ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ

ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ - 85 - ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ
ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ - AGL banner - ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ

     ​ເຖິງ​ວ່າການ​ໂດຍສານ​ສາຍ​ການບິນ​ການ​ຄ້າ​ຊ່ວງ​ໂຄ​ວິດ​ຈະ​ຫຍຸ້ງຍາກ, ​ແຕ່​ຜູ້ນຳ​ເມັກ​ຊິກ​ກໍ​ບໍ່​ຂໍ​ນັ່ງ​ເຮືອບິນ​ປະຈຳ​ຕຳ​ແໜ່​ງ.

ສື່​ຕ່າງປະ​ເທດ​ໄດ້​ເປີດ​ເຜີຍ​ຮູບ​ຖ່າຍ​ຂອງ ປະທານາທິບໍດີ ອັນ​ເດຣສ ມາ​ນູ​ເອລ ​ໂລ​ເປ​ຊ ​ໂອບຣາດໍ ຜູ້ນຳ​ເມັກ​ຊິກ ຂະນະ​ເດີນທາງ​ດ້ວຍ​ສາຍ​ການບິນ​ການ​ຄ້າ​ອອກ​ຈາກ​ນະຄອນຫລວງ​ເມັກ​ຊິກ ​ໄປ​ນະຄອນຫລວງ​ວໍ​ຊິງ​ຕັນ ຂອງ​ອາ​ເມ​ລິ​ກາ ​ເພື່ອ​ຮ່ວມ​ຫາລື​ແບບ​ທະວີ​ພາຄີ​ກັບ​ປະທານາທິບໍດີ ​ໂດ​ນັລ ທຣຳ.

ການ​ເດີນທາງ​ຄັ້ງນີ້​ຖື​ເປັນ​ການ​ເດີນທາງ​ເພື່ອ​ຫາລື​ຮ່ວມ​ກັບ​ຜູ້ນຳ​ອາ​ເມ​ລິກ​າ​ເປັນຄັ້ງທຳ​ອິດ​ນັບ​ແຕ່​ປະທານາທິບໍດີ ​ໂດ​ບຣາດໍ ​ເຂົ້າຮັບ​ຕຳ​ແໜ່​ງ​ໃນ​​ເດືອນ​ທັນວາ 2018.

​ເຖິງ​ວ່າການ​ເດີນທາງ​ໄປ​ອາ​ເມ​ລິ​ກາ​ຄັ້ງນີ້​ຈະ​ມີ​ຂຶ້ນທ່າມກາງ​ສະຖານະ​ການ​ການລະບາດ​ຂອງ​ໄວ​ຣັສ​ໂຄ​ວິດ ​ເຊິ່ງສົ່ງ​ຜົນ​ໃຫ້ການ​ໂດຍສານ​ເຮືອບິນ​ການ​ຄ້າ​ເຕັມ​ໄປ​ດ້ວຍ​ຂັ້ນຕອນ​ຫຍຸ້ງຍາກ​ຫລາຍ​ກວ່າ​ໄລຍະ​ປົກກະຕິ, ​ແຕ່​ປະທານາທິບໍດີ​ຂອງ​ເມັກ​ຊິກ​ປະຕິ​ເສດ​ທີ່​ຈະ​ໂດຍສານ​ເຮືອບິນ​ປະຈຳ​ຕຳ​ແໜ່​ງ.

ທັງ​ຍັງ​ນັ່ງ​ໃນ​ຫ້ອງ​ໂດຍສານ​ຊັ້ນປະຢັດ​ຢູ່​ເຮືອບິນ​ເຊັ່ນ​ດຽວ​ກັບ​ຜູ້​ໂດຍສານ​ຄົນ​ອື່ນໆ ​ໂດຍ​ມີ​ທີ​ມປ້ອງ​ກັນ​ຕິດຕາມ​ພຽງ​ບໍ່​ເທົ່າ​ໃດ​ຄົນ ທັງ​ຍັງ​ໃສ່​ຜ້າ​ອັດ​ປາກ-ດັງ ​ເພື່ອ​ປ້ອງ​ກັນ​ເຊື້ອຕາມ​ຂໍ້​ກຳນົດ​ຂອງ​ສາຍ​ການບິນ.

ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ - Wave100S AD to Website 2020 0 - ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ

​ເຖິງ​ຢ່າງ​ໃດ​ກໍ​ດີ, ນີ້​ບໍ່​ແມ່ນ​ຄັ້ງທຳ​ອິດ​ທີ່​ປະທານາທິບໍດີ ​ໂອບຣາດໍ ຈະ​ໂດຍສານ​ສາຍ​ການບິນ​ການ​ຄ້າ​ຫລັງ​ຮັບ​ຕຳ​ແໜ່​ງຜູ້ນຳ​ປະ​ເທດ ​ໂດຍ​ຄັ້ງໜຶ່ງ​ທ່ານ​ເຄີຍ​ກ່າວ​ກັບ​ສື່​ວ່າ: ສະດວກ​ທີ່​ເດີນທາງ​ແບບ​ນີ້, ​ແຕ່​ຈາກ​ສະຖານະ​ການ​ໂຄ​ວິດ ຜູ້ນຳ​ເມັກ​ຊິກ​ໄດ້​ຮັບ​ຄໍາ​ແນະນຳ​ຈາກ​ກະຊວງ​ຕ່າງປະ​ເທດ​ວ່າ: ຄວນ​ໂດຍສານ​ເຮືອບິນ​ປະຈຳ​ຕຳ​ແໜ່​ງ ​ເພື່ອ​ຄວາມ​ສະດວກ​ໃນ​ການ​ເດີນທາງ ​ເນື່ອງ​ຈາກ​ການ​ເດີນທາງ​ໄປ​ນະຄອນຫລວງ​ວໍ​ຊິງ​ຕັນ​ຈະ​ຕ້ອງ​ມີ​ການ​ຕໍ່​ເຮືອບິນ ​ເພາະ​ບໍ່​ມີ​ຖ້ຽວ​ບິນ​ຕົງ​ລະຫວ່າງ​ນະຄອນຫລວງ​ເມັກ​ຊິກ​ໄປ​ວໍ​ຊິງ​ຕັນ, ​ແຕ່​ຜູ້ນຳ​ເມັກ​ຊິກ​ຍັງ​ຢືນຢັນ​ຈະ​ໂດຍສານ​ສາຍ​ການບິນ​ການ​ຄ້າ ​ໂດຍ​ຢືນຢັນ​ວ່າ​ສາມາ​ດ​ເດີນທາງ​ໄປ​ຮອດ​ນະຄອນຫລວງ​ວໍ​ຊິງ​ຕັນ​ໄດ້​ທັນ​ກຳນົດ​ກ່ອນ​ການ​ຫາລື​ກັບ​ປະທານາທິບໍດີ ທຣຳ ຢ່າງ​ແນ່ນອນ ​ເຖິງ​ວ່າ​ຈະ​ຕ້ອງ​ຜ່ານ​ດ່ານ​ພາສີ​ອາກອນ, ດ່ານ​ກວດ​ຄົນ​ເຂົ້າ​ເມືອງ ​ແລະ ດ່ານ​ຄັດ​ກອງ​ພະຍາດ​ກໍ​ຕາມ, ​ແຕ່​ການ​ຖື​ພາດ​ສະປອດ​ນັກ​ການ​ທູດ​ອາດ​ຊ່ວຍ​ໃຫ້​ສະ​ດວດ​ຂຶ້ນ.

ຫລັງ​ເຂົ້າຮັບ​ຕຳ​ແໜ່​ງ​ໃນ​ທ້າຍ​ປີ 2018 ປະທານາທິບໍດີ ​ໂດ​ບຣາດໍ ​ໄດ້​ສ້າງ​ຄວາມ​ຮື​ຮາ ​ໂດຍ​ການ​ສັ່ງ​ປະກາດ​ຂາຍ​ເຮືອບິນ​ປະຈຳ​ຕຳ​ແໜ່​ງປະທານາທິບໍດີ​ລຳ​ໃໝ່ ລຸ້ນ​ໂບອິ້ງ 787 ດຣີມ​ໄລ​ເນີ ​ເຊິ່ງລັດຖະບານ​ຊຸດ​ກ່ອນ​ຊື້ມາ​ໃນ​ລາຄາ 218,7 ລ້ານ​ໂດ​ລາ​ສະຫະລັດ.

ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ -    AD conten website - ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ
ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ - lattana banner 1 - ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ
ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ - lattana banner - ຜູ້ນຳຕິດດິນ ! ປະທານາທິບໍດີເມັກຊິກ ນັ່ງເຮືອບິນການຄ້າຫາລືກັບ ທຣຳ
error: Alert: ເນື້ອຫາຂ່າວມີລິຂະສິດ !!