​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ

​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ - 666 - ​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ
​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ - 174233 - ​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ

ໂດຍ:ທິດ​ກໍ່າ

ຖ້າ​ພວກ​ເຮົາ​ໄດ້​ຟັງ ພຣະອາຈານ​ໃຫຍ່ ມະ​ຫາງ​ອນ ດຳຣົງບຸນ ມະຫາ​​ເຖຣະ​ເຈົ້າ, ປະທານ​ສູນ​ກາງ​ອົງການ​ພຸດທະ​ສາສະໜາ​ສຳພັນ​ແຫ່​ງປະ​ເທດ​ລາວ ​ໄດ້ “ບັນຍາຍ​ທຳ​ມະ” ກ່ຽວ​ກັບ​ການ​ທຳບຸນ​ໃຫ້​ໄດ້​ບຸນ ​ແລະ ທຳບຸນ​ໄດ້​ບາບ​ນັ້ນ, ດີ​ແທ້​ພວກ​ເຮົາ​ທີ່​ເປັນ​ຊາວ​ພຸດ​ທັງຫລາຍ​ຄວນ​ໄດ້​ສະ​ແຫວ​ງຫາ​ເພື່ອ​ສຶກສາ ທັງ​ເປັນການ​ສະດັບ​ຮັບ​ຟັງ ​ເພາະ​ໃນ​ການ​ບັນຍາຍ​ທຳ​ມະ​ຂອງ​ເພິ່ນ​ນັ້ນ ​ເວົ້າ​ແບບ​ຊາວບ້ານ, ​ເວົ້າງ່າຍ​ຟັງ​ງ່າຍ, ຟັງ​ແລ້ວ​ຈິດ​ໃຈ​ສະບາຍ ທັງ​ເຂົ້າ​ໃຈ​ແຈ້ງ​ເນື້ອຫາ​ສາລະ​ເປັນ​ຢ່າງ​ດີ. ​ແຕ່​ກໍ​ໜ້າ​ເສຍດາຍ ​ເມື່ອ​ບໍ່​ດົນ​ມາ​ນີ້ ​ເພິ່ນ​ໄດ້​ລະ​ສັງຂານ​ຈາກ​ພວກ​ເຮົາ​ໄປ​ ​ເຊິ່ງ​ໃນ​ວັນ​ທີ 26 ມິຖຸນາ 2020 ຜ່ານ​ມາ ສິດ​ສານຸສິດ, ອອກ​ຕົນ​ຍາດ​ໂຍມ ​ແລະ ຊາວ​ພຸດ​ທັງຫລາຍ ພ້ອມພຣະສົງ​ສາມະ​ເນນ​ໃນ​ທົ່ວ​ປະ​ເທດ​ໄດ້​ນ້ອມ​ສົ່ງ​ດວງ​ວິນ​ຍານ​ຂອງ​ເພິ່ນ​ໄປ​ສູ່​ສະຫວັນ​ພິພົບ​ດ້ວຍ​ຄວາມ​ອາ​ໄລ​ຮັກ ​ແລະ ຊາບ​ຊຶ້ງ​ໃນ​ຄຸນງາມຄວາມດີ​ຄະຕິ​ທຳ: ຂຸດ​ນ້ຳບໍ່ ກໍ່​ສາລາ ສ້າງ​ມັກ​ຄາ​ໄຕ່​ເຕົ້າ ປັ້ນ​ເບົ້າຫລໍ່​ຫລອມ​ຄົນ ສ້າງ​ກຸສົນ​ປົວ​ພະຍາດ ສ້າງ​ນັກປຣາດສັ່ງສອນ​ສິນ​ທຳ.

