ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ

ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ - AGL banner - ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ

ໃນພາກບ່າຍຂອງການດຳເນີນ ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ວັນທີ 1 ກໍລະກົດ 2020, ທ່ານ ບຸນ​ປອນ ສີ​ສຸ​ລາດ ກໍາມະການຄະນະປະຈໍາສະພາ​ແຫ່ງ​ຊາດ, ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ໄດ້​ລາຍງານຜົນການຕິດຕາມກວດກາ ການຈັດຕັ້ງປະຕິບັດກົດໝາຍ ກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ ເປັນຕົ້ນແມ່ນການຊອກຄົ້ນ ສຳຫລວດ, ຂຸດຄົ້ນ ແລະ ປຸງແຕ່ງ ແຮ່ທາດ, ຫີນຜາ, ຫີນແຮ່ ແລະ ຊາຍ ເພື່ອໃຫ້ ບັນດາ ສະມາຊິກສະພາແຫ່ງຊາດ ໄດ້ປະກອບຄຳຄິດຄຳເຫັນໃສ່ບົດລາຍງານດັ່ງກ່າວ ໃຫ້ມີເນື້ອໃນຄົບຖ້ວນສົມບູນ.

ທ່ານ ບຸນ​ປອນ ສີ​ສຸ​ລາດ ໄດ້ໃຫ້ຮູ້ວ່າ: ຜ່ານການລົງເຄື່ອນໄຫວຕິດຕາມກວດກາຕົວຈິງຢູ່ບັນດາແຂວງພາກເໜືອ, ພາກກາງ ແລະ ພາກໃຕ້, ການສະເໜີຂອງປະຊາຊົນຜ່ານສາຍດ່ວນສະພາ​ແຫ່ງ​ຊາດ, ການລາຍງານຂອງຂະແໜງການກ່ຽວຂ້ອງ, ສະມາຊິກສະພາແຫ່ງຊາດປະຈໍາເຂດເລືອກຕັ້ງ ໃນຂອບເຂດທົ່ວປະເທດ ເຫັນວ່າໄລຍະຜ່ານມາ, ລັດຖະບານໄດ້ເອົາໃຈໃສ່ຢ່າງຕັ້ງໜ້າ ໃນການຄຸ້ມຄອງ ແລະ ນໍາໃຊ້ ຊັບພະຍາກອນທໍາມະຊາດ ໂດຍສະເພາະ ແຮ່ທາດ, ຫີນຜາ, ຫີນແຮ່ ແລະ ຊາຍ, ໄດ້ສ້າງ ແລະ ປັບປຸງ ກົດໝາຍ ລວມທັງນິຕິກໍາໃຕ້ກົດໝາຍທີ່ກ່ຽວຂ້ອງຫລາຍສະບັບ. ມາຮອດປັດຈຸບັນ ລັດຖະບານ ແລະ ອົງການປົກຄອງທ້ອງຖິ່ນໄດ້ອະນຸຍາດ ໃຫ້ສໍາປະທານກິດຈະການກ່ຽວກັບແຮ່ທາດ ລວມທັງຫີນຜາ, ຫີນແຮ່ ແລະ ຊາຍ ໃນຂອບເຂດທົ່ວປະເທດ ທີ່ສູນກາງ ແລະ ທ້ອງຖິ່ນ ອະນຸຍາດ ແລະ ຍັງດຳເນີນການຢູ່ ໃນປັດຈຸບັນ ມີທັງໝົດ 885 ກິດຈະການ, ໃນນີ້ ສູນກາງອະນຸຍາດ 320 ກິດຈະການ ເຊິ່ງຢູ່ໃນຂັ້ນຕອນຊອກຄົ້ນ ແລະ ສໍາຫລວດ 113 ກິດຈະການ, ຂັ້ນຕອນ ສຶກສາບົດວິພາກເສດຖະກິດ-ເຕັກນິກ 65 ກິດຈະການ ແລະ ກິດຈະການທີ່ຢູ່ໃນຂັ້ນຕອນ ຂຸດຄົ້ນ ແລະ ປຸງແຕ່ງ ມີ 142 ກິດຈະການ. ນອກນັ້ນ ຂັ້ນທ້ອງຖິ່ນ(ຂະແໜງພະລັງງານ ແລະ ບໍ່ແຮ່) ​ໄດ້ອະນຸຍາດ ໃຫ້ຂຸດຄົ້ນແຮ່ທາດອະໂລຫະສໍາລັບການກໍ່ສ້າງ ແລະ ອຸດສາຫະກໍາ 565 ກິດຈະການ. ສໍາລັບການຂຸດຄົ້ນຫີນແຮ່ ແລະ ຊາຍຕາມລໍາແມ່ນໍ້າຂອງ ແລະ ແມ່ນໍ້າຕ່າງໆທີ່ຂັ້ນ ສູນກາງ ແລະ ທ້ອງຖິ່ນ (ຂະແໜງໂຍທາທິການ ແລະ ຂົນສົ່ງ) ອະນຸຍາດ ໃນປີ 2019 ມີທັງໝົດ 402 ບໍລິສັດ, ໃນນັ້ນ, ຂັ້ນສູນກາງອະນຸມັດ 6 ບໍລິສັດ, ຂັ້ນແຂວງ 284 ບໍລິສັດ ແລະ ຂັ້ນເມືອງ 112 ບໍລິສັດ.

