5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - 100 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ
5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - 174233 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ

ປະ​ເທດ​ໃນ​ອາ​ຊຽນຄື​ສິງກະ​ໂປກຽມ​ຈັດການ​ເລືອກ​ຕັ້ງຄັ້ງ​ໃຫຍ່​ໃນ​ວັນ​ທີ 10 ກໍລະກົດ​ນີ້ ຫລັງ​ປະທານາທິບໍດີ ຮາ​ລິ​ມາ ຢາ​ຊອບ ​ເຫັນ​ພ້ອມ​ຕໍ່​ຂໍ້​ສະ​ເໜີ​ຍຸບ​ສະພາ​ຂອງ​ນາຍົກລັດຖະມົນຕີ ຫລີ​ຊຽນລຸງ ປະກາດ​ຍຸບ​ສະພາ​ໃນ​ວັນ​ທີ 23 ມິຖຸນາ​ຜ່ານ​ມາ ຖື​ເປັນ​ການ​ຈັດການ​ເລືອກ​ຕັ້ງລະດັບ​ປະ​ເທດ​ທີ່​ໃຊ້​ໄລຍະ​ເວລາກະກຽມ​ກ່ອນ​ເປີດ​ຫີບ​ເລືອກ​ຕັ້ງພຽງ 2 ອາທິດ​ເທົ່າ​ນັ້ນ.

​ໂດຍ​ການ​ເລືອກ​ຕັ້ງທົ່ວ​ໄປ​ຄັ້ງນີ້​ຊີງ​ໄຊ 93 ບ່ອນ​ນັ່ງ ​ເຊິ່ງ 14 ບ່ອນ​ນັ່ງ​ມາ​ຈາກ​ເຂດ​ດຽວ​ເບີ​ດຽວ (Single Member Constituencies: SMCs) ທີ່​ໃຊ້​ການ​ແບ່ງ​ເຂດ​ຄະ​ແນນ​ສູງ​ສຸດ (First past-the-post) ​ໃນ 14 ​ເຂດ​ເລືອກ​ຕັ້ງ ຄົນ​ທີ່​​ໄດ້​ຄະ​ແນນ​ສຽງ​ສູງ​ສຸດ​ພຽງ​ຄົນ​ດຽວ​ຈະ​​ໄດ້​ຮັບ​ເລືອກ. ຂະນະ​ທີ່​ອີກ 79 ບ່ອນ​ນັ່ງ​ທີ່​ເຫລືອ​ມາ​ຈາກ​ລະບົບ​ເຂດ​ໃຫຍ່​ຍົກ​ພັກ (Group Representation Constituencies: GRCs) ​ໃນ​ອີກ 17 ​ເຂດ​ເລືອກ​ຕັ້ງທີ່​ເຫລືອ​ທົ່ວ​ປະ​ເທດ.

ນີ້​ຄື 5 ບັນຫາ​ທີ່​ໜ້າ​ສົນ​ໃຈ​ໃນ​ການ​ເລືອກ​ຕັ້ງສິງກະ​ໂປ 2020

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - 2 3 300x194 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ

  1. ການ​ເລືອກ​ຕັ້ງຄັ້ງສຸດ​ທ້າຍ​ຂອງ​ທ່ານ ຫລີ​ຊຽນລຸງ ຜູ້ນຳ​ຮຸ່ນ​ທີ 3 ຂອງ​ສິງກະ​ໂປ

ນາຍົກລັດຖະມົນຕີ ຫລີ​ຊຽນລຸງ ກຽມ​ສົ່ງ​ຕໍ່​ອຳນາດ​ໃຫ້​ທາຍາດ​ທາງ​ການ​ເມືອງ​ຄົນ​ໃໝ່ ຫລັງນັ່ງຕັ່ງບໍລິຫານປະເທດມາດົນ ນັບແຕ່ກາງປີ 2004. ການເລືອກຕັ້ງຄັ້ງນີ້ຈຶ່ງອາດເປັນການເລືອກຕັ້ງ ຄັ້ງສຸດທ້າຍຂອງທ່ານທີ່ຈະສູ້ເສິກລົງຊີງຕັ່ງນາຍົກລັດຖະມົນຕີສິງກະໂປ. ຄາດຄະເນວ່າທ່ານຈະປະກາດ ວາງມືຫລັງຜ່ານພົ້ນການເລືອກຕັ້ງໃຫຍ່ໃນປີນີ້ ແລະ ມີທ່າອ່ຽງຈະສົ່ງຕໍ່ອຳນາດໃຫ້ທາຍາດທາງການເມືອງ ຄືທ່ານ ເຮັງສະວີກຽດ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນຄົນປັດຈຸບັນ ເພື່ອປູ ທາງກຽມຮັບໜ້າທີ່ຕໍ່ເປັນນາຍົກລັດຖະມົນຕີຄົນທີ 4 ຂອງສິງກະໂປ.