​ເຖິງ​ຢ່າງ​ໃດກໍ​ດີ, ​ເຖິງ​ເພິ່ນ​ໄດ້​ຈາກ​ຍາດ​​ໂຍມ​ຊາວ​ພຸດ ກໍ​ຄື​ຊາວ​ລາວ​ເຮົາ​ໄປ​ແລ້ວ​ກໍ​ຕາມ, ​ແຕ່​ພາລະກິດ, ຜົນງານ ​ແລະ ຄຳ​ສັ່ງສອນ​ຂອງ​ເພິ່ນ​ຍັງ​ມີ​ຢູ່​ໃນ​ປຶ້ມຕຳລາ, ມີ​ຢູ່​ໃນ​ຢູທູບ, ມີ​ຢູ່​ນຳ​ງານ​ບຸນ​ສິນ​ກິນ​ທານ ​ແລະ ສາດ​ສະ​ນະ​ກິດ​ຕ່າງໆ ຂໍ​ແຕ່​ວ່າ​ພວກ​ເຮົາ​ຊອກ​ຮູ້​ສະ​ແຫວ​ງຫາ​ສຶກສາ​ຮໍ່າຮຽນ. ຕໍ່​ການ​ບັນຍາຍ​ຫລັກ​ທຳ​ຄຳ​ສັ່ງສອນ​ພຣະພຸດທະ​ສາສະໜາ​ຂອງ​ພຣະອາຈານ​ໃຫຍ່​ມະຫາ​ງອນ ດຳຣົງບຸນ ນັ້ນ ​ເພິ່ນ​ໄດ້​ບັນຍາຍ​ໃນ​ບົດ​ໜຶ່ງ​ວ່າ: ການ​ທຳບຸນ​ໃຫ້​ໄດ້​ບຸນນັ້ນຕ້ອງ​ພະຍາຍາມ​ຫລີກ​ເວັ້ນອະບາຍ​ຍະ​ມຸກ​ທັງ​ປວງ. ຕົວຢ່າງ​ວ່າ​ເຮົາ​ເຮັດບຸນ​ເຮືອນ ຖ້າ​ຢາກ​ໄດ້​ບຸນ​ເຕັມ​ຮ້ອຍ​ບໍ່​ຕ້ອງ​ໃຫ້​ມີ​ການ​ຊຸມ​ແຊວ, ດື່ມ​ເຫລົ້າດື່ມ​ເບຍ​ມືນ​ເມົາ, ຟ້ອນ​ລຳວົງ, ບໍ່​ໃຫ້​ມີ​ມະ​ໂຫລີ​ດົນຕີ​ເສບ​ຢ່າງ​ຄຶກຄື້ນມ່ວນ​ຊື່ນ. ການ​ເຮັດບຸນ​ກໍ​ຕ້ອງ​ເຮັດ​ດ້ວຍ​ນ້ຳ​ໃຈ​ສັດ​ຊື່​ບໍລິສຸດ​ ມີ​ສັດທາ​ອັນ​ແຮງ​ກ້າ​ອີ່ຫລີ ​ເຮັດ​ໄປ​ແລ້ວ​ບໍ່​ໃຫ້​ຈົ່ມ​ວ່າ​ເສຍດາຍ​ວັດຖຸ​ຊັບ​ສິນ​ທີ່​ເຮົາ​ທານ​ນັ້ນ, ມີ​ບາງ​ຄົນ​ເຮັດບຸນ​ເພື່ອ​ກຽດ​ສັກ​ສີ, ​ເພື່ອ​ອວດ​ຄວາມ​ຮັ່ງ​ຄວາມ​ມີ​ຕໍ່​ສັງຄົມ ອັນ​ນັ້ນ​ເພິ່ນ​ວ່າ​ຈະ​ບໍ່​ໄດ້​ບຸນ​ຢ່າງ​ເດັດຂາດ. ອີກ​ປະການ​ໜຶ່ງ ​ໃນ​ເວລາ​ເຮົາ​ໄປ​ວັດວາອາ​ຮາມ​ຟັງ​ເທດຟັງ​ທຳ​ຈາກ​ຄູບາ​ອາຈານ​ໃນ​ຍາມ​ບຸນຍາມ​ທານ ຫລື ຍາມ​ວັນ​ສິນ​ວັນພຣະ ກໍ​ເໝືອນ​ກັນ​ຕ້ອງຕັ້ງ​ໃຈ​ສະ​ດັດ​ຮັບ​ຟັງ​ດ້ວຍ​ຄວາມ​ສະມາທິ​ຕັ້ງ​ໃຈ, ບໍ່​ໃຫ້​ຈົ່ມ​ພຶມພຳ​ເລື່ອງ​ນັ້ນ​ເລື່ອງ​ນີ້, ​ໄປ​ວັດ​ພຽງ​ໄປ​ລະບາຍ​ຄວາມ​ອຸກ​ອັ່ງ​ທັ້ງ​ເທ​ໃນ​ຈິດ​ໃຈ​ຕໍ່​ໝູ່ຄູ່​ເພື່ອນ​ຝູງ ຫລື ​ໄປ​ເພື່ອ​ເຮັດບຸນ​ຕາມ​ມີ​ຕາມ​ເກີດ ​ໂດຍ​ບໍ່​ຫົວຊາ​ຕໍ່​ການ​ສະດັບ​ຮັບ​ຟັງ​ຄູບາ​ເພິ່ນ​ສະ​ແດງ​ທຳ​ມະ. ນອກຈາກ​ນັ້ນ ​ເມື່ອ​ໄປ​ວັດ​ກັບ​ມາ​ບ້ານ​ແລ້ວ​ກໍ​ຕ້ອງຕັ້ງໜ້າ​ປະຕິບັດ​ຫລັກ​ທຳ​ຄຳ​ສອນ​ຂອງ​ພະ​ພຸດທະອົງ​ຕາມ​ທີ່​ຄູບາ​ອາຈານ​ເພິ່ນ​ເທດ. ອັນ​ສຳຄັນ​ທີ່​ສຸດ​ຕໍ່​ຊາວ​ພຸດ​ເຮົາ​ທັງຫລາຍ​ຕ້ອງຕັ້ງໜ້າ​ປະຕິບັດ​ສິນ 5 ຂໍ້​ທີ່​ພະພຸດທະ​ເຈົ້າ​ໄດ້​ກຳນົດ​ໃຫ້​ປະຕິບັດ​ຄື: ອະທິ​ນາ ປານາ ມຸສາ ກາ​ເມ ​ແລະ ສຸຣາ​ເມ ​ໃຫ້​ເຄັ່ງ​ຄັດ​ໃນ​ຕົນ​ເອງ ​ແລ້ວ​ຈະ​ເກີດ​ຜົນ​ບຸນ​ແກ່​ເຮົາ​ເປັນ​ຢ່າງ​ຍິ່ງ. ​​ເທົ່າ​ທີ່​ເຄີຍ​ເຫັນ​ຜ່ານ​ມາ ມີ​ຊາວ​ພຸດ​ເຮົາ​ຫລາຍ​ຄົນ​ທີ່​ເຂົ້າວັດ​ຟັງ​ທຳ​ມາ​ແລ້ວ​ບໍ່​ຄ່ອຍ​ໃສ່​ໃຈ​ປະຕິບັດ ມັກ​ປ້ອຍ​ມັກ​ດ່າ, ​ໂລບ​ມາກ​ໂລພາ, ສໍ້​ລາດ​ບັງ​ຫລວງ​ຈົນ​ເຮັດ​​ໃຫ້​ຄົນ​ອື່ນ ​ແລະ ປະ​ເທດ​ຊາດ​ບ້ານ​ເມືອງ​ໄດ້​ຮັບ​ຜົນ​ກະທົບ​ອັນ​ນັ້ນ​ເຂົາ​ເອີ້ນ​ທຳ​ບາບ​ບໍ່​ແມ່ນ​ທຳບຸນ.

