ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ

ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ - 555 2 - ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ
ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ - AGL banner - ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ

ໃນ ວັນທີ 9 ກໍລະກົດນີ້, ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດໂດຍທ່ານໄດ້ເນັ້ນໜັກຕໍ່ຄະນະພັກແຂວງ 6 ບັນຫາດັ່ງນີ້:

  1. ສືບຕໍ່ຮັກສາມູນເຊື້ອຄວາມສາມັກຄີ ເປັນປຶກແຜ່ນພາຍໃນອົງຄະນະພັກ, ເອົາໃຈໃສ່ວຽກງານການເມືອງ-ແນວຄິດ ໃນຖັນແຖວສະມາຊິກພັກ-ພະນັກງານ, ທະຫານ, ຕຳຫລວດ, ຕະຫລອດຮອດພໍ່ແມ່ປະຊາຊົນບັນດາເຜົ່າ ແລະສຸມໃສ່ການສ້າງສາພັດທະນາເສດຖະກິດ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ, ຕ້ານ ແລະ ສະກັດກັ້ນສິ່ງຫຍໍ້ທໍ້ຕ່າງໆໃຫ້ມີປະສິດທິພາບ.
  2. ເພີ່ມທະວີປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ແກ້ໄຂເດັດຂາດ ບັນດາໜໍ່ ແໜງຄວາມບໍ່ສະຫງົບ, ບັນຫາຢາເສບຕິດ, ຂີ້ລັກງັດແງະ ແລະອື່ນໆໃຫ້ດີຂຶ້ນກວ່າເກົ່າ.
  3. ເອົາໃຈໃສ່ຊຸກຍູ້ການຜະລິດກະສິກໍາ, ການປູກຝັງ, ການລ້ຽງສັດ ເພື່ອທົດແທນການນໍາເຂົ້າ ໂດຍສະເພາະສຸມໃສ່ການຜະລິດເຂົ້ານາປີ ແລະ ພືດຜັກຕ່າງໆ ເພື່ອຮັບປະກັນດ້ານສະ ບຽງອາຫານ ໃຫ້ພຽງພໍກັບຄວາມຕ້ອງການພາຍໃນແຂວງ ຊຸກຍູ້ການຜະລິດເປັນກຸ່ມ ຫລື ສະຫະກອນໃຫ້ຫລາຍຂຶ້ນ, ສືບຕໍ່ ຕ້ານແລ້ງ-ຕ້ານຖ້ວມ ແລະ ກວດຄືນໂຄງການທີ່ອະນຸມັດໄປແລ້ວເພື່ອປັບປຸງແກ້ໄຂ.
  4. ສືບຕໍ່ຍູ້ແຮງມາດຕະການຍຸດທະສາດ ໃນການລົງກໍ່ສ້າງຮາກຖານການເມືອງ, ພັດທະ ນາຊົນນະບົດ ແລະ ລືບລ້າງຄວາມທຸກຍາກຂອງປະຊາຊົນຢູ່ເຂດຊົນນະບົດ-ຫ່າງໄກສອກຫລີກໃຫ້ເປັນເຈົ້າການເຮັດການຜະລິດ, ໃຫ້ມີກິນມີໃຊ້ ກຸ້ມຕົນເອງເພີ່ງຕົນເອງ, ສຸມໃສ່ພັດທະນາຊົນນະບົດ ແລະ ແກ້ໄຂຄວາມທຸກຍາກ ດ້ວຍການສືບຕໍ່ພັດທະນາພື້ນຖານໂຄງລ່າງທີ່ຈໍາເປັນ ເປັນຕົ້ນຖະໜົນຫົນທາງ, ໂຮງຮຽນ, ສຸກສາລາ, ຈັດສັນພື້ນທີ່ທໍາການຜະລິດ ແລະອື່ນໆ.
  5. ກ່ຽວກັບການສະກັດກັ້ນ, ຕ້ານ ແລະ ຄວບຄຸມພະຍາດລະບາດໂຄວິດ-19, ບໍ່ຄວນຖືເບົາ, ລະເຫລີງ, ເມີນເສີຍຕໍ່ສະພາບການລະ ບາດຂອງພະຍາດໂຄວິດ-19 ດັ່ງກ່າວ ແລະບໍ່ໃຫ້ພະຍາດລະດູການ (ໄຂ້ເລືອດອອກ) ລະບາດກວ້າງອອກ ພ້ອມກັນນັ້ນ ເອົາໃຈໃສ່ຫັນປ່ຽນສ້າງວິຖີຊີວິດໃໝ່ໃຫ້ເປັນຮູບປະທຳ.
  6. ສືບຕໍ່ກະກຽມດຳເນີນກອງປະຊຸມໃຫຍ່ 3 ຂັ້ນຂອງແຂວງ ໂດຍຍູ້ແຮງສ້າງຂະບວນການດ້ານຕ່າງໆໃຫ້ແຂງແຮງ ແລະ ເປັນຂະບວນຟົດຟື້ນກວ່າເກົ່າ, ສູ້ຊົນປະຕິບັດບັນດາຄາດໝາຍທີ່ກອງປະຊຸມໃຫຍ່ໄດ້ຮັບຮອງ ໃຫ້ບັນລຸຜົນ.

 

ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ - lattana banner - ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ
ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ -    AD conten website - ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ
ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ - lattana banner 1 - ເລຂາທິການໃຫຍ່ ບຸນຍັງ ວໍລະຈິດ ເນັ້ນ 6 ບັນຫາຕໍ່ຄະນະພັກແຂວງ ສະຫວັນນະເຂດ
error: Alert: ເນື້ອຫາຂ່າວມີລິຂະສິດ !!