ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ

ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ - 82 - ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ
ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ - Untitled design - ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ

​ເຊີ​ເວນ​ຄາຕຣາມັນ ຣາມກິດ​ນັນ ສາ​ສະ​ດາ​ຈານ​ດ້ານ​ຊີວະ​ວິທະຍາ ​ແລະ ປະທານຣາດສະມາຄົມ​ແຫ່ງ​ລອນ​ດອນ (Royal Society) ອັນ​ເປັນ​ສະ​ຖາ​ບັນ​ວິທະຍາສາດ​ແຫ່ງ​ຊາດ ​ເປີດ​ເຜີຍ​ລາຍ​ງານ​ຜົນ​ການ​ສຶກສາວິ​ໄຈ​ກ່ຽວ​ກັບ​ການ​ໃສ່​ຜ້າ​ອັດ​ປາກ-ດັງ​ສອງ​ສະບັບ ສະ​ແດງ​ໃຫ້​ເຫັນ​ຫລັກ​ຖານ​ຢືນຢັນ​ວ່າ: ຜ້າ​ອັດ​ປາກ-ດັງ​ສາມາດ​ປົກ​ປ້ອງ​ຜູ້​ໃສ່ ​ແລະ ຄົນ​ທີ່ຢູ່​ໃກ້​ຄຽງ​ຈາກ​ການ​ຕິດ​ໂຄ​ວິດ-19 ​ໄດ້ ພ້ອມ​ຮຽກຮ້ອງ​ໃຫ້​ປະຊາຊົນ​ໃສ່​ຜ້າ​ອັດ​ປາກ-ດັງ ຖ້າ​ອອກ​ຈາກ​ເຮືອນ ຫລື ຢູ່​ໃນ​ສະຖານ​ທີ່​ສາທາລະນະ​ທີ່​ມີ​ຄົນ​ຈຳນວນ​ຫລາຍ.

ສາ​ສະ​ດາ​ຈານ ຣາມກິດ​ນັນ ລະບຸ​ວ່າ: ປະຊາຊົນ​ຢູ່​ສະຫະຣາຊະ​ອານາຈັກ​ມີ​ອັດຕາ​ການ​ໃຊ້​ຜ້າ​ອັດ​ປາກ-ດັງ​ໜ້ອຍ​ເມື່ອ​ທຽບ​ໃສ່​ຫລາຍ​ປະ​ເທດ ​ເຖິງ​ວ່າ​ປັດຈຸບັນ​ລັດຖະບານ​ຈະ​ມີ​ຂໍ້​ແນະນຳ​ໃຫ້​ປະຊາຊົນ​ທົ່ວ​ປະ​ເທດ​ໃສ່​ຜ້າ​ອັດ​ປາກ-ດັງ​ຖ້າ​ຢູ່​ສະຖານ​ທີ່​ສາທາລະນະ​ ​ແລະ ບັງຄັບ​ໃຫ້​ໃສ່​ຜ້າ​ອັດ​ປາກ-ດັງ​ເມື່ອ​ໃຊ້​ບໍລິການ​ລະບົບ​ຂົນ​ສົ່ງ​ຕ່າງໆ ​ເຊິ່ງສວນ​ທາງ​ກັບ​ທ່າ​ທີ​ຂອງ​ກະຊວງ​ສາທາລະນະ​ສຸກ​ສະຫະຣາຊະ​ອານາຈັກ​ທີ່​ເຄີຍ​ປະກາດ​ກ່ອນ​ໜ້າ​ນີ້​ວ່າ: ບໍ່​ມີ​ຄວາມ​ຈຳ​ເປັນ​ທີ່​ປະຊາຊົນ​ຕ້ອງ​ໃສ່​ຜ້າ​ອັດ​ປາກ-ດັງ​​ເມື່ອ​ອອກ​ນອກ​ເຮືອນ.

ຂໍ້​ມູນ​ໃນ​ທ້າຍ​ເດືອນ​ເມສາ​ຜ່ານ​ມາ​ພົບ​ວ່າ: ມີ​ປະຊາຊົນ​ຢູ່​ສະຫະຣາຊະ​ອານາຈັກ​ພຽງ 25% ທີ່​ໃສ່​ຜ້າ​ອັດ​ປາກ-ດັງ ​ເຊິ່ງໜ້ອຍ​ຫລາຍ​ເມື່ອ​ທຽບ​ໃສ່​ອິຕາ​ລີ ທີ່​ມີ​ປະຊາຊົນ​ໃສ່​ຜ້າ​ອັດ​ປາກ-ດັງ​ຫລາຍ​ກວ່າ 83,4%, ອາ​ເມ​ລິ​ກາ 65,8% ​ແລະ ສະ​ເປ​ນ 63,8%.

