ.

ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19 - Wave100S AD to Website 2020 0 - ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19

ທ່ານໃຫ້ຮູ້ຕື່ມວ່າ: ຍ້ອນການລະບາດຂອງພະຍາດໂຄວິດ-19 ນັບແຕ່ກາງເດືອນກຸມພາເປັນຕົ້ນມາ, ຫົວໜ່ວຍທຸລະກິດການທ່ອງທ່ຽວເກືອບທັງໝົດໄດ້ຢຸດການບໍລິການ ໃນນີ້ມີໂຮງແຮມ 637 ແຫ່ງ, ຣີສອດ ແລະ ເຮືອນພັກ 2.283 ແຫ່ງ, ບໍລິສັດທ່ອງທ່ຽວ 539, ຕົວແທນບໍລິສັດທ່ອງທ່ຽວຈໍານວນ 36 ແຫ່ງ, ສະຖານທີ່ທ່ອງທ່ຽວທີ່ເປີດບໍລິການຈໍານວນ 809 ແຫ່ງ ແລະ ເຄືອຄ່າຍສະໜອງການທ່ອງທ່ຽວອື່ນໆ ເຮັດໃຫ້ນັກທ່ອງທ່ຽວຕ່າງປະເທດເຂົ້າມາລາວໃນ 3 ເດືອນຕົ້ນປີ 2020 ມີ 886.447 ຫລຸດລົງ -17% ຖ້າທຽບໃສ່ໄລຍະດຽວກັນຂອງປີ 2019 ຜ່ານມາ.

(ໜັງສືພິມລາວພັດທະນາ)

ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19 - WhatsApp Image 2020 05 27 at 5 - ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19
ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19 - WhatsApp Image 2020 05 27 at 5 - ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19
ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19 - WhatsApp Image 2020 05 27 at 5 - ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19
ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19 - WhatsApp Image 2020 05 27 at 5 - ກຽມຈັດກິດຈະກໍາສົ່ງເສີມລາວທ່ຽວລາວ ຫລັງໂຄວິດ-19
error: Alert: Content is protected !!