ອາກາດຈະຮ້ອນເອົ້າ ແລະ ຝົນຕົກໃນຍາມກາງຄືນ

- advert banner 728 90 728x90 - ອາກາດຈະຮ້ອນເອົ້າ ແລະ ຝົນຕົກໃນຍາມກາງຄືນ

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ວັນທີ 20-25 ມີຖຸນານີ້, ຄວາມກົດດັນອາກາດຕ່ຳຍັງມີກຳລັງປານກາງຈະປົກຄຸມຢູ່ທົ່ວທຸກພາກຂອງລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອຸນຫະພູມອາກາດສືບຕໍ່ຮ້ອນຢູ່ແຕ່ລະພາກ ແລະ ໃນຕອນບ່າຍຫາຕອນຄໍ່າຈະມີຝົນຕົກໃນລະດັບຄ່ອຍຫາປານກາງຢູ່ທົ່ວໄປ, ພ້ອມມີລົມພັດແຮງເປັນບາງໂອກາດໃນແຕ່ລະພາກ, ພາກເໜືອດ້ານຕາເວັນອອກ: ໃນວັນທີ 20 ມີຖຸນານີ້, ຍັງຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ແລະ ໃນວັນທີ 21 ມີຖຸນາ, ຝົນຈະຕົກເບົາບາງລົງ, ຫລັງຈາກນັ້ນ ວັນທີ 22-25 ມີຖຸນາ, ຈະຕົກຫລາຍຂຶ້ນ ແລະ ມີລົມພັດແຮງຢູ່ບາງທ້ອງຖິ່ນ, ອຸນຫະພູມຕ່ຳສຸດ 19-21 ອົງສາ ແລະ ສູງສຸດ 29-31 ອົງສາ; ພາກເໜືອດ້ານຕາເວັນຕົກ: ລະຫວ່າງວັນທີ 20 ມີຖຸນານີ້, ອາກາດຍັງຈະຮ້ອນ, ໂດຍສະເພາະແຂວງບໍ່ແກ້ວ, ຫລວງພະບາງ ແລະ ໄຊຍະບູລີ, ພ້ອມຈະມີຝົນຕົກກະຈາຍເປັນບາງໂອກາດ, ສ່ວນວັນທີ 22-25 ມີຖຸນານີ້, ຝົນຍັງຈະສືບຕໍ່ຕົກ ແລະ ຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 33-35 ອົງສາ; ນະຄອນຫລວງວຽງຈັນ: ອາກາດຈະຮ້ອນທຳມະດາ ແລະ ຈະມີຝົນຕົກກະຈາຍເປັນບາງໂອກາດ, ສ່ວນວັນທີ 22-25 ມີຖຸນານີ້, ຝົນຈະສືບຕໍ່ຕົກ, ພ້ອມລົມພັດແຮງເປັນບາງໂອກາດ, ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 34-36 ອົງສາ; ພາກກາງ: ອາກາດຈະຮ້ອນທຳມະດາ ແລະ ຍັງຈະມີຝົນຕົກໃນລະດັບຄ່ອຍຫາປານກາງເປັນບໍລິເວນກວ້າງ ແລະ ຕົກໜັກ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງບໍລິຄຳໄຊ, ຄຳມ່ວນ ແລະ ສະຫວັນນະເຂດ, ຈາກນັ້ນວັນທີ 22-25 ມີຖຸນານີ້, ຝົນຍັງຈະສືບຕໍ່ຕົກ, ພ້ອມມີລົມພັດແຮງເປັນບາງໂອກາດ, ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 34-36 ອົງສາ; ພາກໃຕ້: ອາກາດຍັງຮ້ອນ ແລະ ຍັງຈະມີຝົນຕົກຟ້າຄະນອງໃນລະດັບຄ່ອຍຢູ່ເກືອບທົ່ວໄປ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ສ່ວນວັນທີ 22-25 ມີຖຸນານີ້, ຝົນຍັງຈະສືບຕໍ່ຕົກໃນລະດັບຄ່ອຍ ແລະ ຕົກປານກາງເປັນບາງໂອກາດ, ອຸນຫະພູມຕ່ຳສຸດ 21-23 ອົງສາ  ແລະ ສູງສຸດ 31-33 ອົງສາ.

- Tiger Head 728x90 - ອາກາດຈະຮ້ອນເອົ້າ ແລະ ຝົນຕົກໃນຍາມກາງຄືນ
- 1 1 - ອາກາດຈະຮ້ອນເອົ້າ ແລະ ຝົນຕົກໃນຍາມກາງຄືນ
error: Content is protected !!