ກິນຖົ່ວງອກແນວໃດຈຶ່ງຊ່ວຍໃຫ້ນານເຖົ້າ ?

- advert banner 728 90 728x90 - ກິນຖົ່ວງອກແນວໃດຈຶ່ງຊ່ວຍໃຫ້ນານເຖົ້າ ?

ບໍ່ຢາກເຖົ້າໄວກ່ວາອາຍຸຢ່າເຂ່ຍຖົ່ວງອກຖິ້ມ ເພາະທ່ານຈະເສຍສານອາຫານດີໆທີ່ຊ່ວຍຮັກສາຄວາມເປັນບ່າວ – ເປັນສາວໄປຢ່າງໜ້າເສຍດາຍ. ມື້ນີ້ພວກເຮົາມີຄຳແນະນຳໃນການກິນຖົ່ວງອກຢ່າງປອດໄພ ແລະ ໄດ້ຄຸນປະໂຫຍດໃນການຕໍ່ຕ້ານຄວາມເຖົ້າກ່ວາອາຍຸມາສະເໜີທ່ານ.

- new3 - ກິນຖົ່ວງອກແນວໃດຈຶ່ງຊ່ວຍໃຫ້ນານເຖົ້າ ?

ຖົ່ວງອກທີ່ຫລາຍຄົນບໍ່ມັກກິນ ແລະ ມັກເຂ່ຍອອກຈາກຈານອາຫານ ຫລືບໍ່ກໍບໍ່ປະສົມລົງໄປໃນອາຫານທີ່ກິນເລີຍ, ແຕ່ທ່ານຮູ້ຫລືບໍ່ວ່າຖົ່ວງອກ ໂດຍສະເພາະຖົ່ວງອກສົດໆ ແລະ ປາສະຈາກສານພິດຈະມີພະລັງງານທີ່ຊ່ວຍໃຫ້ຮ່າງກາຍສົດຊື່ນ ແລະ ຫລຸດຜ່ອນຄວາມເຖົ້າ ເນື່ອງຈາກມີສານຕ້ານຄວາມເສື່ອມແຫ່ງໄວຢູ່ຫລາຍຊະນິດ.

ນອກຈາກນີ້, ຖົ່ວງອກທີ່ໄດ້ມາຈາກຖົ່ວຂຽວ, ຖົ່ວດຳຍັງມີວິຕາມິນ ແລະ ເກືອແຮ່ຫລາຍ ໂດຍສະເພາະຖົ່ວງອກຫົວໃຫຍ່ຈາກຖົ່ວເຫລືອງຈະມີໂປຣຕິນ  ແລະ ໄຂມັນຫລາຍ ທັງຍັງມີກິ່ນສະເພາະກ່ວາຖົ່ວງອກຊະນິດອື່ນ.

- lattana 1 - ກິນຖົ່ວງອກແນວໃດຈຶ່ງຊ່ວຍໃຫ້ນານເຖົ້າ ?

ແນວໃດກໍຕາມ, ຖົ່ວງອກມີຄຸນປະໂຫຍດຕໍ່ສຸຂະພາບໄດ້ກໍຍ່ອມໃຫ້ໂທດໄດ້ຄືກັນຫາກກິນໃນປະລິມານຫລາຍຈົນເກີນໄປ ໂດຍສະເພາະຖົ່ວງອກດິບ ເພາະຈະມີສ່ວນເຮັດໃຫ້ຍຶ່ງທ້ອງ, ແໜ້ນທ້ອງ ຫາກກິນຫລາຍ, ແຕ່ກໍມີວິທີແກ້ໄຂ ໂດຍການເອົາຖົ່ວງອກໄປລວກ ຫລື ຕົ້ມສຸກກ່ອນຈຶ່ງກິນ ຈະຊ່ວຍຫລຸດບັນຫາອາການຍື່ງທ້ອງໄດ້, ແຕ່ຫາກໃຜມັກກິນຖົ່ວງອກສົດໆກໍບໍ່ຄວນກິນຫລາຍ, ຄວນກິນແຕ່ພໍດີພໍງາມ ເພາະຖົ່ວງອກດິບຈະຍ່ອຍຍາກກ່ວາຖົ່ວງອກສຸກ.

error: Content is protected !!