ຈາກ​ຂໍ້​ມູນ​ດັ່ງກ່າວ​ສະ​ແດງ​ໃຫ້​ເຫັນ​ວ່າ: ປະຊາຊົນ​ຈຳນວນ​ຫລາຍ​ຍັງ “ບໍ່​ສົນ​ໃຈ” ກ່ຽວ​ກັບ​ຜົນ​ປະ​ໂຫຍ​ດຂອງ​ການ​ໃສ່​ຜ້າ​ອັດ​ປາກ-ດັງ ​ໂດຍ​ສາ​ສະ​ດາ​ຈານ ຣາມກິດ​ນັນ ຊີ້​ວ່າ: ສາ​ເຫດ​ມາ​ຈາກ​ຄວາມ​ບໍ່​ຈະ​ແຈ້ງ​ໃນ​ການ​ສົ່ງ​ຂໍ້ຄວາມ​ຂອງ​ລັດ. ອີກ​ທັງ​ການ​ໃຫ້​ຂໍ້​ແນະນຳ​ທີ່​ບໍ່​ແນ່ນອນ.

ຜ່ານ​ມາ ມີ​ຄວາມ​ເຫັນ​ຫລາກ​ຫລາຍ​ຈາກ​ນັກວິຊາການ ​ແລະ ຜູ້​ຊ່ຽວຊານ​ໃນ​ໜ່ວຍ​ງານ​ທີ່​ປຶກສາ​ຂອງ​ລັດຖະບານ​ສະຫະຣາຊະ​ອານາຈັກ ກ່ຽວ​ກັບ​ການ​ໃສ່​ຜ້າ​ອັດ​ປາກ-ດັງ ​ໂດຍ​ບາງ​ຄົນ​ລະບຸ​ຫລັກ​ຖານ​ທີ່​ບົ່ງ​ບອກ​ວ່າ: ການ​ໃສ່​ຜ້າ​ອັດ​ປາກ-ດັງ​ບໍ່​ຊ່ວຍ​ຢຸດ​ການລະບາດ​ຂອງ​ໄວຣັສ​ໃນ​ປະ​ເທດ​ອາຊີ​ໄດ້ ​ແລະ ກັງວົນ​ວ່າ​ອາດ​ເປັນ​ການ​ສ້າງ​ຄວາມ​ຮູ້ສຶກ​ປອດ​ໄພ​ຈາກ​ການ​ຕິດ​ເຊື້ອ​ແບບ​ຜິດໆ.

ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ - Wave100S AD to Website 2020 0 - ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ

​​ເຖິງ​ຢ່າງ​ໃດ​ກໍ​ຕາມ, ຂໍ້​ສະຫລຸບ​ທີ່​ເປັນ​ເອກະ​ພາບ​ຄື ຜ້າ​ອັດ​ປາກ-ດັງນັ້ນ ອາດ​ຊ່ວຍ​ຫລຸດ​ຄວາມ​ສ່ຽງ​ທີ່​ຜູ້​ຕິດ​ເຊື້ອຈະ​ແຜ່​ກະຈາຍ​ໄວຣັສ​ໄປ​ຫາ​ບຸກຄົນ​ອື່ນ.

ສ່ວນ​ສາ​ສະ​ດາ​ຈານ ພອລ ​ເອ​ເດລສະ​ໄຕ ຈາກ​ມະຫາວິທະຍາ​ໄລ​ເພນ​ຊິ​ລ​ເວ​ເນຍ ​ໃນ​ອາ​ເມ​ລິ​ກາ ​ເຊິ່ງຂຽນ​ລາຍ​ງານ​ຜົນ​ການ​ວິ​ໄຈ​ອີກ​ສະບັບ​ໜຶ່ງ​ກ່ຽວ​ກັບ​ຜົນ​ປະ​ໂຫຍ​ດ ​ແລະ ປະສິດທິພາບ​ຂອງ​ຜ້າ​ອັດ​ປາກ-ດັງ ພົບ​ຫລັກ​ຖານ​ທີ່​ສະ​ແດງ​ໃຫ້​ເຫັນ​ວ່າ: ການ​ໃສ່​ຜ້າ​ອັດ​ປາກ-ດັງ​ສາມາດ​ປົກ​ປ້ອງ​ຜູ້​ໃສ່ ​ແລະ ຄົນ​ອ້ອມ​ຂ້າງ​ໄດ້ ​ເນື່ອງ​ຈາກ​ປັດຈຸບັນ​ມີ​ຜູ້​ຕິດ​​ໂຄ​ວິດ-19 ທີ່​ບໍ່​ສະ​ແດງ​ອາການ​ຈຳນວນ​ຫລາຍ ​ແລະ ອອກ​ໄປ​ນອກ​ເຮືອນ​ເປັນ​ປະຈຳ​ທຸກ​ວັນ ​ເຊິ່ງການ​ໃສ່​ຜ້າ​ອັດ​ປາກ-ດັງ​ຈະ​ຊ່ວຍ​ປ້ອງ​ກັນ​ຜູ້​ຕິດ​ເຊື້ອ​ໃໝ່​ບໍ່​ໃຫ້​ແຜ່​ກະຈາຍ​ໄວຣັສ​ໄປ​ຫາ​ບຸກຄົນ​ອື່ນ​ໄດ້.

ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ - WhatsApp Image 2020 05 27 at 5 - ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ
ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ - WhatsApp Image 2020 05 27 at 5 - ສະຖາບັນວິທະຍາສາດອັງກິດຮຽກຮ້ອງປະຊາຊົນ ໃສ່ຜ້າອັດປາກ-ດັງເມື່ອຢູ່ບ່ອນສາທາລະນະ
error: Alert: ເນື້ອຫາຂ່າວມີລິຂະສິດ !!