ຫລາຍບັນຫາສຸຂະພາບທີ່ມາຈາກການຂັບລົດ

- advert banner 728 90 728x90 -   ຫລາຍບັນຫາສຸຂະພາບທີ່ມາຈາກການຂັບລົດ

- 2001 300x226 -   ຫລາຍບັນຫາສຸຂະພາບທີ່ມາຈາກການຂັບລົດ  ທຸກມື້ນີ້ບາງຄົນໃຊ້ຊີວິດປະຈຳວັນຢູ່ໃນລົດຫລາຍກ່ວາຢູ່ໃນເຮືອນກໍມີ ໂດຍສະເພາະພະນັກງານຂັບລົດ ຫລື ຜູ້ທີ່ມີອາຊີບຂັບລົດ ເຊິ່ງມື້ນີ້ພວກເຮົາກໍມີວິທີດູແລຕົນເອງແນະນຳທ່ານ ດັ່ງນີ້ :

- new3 -   ຫລາຍບັນຫາສຸຂະພາບທີ່ມາຈາກການຂັບລົດ
  1. ພົກຍ່ຽວອັກເສບ :

– ປ່ຽນພຶດຕິກຳບໍ່ກັ້ນຍ່ຽວ, ເຂົ້າຫ້ອງນ້ຳທັນທີທີ່ຮູ້ສຶກປວດ.

– ຖ້າມີອາການເຈັບຖ່ວງໆ ຕ້ອງດື່ມນ້ຳຫລາຍໆເພື່ອໃຫ້ເຂົ້າຫ້ອງນ້ຳລ້າງຍ່ຽວທີ່ອັກເສບອອກມາ.

– ຍ້າຍບ່ອນພັກມາຢູ່ໃກ້ກັບບ່ອນເຮັດວຽກໃຫ້ຫລາຍຂຶ້ນເພື່ອຫລີກເວັ້ນລົດຕິດ.

  1. ຂໍ້ມືຈັງຊາ :

– ຝຶກໂຍຄະເປັນປະຈຳ.

– ຖ້າຈະຈັບສິ່ງຂອງຢູ່ເບາະຫລັງລົດ ບໍ່ຄວນຍື້ໂຕ ເພາະອາດເຮັດໃຫ້ຜີດທ່າ ແລະ ເສັ້ນເອັນພິກໄດ້ ຄວນປ່ຽນມາເປີດປະຕູລົດ ດ້ານຫລັງແລ້ວຈັບເອົາສິ່ງຂອງ.

– ໝອນຮອງກະດູກເສື່ອມ : ຫລິ້ນເຕັນນິສເປັນປະຈຳ, ແຕ່ບໍ່ຄວນຫລິ້ນໜັກເກີນໄປ ຄວນອອກກຳລັງເບົາໆ (ບໍ່ຄວນຢຸດອອກກຳລັງກາຍ ເພາະຈະເຮັດໃຫ້ເສັ້ນເອັນຫົດ ຫລື ເກັງ).

– ຢືນກົ້ມໄປທາງໜ້າໜ້ອຍໜຶ່ງ  ຖ້າຕ້ອງຍ່າງດົນໆຄວນຢຸດພັກ ກົ້ມໂຕລົງເປັນການຍືດເສັ້ນເອັນ ຖ້າຍ່າງຕາມຫ້າງສັບພະສິນຄ້າອາດຈັບລໍ້ຖິ້ມນ້ຳໜັກໄປໃສ່ລໍ້ເພື່ອໃຫ້ຍ່າງໄດ້ດົນໂດຍບໍ່ມີອາການຈັງຊາ.

– ເຮັດກາຍະພາບທຸກມື້ ມື້ລະ 3 ເທື່ອ ເຊົ້າ, ສວາຍ, ແລງ ດ້ວຍທ່າດັ່ງນີ້ :

– ທ່ານອນຫງາຍ ຊັນຫົວເຂົ່າທັງສອງເບື້ອງຂຶ້ນ ແລ້ວຍົກໂຕຂຶ້ນໜ້ອຍໜຶ່ງ ເກັງໜ້າທ້ອງໄວ້ ນັບ 1 – 10 ເຮັດປະມານ 10 ເທື່ອ.

– ທ່ານອນຂວ້ຳ ສອກທັງສອງເບື້ອງຕັ້ງສາກກັບພື້ນ ປາຍຕີນຈິກເຮັດມູມສາກ ຍົກໂຕຂຶ້ນແລ້ວຫຸບທ້ອງເຂົ້າ ເກັງໄວ້ນັບ 1 – 10 ເຮັດປະມານ 10 ເທື່ອ.

  1. ກ້າມຊີ້ນຄໍອັກເສບ :

– ນອນພັກຜ່ອນໃຫ້ພຽງພໍ.

– ຂະນະລົດຕິດຄວນບໍລິຫານຄໍດ້ວຍການງວາກຊ້າຍ – ຂວາ ສະຫລັບກັບກົ້ມໜ້າ – ເງີຍໜ້າ.

– ບໍ່ຄວນງວາກຄໍກະທັນຫັນລະຫ່ວາງຂັບລົດ ເພາະອາດເຮັດໃຫ້ເກີດອຸປະຕິເຫດງວາກຄໍຜິດທ່າ.

  1. ຫລັບໃນແລະຕາອິດເມື່ອຍ:

– ຖ້າເລີ່ມເຫງົານອນໃຫ້ຟ້າວຈອດລົດໃນປ້ຳນ້ຳມັນແລ້ວນອນທັນທີ ໂດຍສັງເກດໂຕເອງວ່າເລີ່ມຫາວນອນຖີ່ແລ້ວຫລືຍັງ ຖ້າຫາວຖີ່ຫລາຍຕ້ອງຢຸດຢ່າຝືນ. ເວລາຂັບລົດທາງໄກ ຖ້າມີເພື່ອນຮ່ວມທາງທີ່ຂັບລົດເປັນ ຄວນປ່ຽນກັນຂັບ ແລະ ບໍ່ຄວນຂັບຄົນດຽວໄປຕະຫລອດທາງ.

  1. ລະບົບຍ່ອຍ ແລະ ລະບົບຂັບຖ່າຍຜິດປົກກະຕິ :

– ກິນອາຫານປະເພດຜັກໃຫ້ຫລາຍໆ ຖ້າຫິວຄວນເລືອກອາຫານເບົາໆ ເຊັ່ນ : ເຝີ, ໝີ່ ແຕ່ໃຫ້ໃສ່ຜັກຫລາຍໆ ນອກຈາກຈະເຮັດໃຫ້ລະບົບຍ່ອຍ ແລະ ຂັບຖ່າຍດີແລ້ວ ຍັງເຮັດໃຫ້ກິ່ນໂຕບໍ່ເໝັນນຳ.

– ອອກກຳລັງກາຍຕອນເຊົ້າກ່ອນອອກໄປເຮັດວຽກທຸກມື້ ເຊັ່ນ: ກາຍະບໍລິຫານຂາ ແລະ ຫົວເຂົ່າ ຊ່ວຍຫລຸດອາການປວດຂາ ແລະ ຫົວເຂົ່າລະຫ່ວາງຂັບລົດໄປໃນໂຕ.

error: Content is protected !!