ກະຊວງສາທາລະນະສຸກສະເຫລີມສະຫລອງວັນແພດລາວ

- advert banner 728 90 728x90 - ກະຊວງສາທາລະນະສຸກສະເຫລີມສະຫລອງວັນແພດລາວ

ໃນວັນທີ 18 ມິຖຸນານີ້, ກະຊວງສາທາລະນະສຸກໄດ້ຈັດງານສະເຫລີມສະຫລອງວັນແພດລາວ 18 ມິຖຸນາ ເພື່ອລະນຶກເຖິງຜົນງານ ແລະ ສັນລະເສີນຄຸນງາມຄວາມດີຂອງແພດລາວໃນສະໄໝຕໍ່ສູ້ກູ້ຊາດ ກໍຄືສະໄໝປົກປັກຮັກສາ ແລະ ພັດທະນາປະເທດຊາດ.

ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ກ່າວໃນພິທີວ່າ: ວັນແພດລາວ ໄດ້ສ້າງຕັ້ງຂຶ້ນ ແລະ ໄດ້ກໍານົດໄວ້ໃນກົດໝາຍປິ່ນປົວ ເພື່ອເຮັດໃຫ້ພົນລະເມືອງລາວບັນດາເຜົ່າທຸກຊັ້ນຄົນເຫັນໄດ້ການເຕີບໃຫຍ່ຂະຫຍາຍຕົວຂອງວຽກງານສາທາລະນະສຸກ, ຂອງຖັນແຖວແພດໝໍລາວໃນແຕ່ລະໄລຍະ, ຈາລຶກຄຸນງາມຄວາມດີຂອງແພດໝໍ ແລະ ພະນັກງານສາທາລະນະສຸກທຸກຖ້ວນໜ້າທີ່ໄດ້ປະກອບສ່ວນເຂົ້າໃນການປິ່ນປົວ, ຮັກສາສຸຂະພາບ ທັງເປັນການປຸກລະດົມມວນຊົນໃຫ້ເຫັນຄວາມສໍາຄັນ, ເປັນເຈົ້າການສົ່ງເສີມ, ຮັກສາສຸຂະພາບຕົນເອງ, ຄອບຄົວ ແລະ ຊຸມຊົນ ກໍຄືຄວາມຮັບພິຊອບຕໍ່ໜ້າທີ່ວຽກງານທີ່ໄດ້ຮັບມອບໝາຍ ເພື່ອເປັນການປັບປຸງກໍ່ສ້າງຕົນເອງໃຫ້ມີຄວາມຮູ້ຄວາມສາມາດ ແລະ ຈັນຍາທໍາໃນການຮັບໃຊ້ພໍ່ແມ່ປະຊາຊົນບັນດາເຜົ່າ. ດັ່ງນັ້ນ, ກະຊວງສາທາລະນະສຸກ ຈຶ່ງໄດ້ນໍາສະເໜີໃຫ້ມີວັນດັ່ງກ່າວ ແລະ ລັດຖະບານ ແລະ ສະພາແຫ່ງຊາດຊຸດທີ VII ໄດ້ເຫັນດີໃຫ້ບັນຈຸເຂົ້າໃນກົດໝາຍປິ່ນປົວສະບັບປັບປຸງ ເລກທີ 58/ສພຊ ລົງວັນທີ 24 ທັນວາ 2014 ກໍານົດເອົາວັນທີ 18 ມິຖຸນາເປັນວັນແພດລາວ.

- 1 1 - ກະຊວງສາທາລະນະສຸກສະເຫລີມສະຫລອງວັນແພດລາວ
- Tiger Head 728x90 - ກະຊວງສາທາລະນະສຸກສະເຫລີມສະຫລອງວັນແພດລາວ
error: Content is protected !!