​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ - Wave100S AD to Website 2020 0 - ​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ

​ເພາະສະນັ້ນ, ​ໃນ​ຊ່ວງ​ເຂົ້າພັນ​ສາ​ປີ​ນີ້ ຄື​ນັບ​ແຕ່​ເດືອນ​ແປ​ດ​ເພັງ​ຫາ​ເດືອນ​ສິບ​ເອັດ​ເພັງ ​ເປັນ​ໂອກາດ​ໃຫ້​ເຮົາ​ໄດ້​ຕັ້ງຈິດ​ໃຈ​ສະມາທິ​ອະທິຖານ​ສ້າງ​ຄວາມ​ດີ​ຄວາມ​ງາມ​ດ້ວຍ​ການລະ​ເວັ້ນອະບາຍ​ຍະ​ມຸກ​ທັງ​ປວງ​ເຊັ່ນ: ລະ​ເວັ້ນຈາກ​ການ​ດື່ມ​ເຫລົ້າ​ເມົາ​ສຸລາ, ລະ​ເວັ້ນຈາກ​ການ​ໄປ​ຫລິ້ນ​ໄປ​ທ່ຽວ​ຊະຊາຍ, ລະ​ເວັ້ນຈາກ​ຫລິ້ນກິນ​ຟຸມ​ເຟືອຍ ກາຍ​ມາ​ເປັນ​ການ​ປະຢັດ​ມັດທະຍັດ. ບັນຫາ​ໃຫຍ່​ກໍ​ຄື​ບໍ່​ພາກັນ​ສໍ້​ລາດ​ບັງ​ຫລວງ, ບໍ່​ພົວພັນ ​ແລະ ຄ້າຂາຍ​ຢາ​ເສບ​ຕິດ ​ແລະ ອື່ນໆ ທີ່​ບໍ່​ມີ​ຜົນ​ດີ​ແກ່​ຕົນ​ເອງ ​ແລະ ປະ​ເທດ​ຊາດ. ຊ່ວງ​ໄລຍະ​ນີ້ ພວກ​ເຮົາ​ຍັງ​ຢູ່​ໃນ​ໄລຍະ​ຕ້ານ​ໂຄ​ວິດ-19 ປະ​ເທດ​ເຮົາ​ຍັງ​ປິດ​ຊາຍ​ແດນ ​ເພາະ​ຢ້ານ​ໂຄ​ວິດ​ຈາກ​ພາຍ​ນອກ​ເຂົ້າມາ​ພາຍ​ໃນ ກໍ​ຂໍ​ໃຫ້​ທຸກ​ຄົນ​ມີ​ສະຕິ​ປ້ອງ​ກັນ​ຕົນ​ເອງ ​ເພື່ອ​ປະ​ເທດ​ຊາດ. ພະຍາຍາມ​ປະຕິບັດ​ຄຳ​ສັ່ງ ​ແລະ ຂໍ້​ກຳນົດ​ກົດ​ລະບຽບ​ຂອງຂັ້ນ​ເທິງ​ວາງ​ອອກ. ອັນ​ສຳຄັນ​ທີ່​ສຸດ ຍາມ​ເຂົ້າພັນ​ສາ​ຕ້ອງ​ປະຕິບັດ​ຕົນ​ຢູ່​ໃນ​ກອບ​ຂອງ​ຄົນ​ມີ​ສິນ​ທຳ, ​ເມດ​ຕາ​ຈິດ, ຮັກສາ​ສຸຂະພາບ​ໃຫ້​ແຂງ​ແຮງ ກຽມພ້ອມ​ຮັບ​ໃຊ້​ຊາດ, ຮັບ​ໃຊ້​ຕົນ​ເອງ​ດ້ວຍ​ຄວາມ​ພ້ອມ​ທຸກ​ປະການ. ຊ່ວງ​ໄລຍະ​ເຂົ້າພັນ​ສາຕັ້ງຈິດ​ອະທິຖານ​ຈິດ​ສ້າງ​ຄວາມ​ດີ ລະ​ເວັ້ນອະບາຍ​ຍະ​ມຸກ​ທັງ​ປວງ ຈະ​ດີ​ແລ !.

​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ - WhatsApp Image 2020 05 27 at 5 - ​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ
​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ - WhatsApp Image 2020 05 27 at 5 - ​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ
​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ - WhatsApp Image 2020 05 27 at 5 - ​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ
​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ - WhatsApp Image 2020 05 27 at 5 - ​ເຂົ້າພັນ​ສາຕັ້ງໜ້າ​ທຳບຸນ ລະ​ເວັ້ນອະບາຍ​ຍະ​ມຸກ
error: Alert: Content is protected !!