ມາຮອດປັດຈຸບັນ, ຕາມການລາຍງານຂອງຂະແໜງການກ່ຽວຂ້ອງ, ການດໍາເນີນກິດຈະການ ກ່ຽວກັບແຮ່ທາດ ໄດ້ປະກອບສ່ວນ ຢ່າງແຂງແຮງໃຫ້ແກ່ ການພັດທະນາເສດ ຖະກິດ-ສັງຄົມ​ແຫ່ງ​ຊາດ, ສ້າງລາຍຮັບເຂົ້າງົບປະມານແຫ່ງລັດ ເປັນຈຳນວນບໍ່ໜ້ອຍ ຄື: ແຕ່ປີ 2016-2019 ໄດ້ 3.149,73 ຕື້ກີບ ຫລື ປະມານ 370,55 ລ້ານໂດລາສະຫະລັດ ໃນນັ້ນ, ໄດ້ຈາກອາກອນ 872,05 ຕື້ກີບ, ຄ່າຊັບພະຍາກອນ 2.060,96 ຕື້ກີບ, ຄ່າສໍາປະທານ 216,72 ຕື້ກີບ ແລະ ຄາດຄະເນໃນປີ 2020 ຈະໄດ້ ປະມານ 150 ລ້ານໂດລາສະຫະລັດ, ເຮັດໃຫ້ການພັດທະນາເສດຖະກິດ-ສັງຄົມ ແຫ່ງຊາດ ມີການຂະຫຍາຍຕົວ, ສ້າງວຽກເຮັດງານທໍາ ແລະ ແກ້ໄຂຄວາມທຸກຍາກ ໃຫ້ແກ່ປະຊາຊົນໃນທ້ອງຖິ່ນ ໄດ້ດີສົມຄວນ. ນອກຈາກນີ້, ການຂຸດຄົ້ນແຮ່ທາດ, ຫີນຜາ, ຫີນແຮ່ ແລະ ຊາຍ ຍັງໄດ້ປະກອບສ່ວນ ກອງທຶນພັດທະນາຕ່າງໆ, ປະກອບສ່ວນໃນການພັດທະນາພື້ນຖານໂຄງລ່າງ ເປັນຕົ້ນ ຖະໜົນຫົນທາງ, ໂຮງຮຽນ, ໂຮງໝໍ, ສຸກສາລາ ແລະ ສິ່ງປຸກສ້າງອື່ນ ເຮັດໃຫ້ຕົວເມືອງ ແລະ ຊົນນະບົດ ໄດ້ຮັບການພັດທະນາດີຂຶ້ນເປັນກ້າວໆ.

ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ - Wave100S AD to Website 2020 0 - ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ
ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ - lattana banner - ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ
ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ -    AD conten website - ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ
ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ - lattana banner 1 - ຄະນະປະຈຳສະພາແຫ່ງຊາດ ລາຍງານຜົນການກວດກາ ການປະຕິບັດ ກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ
error: Alert: ເນື້ອຫາຂ່າວມີລິຂະສິດ !!