ການດື່ມນ້ຳຊາດີກວ່າການດື່ມນ້ຳແນວໃດ ?

     ພຽງແຕ່ດື່ມນ້ຳຊາມື້ລະໜ້ອຍ ທ່ານກໍຈະຫ່າງໄກຈາກພະຍາດຫົວໃຈໄດ້ມື້ລະໜ້ອຍ, ຖິ້ມຄວາມເຊື່ອຜິດໆທີ່ວ່າ ຊາຈະເຮັດໃຫ້ເຮົາຫິວນ້ຳ ເພາະການວິໄຈຕີພິມໃນວາລະສານ  European Jour nal of Clinical Nutrition  ລະບຸແລ້ວວ່າ : ຊາສາມາດເຮັດໃຫ້ເຮົາສົດຊື່ນຂຶ້ນໄດ້ຄືກັນກັບດື່ມນ້ຳ, ແຕ່ດີກ່ວາບ່ອນວ່າຊາມີສານຕ້ານອະນຸມູນອິດສະລະ ເຊິ່ງຊ່ວຍປ້ອງກັນພະຍາດຫົວໃຈ ແລະ ພະຍາດມະເຮັງບາງຊະນິດໄດ້ ໂດຍນັກວິໄຈຈາກ Kings College London ພົບຫລັກຖານວ່າ : ການດື່ມຊາ 3 – 4 ຈອກຕໍ່ມື້ ຈະຊ່ວຍຫລຸດໂອກາດເປັນພະຍາດຫົວໃຈລົງໄດ້ແທ້.

ນອກຈາກນີ້, ຊາຍັງມີປະໂຫຍດໃນການປົກປ້ອງຜິວເຄືອບແຂ້ວ ແລະ ຊ່ວຍບໍ່ໃຫ້ແຂ້ວຜຸຜ່ອຍ ເນື່ອງຈາກໃນຊາມີຟລູອໍໄຣ.

ແນວໃດກໍຕາມ, ຊາອາດເຮັດໃຫ້ຮ່າງກາຍດູດຊຶມທາດເຫລັກໄດ້ໜ້ອຍລົງ ຄົນທີ່ເປັນພະຍາດເລືອດຈາງ ຫລື ຄົນຖືພາຈຶ່ງບໍ່ຄວນດື່ມໃນເວລາກິນເຂົ້າ ທັງນີ້ສຳລັບປະລິມານນຳ້ທີ່ຄວນດື່ມມື້ລະ 1,5 – 2 ລິດນັ້ນ ນັກວິໄຈແນະນຳວ່າຈະລວມຊາເຂົ້າໄປໃນປະລິມານນີ້ນຳກໍໄດ້ຄືກັນ.

error: Alert: Content is protected !!