ປະທານປະເທດຢ້ຽມຢາມແຂວງບໍລິຄຳໄຊ

- 19397026 142242093005602 8817348213374336829 n - ປະທານປະເທດຢ້ຽມຢາມແຂວງບໍລິຄຳໄຊ
- Untitled design - ປະທານປະເທດຢ້ຽມຢາມແຂວງບໍລິຄຳໄຊ

ໃນວັນທີ 16 ມິຖຸນານີ້, ທ່ານ ບຸນຍັງ ວໍລະຈິດ ປະທານ ປະເທດ ແຫ່ງ ສປປ ລາວ ໄດ້ລົງເຄື່ອນໄຫວຢ້ຽມຢາມ ແລະ ຊີ້ນຳວຽກງານຢູ່ແຂວງບໍລິຄຳໄຊ ໂດຍໄດ້ຮັບການຕ້ອນຮັບຢ່າງ ອົບອຸ່ນຈາກທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມດ້ວຍຄະນະ.

ໃນການມາຢ້ຽມຢາມ, ທ່ານ ບຸນຍັງ ວໍລະຈິດ ໄດ້ໃຫ້ ກຽດພົບປະໂອ້ລົມການນຳຫລັກແຫລ່ງຂອງແຂວງ ໂດຍ ທ່ານ ໄດ້ ຕີລາຄາສູງ ແລະ ຍ້ອງຍໍຊົມເຊີຍອົງຄະນະພັກ ທຸກຂັ້ນ ທີ່ສຸມທຸກກຳລັງຄວາມສາມາດເຂົ້າໃນ ວຽກງານຂອງຕົນ ພ້ອມໄດ້ເນັ້ນ ໃຫ້ອົງຄະນະພັກແຂວງບໍລິຄຳໄຊເອົາໃຈໃສ່ແກ້ໄຂປາກົດການຫຍໍ້ທໍ້ ແລະ ຂໍ້ຂັດແຍ່ງທາງດ້ານ ສັງຄົມໃຫ້ໄດ້ຢ່າງ ຂາດຕົວ, ໃນນັ້ນໃຫ້ເລັ່ງແກ້ໄຂບັນຫາການຈັບ ຈອງທີ່ດິນທີ່ບໍ່ຖືກຕ້ອງ ເຊິ່ງອາດ ກໍ່ໃຫ້ເກີດບັນຫາຂໍ້ຂັດແຍ່ງຕາມ ມາ, ສ່ວນການພັດທະນາ ຕ້ອງໃຫ້ສົມ ຄູ່ກັນລະຫວ່າງຕົວເມືອງ ແລະ ຊົນນະບົດເພື່ອໃຫ້ມີຄວາມ ເທົ່າທຽມກັນ ແລະ ເອົາໃຈໃສ່    ບຳລຸງສ້າງພະນັກງານໃຫ້ໄດ້ຄຸນນະພາບແລ້ວຫັນລົງກໍ່ສ້າງຮາກ ຖານເພື່ອຊ່ວຍ ພັດທະນາທ້ອງ ຖິ່ນມີປະສິດທິພາບສູງຂຶ້ນ, ສ່ວນ ກຳລັງ ປກສ ແລະ ປກຊ ກໍຕ້ອງເລັ່ງແກ້ໄຂບັນຫາຢາເສບຕິດທີ່ ກຳລັງລະບາດ ເພື່ອຫລຸດຜ່ອນ ບັນດາປາກົດການຫຍໍ້ທໍ້ຕ່າງໆ ທີ່ເກີດຂຶ້ນ, ສິ່ງສຳຄັນໃຫ້ກວດກາ-ຕິດຕາມ ແລະ ຄຸ້ມຄອງບັນ ດາ ການລົງທຶນດ້ານຕ່າງໆ ໃຫ້ຮັບປະກັນທັນກັບເວລາທີ່ ກຳນົດໄວ້ ແລະ ມີຄຸນນະພາບເພື່ອປ້ອງກັນຄວາມເສຍຫາຍ ດ້ານງົບປະມານຂອງລັດ. ພ້ອມນັ້ນໃຫ້ຄະນະພັກ, ອຳນາດການປົກຄອງທຸກຂັ້ນຈົ່ງປະຕິບັດຫລັກການ, ການນຳພາແບບລວມສູນປະຊາທິປະໄຕ, ຍົກສູງຄວາມສາມັກຄີພາຍໃນໃຫ້ ແໜ້ນແຟ້ນ, ສືບຕໍ່ຜັນຂະຫຍາຍມະຕິ, ຄຳສັ່ງຕ່າງໆ ຂອງພັກ- ລັດໃຫ້ ທົ່ວເຖິງເພື່ອເຮັດໃຫ້ພໍ່ແມ່ປະ ຊາຊົນບັນດາເຜົ່າຮັບຮູ້ ແລະ ເຂົ້າໃຈຢ່າງເລິກເຊິ່ງ.

