ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?

ເປັນຍ້ອນຄວາມທຸກຍາກ ຫຼື ບໍ່ຢາກເຮັດ? - 5656 - ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?
ເປັນຍ້ອນຄວາມທຸກຍາກ ຫຼື ບໍ່ຢາກເຮັດ? - 174233 - ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?

ໂດຍ: ມຶກບໍ່ແຫ້ງ

ການພັດທະນາຊົນນະບົດແລະລຶບລ້າງຄວາມທຸກຍາກແມ່ນບູລິມະສິດຂອງລັດຖະບານເຮົາຕະຫຼອດມາແຕ່ບັນຫາທີ່ສຳຄັນໃນວຽກງານນີ້ແມ່ນການລົງມືເຮັດແລະຄວາມເປັນເຈົ້າການ.

ໄປຢຽບໝາມາຢຽບຂຽດແມ່ນຄຳສຸພາສິດຂອງບັນພະບູລຸດເຮົາທີ່ກ່າວເປັນພັງເພີຍວ່າຄົນລາວດຸໝັ່ນສໍ່າໃດ, ປົກກະຕິໝາຈະຕື່ນເຊົ້າແລະຂຽດກໍມັກອອກຍາມກາງຄືນ, ເພາະສະນັ້ນກໍພໍເດົາອອກວ່າການອອກໄປທຳການຜະລິດຂອງພວກເຮົານັ້ນເລີ່ມຕົ້ນຂຶ້ນແຕ່ຕອນເຊົ້າໆ ແລ້ວຢຸດເຊົາຕອນຄໍ່າມືດ. ພ້ອມນັ້ນ, ພວກເຮົາກໍໄດ້ ຍົກຍ້ອງວ່າຄົນລາວດຸໝັ່ນຂະຫຍັນພຽນ.

ເຖິງວ່າພວກເຮົາມີມູນເຊື້ອດັ່ງກ່າວແຕ່ການກ້າວເຂົ້າສູ່ການພັດທະນາເສດຖະກິດ-ສັງຄົມປັດຈຸບັນເພື່ອຍົກສູງຄຸນນະພາບຊີວິດຂອງຄົນລາວບໍ່ວ່າໃນເມືອງກໍຄືຄົນຊົນນະບົດນັ້ນແມ່ນພົບພໍ້ກັບບັນຫາຄວາມກຽດຄ້ານ, ຄອງຄອຍການຊ່ວຍເຫຼືອຈາກທາງອື່ນຈົນເປັນຄວາມເລື້ອງເຄີຍເຊິ່ງບໍ່ໄດ້ເຮັດໃຫ້ພວກເຮົາເຂັ້ມແຂງແລະທັງບໍ່ຍືນຍົງ.

“…ລົບລ້າງຄວາມທຸກຍາກຂອງປະຊາຊົນເຂດຊົນນະບົດ, ພູດອຍໃຫ້ເປັນເຈົ້າການໃນການທຳການຜະລິດໃຫ້ມີກິນ, ມີໃຊ້ກຸ້ມຕົນເອງເພິ່ງຕົນເອງ, ຕີຖອຍແນວຄິດຄອງຄອຍລໍຖ້າແລະສ້າງວິຖີຊີວິດໃໝ່…” ແມ່ນຕອນໜຶ່ງ ທີ່ນອນໃນ ມາດຕະການໃນການຈັດຕັ້ງປະຕິບັດວຽກງານພັດທະນາຊົນນະບົດແລະລຶບລ້າງຄວາມທຸກຍາກ ຂອງ ບົດລາຍງານຂອງລັດຖະບານຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີVIII.

ຜູ້ຂຽນຄິດວ່າເປັນບັນຫາສຳຄັນທີ່ສຸດທີ່ບົດລາຍງານນີ້ ໄດ້ສ່ອງແສງບັນຫາທີ່ເປັນພື້ນຖານຂອງການພັດທະນາຊົນນະບົດແລະລຶບລ້າງຄວາມທຸກຍາກຂອງປະຊາຊົນໃນປະເທດເຮົາ, ເຖິງວ່າລັດຖະບານຈະລົງທຶນຫຼາຍປານໃດກໍຕາມ, ຈະຂົນຂວາຍແຫຼ່ງທຶນຈາກສາກົນຫຼາຍປານໃດກໍຕາມຖ້າຫາກຍັງຂາດຄວາມເປັນເຈົ້າການ, ຄວາມເອົາໃຈໃສ່ ຂອງທ້ອງຖິ່ນແລ້ວການຊ່ວຍເຫຼືອທັງໝົດຈະບໍ່ຍືນຍົງ.

