ກິນຮໍໂມນທົດແທນຈະເພີ່ມຄວາມສ່ຽງເປັນມະເຮັງຮັງໄຂ່

- advert banner 728 90 728x90 - ກິນຮໍໂມນທົດແທນຈະເພີ່ມຄວາມສ່ຽງເປັນມະເຮັງຮັງໄຂ່

ວາລະສານການແພດ ແລນເຊດ ເປີດເຜີຍຜົນການສືກສາຂອງນັກວິໄຈຈາກມະຫາວິທະຍາໄລອັອກຟອດ ເຊິ່ງໄດ້ວິເຄາະຜົນການສຶກສາ 52 ເທື່ອທ່ີສຶກສາແຍກຕ່າງກັນອອກ ໂດຍພົບວ່າ : ແມ່ຍິງອາຍຸ 50 ປີທີ່ປິ່ນປົວອາການໝົດປະຈຳເດືອນໂດຍການ ກິນຮໍໂມນທົດແທນເປັນເວລາ 5 ປີ ທຸກໆ 1.000 ຄົນ ຈະພົບວ່າປ່ວຍເປັນມະເຮັງຮັງໄຂ່ 1 ຄົນ.

ແມ່ຍິງໃນອັງກິດກິນຮໍໂມນທົດແທນເພື່ອຫລຸດຜ່ອນອາການທີ່ມາກັບໄວໝົດປະຈຳເດືອນແລ້ວ ໂດຍສ່ວນຫລາຍຈະກິນເປັນເວລາ  2 – 5 ປີ ທີ່ຜ່ານມາມີຂໍ້ມູນລະບຸວ່າ : ຈະເພີ່ມຄວາມສ່ຽງເປັນມະເຮັງເຕົ້ານົມ. ແນວໃດກໍຕາມ, ຮໍໂມນທົດແທນຫລຸດຄວາມສ່ຽງຂອງພະຍາດກະດູກຜຸຜ່ອຍ ແລະ ມະເຮັງລຳໄສ້. ຂະນະທີ່ຄວາມສ່ຽງຈະເກີດມະເຮັງຮັງໄຂ່ຍັງຄົງເປັນເລື່ອງທີ່ຖົກຖຽງກັນຢູ່ ໂດຍສະເພາະແມ່ນໃນກຸ່ມຄົນທີ່ກິນຮໍໂມນບໍ່ຮອດ 5 ປີ, ແຕ່ນັກວິທະຍາສາດທີ່ຢູ່ເບື້ອງຫລັງການສຶກສາເທື່ອຫລ້າສຸດທີ່ວິເຄາະຂໍ້ມູນການສຶກສາ 52 ເທື່ອແຍກຕ່າງກັນອອກ ເຊິ່ງລວມເຖິງການສຶກສາກັບແມ່ຍິງ 21.500 ຄົນທີ່ປ່ວຍເປັນມະເຮັງຮັງໄຂ່ຢັ້ງຢືນວ່າ :  ການກິນຮໍໂມນທົດແທນມີຄວາມກ່ຽວຂ້ອງກັບການເກີດພະຍາດມະເຮັງຮັງໄຂ່.

ສາດສະດາຈານ ເຊີຣີຊາດ ເປໂຕ ກ່າວວ່າ : ໃນກຸ່ມແມ່ຍິງທຸກໆ 1 ລ້ານຄົນໃນອັງກິດທີ່ກິນຮໍໂມນທົດແທນບຳບັດຈະມີ 1.000 ຄົນທີ່ເປັນມະເຮັງຮັງໄຂ່, ແຕ່ຄວາມສ່ຽງຈະໜ້ອຍລົງຫາກກິນຮໍໂມນເປັນເວລາສັ້ນລົງ. ແນວໃດກໍຕາມ ສຳລັບຜູ້ທີ່ມີອາການໄວໝົດປະຈຳເດືອນຢ່າງຮຸນແຮງນັ້ນ ສາດສະດາຈານ ເຊີຣິຊາດ ແນະນຳວ່າ : ຄວນຈະເປັນຫ່ວງອາການໄວໝົດປະຈຳເດືອນຫລາຍກ່ວາຈະຫ່ວງຄວາມສ່ຽງມະເຮັງ, ແມ່ຍິງໃນໄວໝົດປະຈຳເດືອນຫລາຍຄົນລະບຸວ່າບໍ່ສາມາດໃຊ້ຊີວິດເປັນປົກກະຕິໄດ້ຫາກບໍ່ໄດ້ກິນຮໍໂມນທົດແທນ. ແນວໃດກໍຕາມ, ການໄດ້ຮູ້ວ່າເຮັດໃຫ້ມີຄວາມສ່ຽງເກີດພະຍາດມະເຮັງຮັງໄຂ່ຍິ່ງເຮັດໃຫ້ມີ ຄວາມກັງວົນຫລາຍຂຶ້ນ.

- Tiger Head 728x90 - ກິນຮໍໂມນທົດແທນຈະເພີ່ມຄວາມສ່ຽງເປັນມະເຮັງຮັງໄຂ່
- 1 1 - ກິນຮໍໂມນທົດແທນຈະເພີ່ມຄວາມສ່ຽງເປັນມະເຮັງຮັງໄຂ່

ພະຍາດມະເຮັງຮັງໄຂ່ທີ່ກວດພົບໄດ້ຍາກຍ້ອນມີອາການຄ້າຍຄືກັບອາການທາງລຳໄສ້ຮ່ວມກັບອາການອື່ນໆ ເຊັ່ນ : ມີໜ້າທ້ອງໃຫຍ່ຂຶ້ນ ແລະ ຮູ້ສຶກຍື່ງທ້ອງຕະຫລອດເວລາ, ເຈັບທ້ອງ ແລະ ປວດທ້ອງນ້ອຍລວມໄປຫາກົ້ນ, ບໍ່ຢາກກິນອາຫານ ແລະ ອີ່ມໄວ ຫລື ມີອາການວິນຫົວປວດຮາກ.

error: Content is protected !!