 

+ ປະທານປະເທດສໍາເລັດການເຂົ້າຮ່ວມເວທີປືກສາຫາລືຂັ້ນສູງວ່າດ້ວຍການຮ່ວມມືສາກົນ “ໜຶ່ງແລວທາງໜຶ່ງເສັ້ນທາງ” ທີ່ ສປ ຈີນ

+ ປະທານປະເທດ ບຸນຍັງ ວໍລະຈິດ ຈະເດີນທາງເຂົ້າຮ່ວມເວທີ ປຶກສາຫາລືຂັ້ນສູງວ່າດ້ວຍການຮ່ວມມືສາກົນ “ໜຶ່ງແລວທາງໜຶ່ງເສັ້ນທາງ”.

- Wave100S AD to Website 2020 0 - ປະທານປະເທດຢ້ຽມຢາມແຂວງບໍລິຄຳໄຊ

 

 

ໃນໂອກາດນີ້, ທ່ານປະ ທານປະເທດ ຍັງໄດ້ນຳເອົາ ຄອມພິວເຕີໂນດບຸກ ຈຳນວນ 10 ເຄື່ອງມອບໃຫ້ຫ້ອງວ່າ ການປົກຄອງແຂວງບໍລິຄຳໄຊ ແລະ ຮ່ວມປູກຕົ້ນໄມ້ ຢູ່ອານຸສາ ວະລີ ທ່ານ ສີສົມພອນ ລໍວັນໄຊ ນຳອີກ.

ໃນໂອກາດນີ້, ທ່ານເຈົ້າ ແຂວງ ກໍໄດ້ລາຍງານສະພາບ ການພົ້ນເດັ່ນຂອງການພັດທະ ນາເສດຖະກິດ-ສັງຄົມ ແລະ ມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິ VI ຂອງອົງຄະ ນະພັກແຂວງບໍລິຄຳໄຊ ກໍຄືແຜນ ພັດທະນາເສດ ຖະກິດ-ສັງຄົມ ແຫ່ງຊາດຄັ້ງທີ 8, ແຜນພັດ ທະນາເສດຖະກິດ-ສັງຄົມຂອງແຂວງ ຄັ້ງທີ 4 ເຫັນວ່າມີຜົນສຳເລັດຫລາຍດ້ານເຊັ່ນ: ດ້ານສຶກສາ, ສາທາລະນະສຸກໄດ້ຮັບ ການປັບປຸງດ້ານປະລິມານ ແລະ ຄຸນນະພາບດີຂຶ້ນ, ຄຽງຄູ່ກັບ ການເຕີບໃຫຍ່ຂະຫຍາຍຕົວ ທາງດ້ານເສດຖະກິດ-ສັງຄົມຢູ່ ໃນລະດັບ 8%, ລາຍຮັບ ສະເລ່ຍ ໃສ່ຫົວຄົນບັນລຸໄດ້ 1.981 ໂດລາສະຫະ ລັດຕໍ່ປີ. ພ້ອມກັນນັ້ນ ແຂວງໄດ້ຖືເອົາວຽກງານປ້ອງກັນຊາດ, ປ້ອງກັນຄວາມສະ ຫງົບເປັນສຳຄັນເຮັດໃຫ້ມີສະຖຽນລະພາບ ທາງດ້ານ ການເມືອງ ແລະ ສັງຄົມສະຫງົບປອດໄພ, ຊີວິດການເປັນຢູ່ຂອງ ປະຊາຊົນບັນດາເຜົ່ານັບມື້ນັບດີຂຶ້ນເຮັດໃຫ້ຄວາມທຸກຍາກຫລຸດລົງເປັນລຳດັບ.

- WhatsApp Image 2020 05 27 at 5 - ປະທານປະເທດຢ້ຽມຢາມແຂວງບໍລິຄຳໄຊ
- WhatsApp Image 2020 05 27 at 5 - ປະທານປະເທດຢ້ຽມຢາມແຂວງບໍລິຄຳໄຊ
error: Alert: ເນື້ອຫາຂ່າວມີລິຂະສິດ !!