ເມື່ອຜູ້ຂຽນຍ່າງເຂົ້າໄປບ້ານໜຶ່ງທີ່ນັບວ່າຫ່າງໄກສອກຫຼີກຂອງແຂວງຄຳມ່ວນທີ່ຍັງບໍ່ສາມາດມີໄຟຟ້າໃຊ້ ແລະບ້ານດັ່ງກ່າວສາມາດເຂົ້າໄດ້ແຕ່ທາງເຮືອຜ່ານນໍ້າເທີນເປັນເລື່ອງທີ່ໜ້າສະອອນຫຼາຍທີ່ເຫັນເນື້ອທີ່ດິນບ້ານດັ່ງກ່າວກວ້າງຂວາງແລະມີດິນດຳທີ່ທົ່ວສາລະທິດ, ພໍເຫັນການປູກຕົ້ນໄມ້ໃຫ້ໝາກຕົ້ນດຽວຂອງທີມງານໂຄງການກໍຮູ້ໂລດວ່າດິນງາມສໍ່າໃດ.

ເປັນຍ້ອນຄວາມທຸກຍາກ ຫຼື ບໍ່ຢາກເຮັດ? - Wave100S AD to Website 2020 0 - ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?

ແຕ່ປະຊາຊົນບໍ່ໄດ້ເອົາຄວາມໄດ້ປຽບເລື່ອງດິນງາມແລະກວ້າງຂວາງນີ້ ເຮັດໃຫ້ຊີວິດເຂົາເຈົ້າງ່າຍແລະສະບາຍຂຶ້ນພໍເທົ່າໃດໂດຍປະປ່ອຍດິນໃຫ້ວ່າງເປົ່າລ້າໆ ແຕ່ປະຊາຊົນພັດຍ່າງຂ້າມຫຼາຍໜ່ວຍພູເພື່ອໄປໄຮ່ເຂົາເຈົ້າທີ່ໄດ້ເຂົ້າບໍ່ຫຼາຍເມື່ອທຽບກັບເຫື່ອແຮງແລະເວລາ.

ກ່ອນຈະໄປຮອດບ້ານດັ່ງກ່າວມີຄົນໄປນຳກັນບອກວ່າປະຊາຊົນຍັງທຸກຍາກຫຼາຍ, ບໍ່ສາມາດມີເຂົ້າກຸ້ມກິນຕະຫຼອດປີ, ບໍ່ມີໄຟຟ້າໃຊ້ ແລະບັນຫາອື່ນໆແຕ່ ພໍເຫັນສະພາບຕົວຈິງຜູ້ຂຽນເລີຍຖາມວ່າເປັນຫຍັງປະຊາຊົນບໍ່ທຳການຜະລິດ, ປ່ອຍປະດິນງາມໆນັ້ນເປົ່າວ່າງລ້າ.

ນັກພັດທະນາອາວຸໂສທີ່ເດີນທາງໄປນຳກັນວ່າ “ຕ້ອງເປີດສະໝອງ” ນັ້ນຈຶ່ງສອດຄ່ອງກັບແນວທາງຂອງລັດຖະບານເຮົາທີ່ວ່າການລົງຮາກຖານນັ້ນສຳຄັນພຽງໃດໃນການຊຸກຍູ້ສົ່ງເສີມໃຫ້ ປະຊາຊົນນຳໃຊ້ທ່າແຮງທີ່ຕົນມີພ້ອມດ້ວຍຄວາມດຸໝັ່ນ, ມີຫົວຄິດປະດິດສ້າງຈຶ່ງຈະສາມາດມີຢູ່ມີກິນໄດ້ ໂດຍບໍ່ຄອງຄອຍການຊ່ວຍເຫຼືອຈາກທາງອື່ນ.

 

ເປັນຍ້ອນຄວາມທຸກຍາກ ຫຼື ບໍ່ຢາກເຮັດ? - WhatsApp Image 2020 05 27 at 5 - ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?
ເປັນຍ້ອນຄວາມທຸກຍາກ ຫຼື ບໍ່ຢາກເຮັດ? - WhatsApp Image 2020 05 27 at 5 - ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?
ເປັນຍ້ອນຄວາມທຸກຍາກ ຫຼື ບໍ່ຢາກເຮັດ? - WhatsApp Image 2020 05 27 at 5 - ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?
ເປັນຍ້ອນຄວາມທຸກຍາກ ຫຼື ບໍ່ຢາກເຮັດ? - WhatsApp Image 2020 05 27 at 5 - ເປັນຍ້ອນຄວາມທຸກຍາກ ຫຼື ບໍ່ຢາກເຮັດ?
error: Alert: Content is protected !!