ການເລືອກຕັ້ງທົ່ວໄປຄັ້ງນີ້ຈຶ່ງປຽບເໝືອນການທົດສອບ ສຳລັບທ່ານ ເຮັງສະວີກຽດ ແລະ ນັກການ ເມືອງເລືອດໃໝ່ຂອງພັກກິດປະຊາຊົນ (People’s Action Party: PAP) ຫລື ຮູ້ຈັກ​ກັນ​ໃນ​ຊື່​ທີ​ມ Fourth Generation ຫລື 4G ກ່ອນ​ຈະ​ກ້າວ​ຂຶ້ນມາ​ມີ​ບົດບາດ​ທາງ​ການ​ເມືອງ​ເພີ່ມ​ຂຶ້ນອີກ​ໃນ​ອະນາຄົດ.

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - 3 3 300x194 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ

  1. ມີ​ພັກ​ການ​ເມືອງ​ສົ່ງ​ຜູ້​ສະໝັກ​ຮັບ​ເລືອກ​ຕັ້ງຫລາຍ​ທີ່​ສຸດ​ໃນ​ປະ​ຫວັດສາດ​ສິງກະ​ໂປ

​ໃນ​ການ​ເລືອກ​ຕັ້ງຄັ້ງນີ້​ມີ​ຜູ້​ສະໝັກຮັບ​ເລືອກ​ຕັ້ງ​ເຖິງ 192 ຄົນ ຈາກ 11 ພັກ​ການ​ເມືອງ ຊີງ 93 ບ່ອນ​ນັ່ງ​ໃນ 31 ​ເຂດ​ເລືອກ​ຕັ້ງທົ່ວ​ປະ​ເທດ. ພັກ​ການ​ເມືອງ​​ໃດ​ໄດ້ 47 ບ່ອນ​ນັ່ງ ຫລື ຫລາຍ​ກວ່າ ຈະ​ຄອງ​ສຽງ​ສ່ວນ​ຫລາຍ​ໃນ​ສະພາ ​ແລະ ມີ​ສິດ​ຈັດຕັ້ງລັດຖະບານ​ຊຸດ​ໃໝ່​ບໍລິຫານ​ສິງກະ​ໂປ​ຕໍ່​ໄປ​ອີກ 5 ປີ.

ໜຶ່ງ​ໃນ​ພັກ​ການ​ເມືອງ​ທີ່​ໜ້າ​ສົນ​ໃຈ​ຄື ພັກ​ສິງກະ​ໂປ​ກ້າວໜ້າ (Progress Singapore Party: PSP) ທີ່​ມີ​ນ້ອງ​ຊາຍ​ນາຍົກລັດຖະມົນຕີສິງກະ​ໂປ ຄື​ທ່ານ ຫລີ​ຊຽນຢາງ ​ໃຫ້ການ​ສະໜັບສະໜູນ ​ແລະ ສະໝັກ​ເຂົ້າ​ເປັນ​ສະມາຊິກ​ໃໝ່​ຂອງ​ພັກ ສະ​ແດງ​ຈຸດ​ຢືນ​ຢູ່​ເບື້ອງກົງກັນຂ້າມ​ທາງ​ການ​ເມືອງ​ກັບ​ອ້າຍ​ຂອງ​ຕົນ​ເອງ ​ໂດຍ​ການ​ເລືອກ​ຕັ້ງຄັ້ງນີ້ ທ່ານ ຫລີ​ຊຽນຢາງ ບໍ່​ໄດ້​ສະໝັກ​ລົງ​ຮັບ​ເລືອກ​ຕັ້ງ​ໃນ​ນາມ PSP ​ແຕ່​ຢ່າງ​ໃດ ​ເຊິ່ງທ່ານ​ເຊື່ອ​ໝັ້ນວ່າ ຜູ້ນຳ​ທາງ​ການ​ເມືອງ​ຂອງ​ສິງກະ​ໂປ​ຕ້ອງການ​ຄົນ​ທີ່​ມີ​ຄວາມ​ສາມາດ, ບໍ່​ໄດ້​ຜູກຂາດ​ຢູ່​ທີ່​ຄອບຄົວ​ໃດ​ຄອບ​ຄົວ​ໜຶ່ງ ຫລື ບຸກຄົນ​ໃດ​ບຸກຄົນ​ໜຶ່ງ. ພ້ອມ​ລະບຸ​ເຖິງ​ສາ​ເຫດ​ທີ່​ທ່ານ​ບໍ່​ລົງ​ສະໝັກ​ຮັບ​ເລືອກ​ຕັ້ງ ​ເພາະ​ທ່ານ​ເຫັນ​ວ່າ​ສິງກະ​ໂປ​ບໍ່​ຈຳ​ເປັນ​ຕ້ອງ​ມີ​ຄົນ​ນາມສະກຸນ ຫລີ ​ເຂົ້າ​ໄປ​ມີ​ສ່ວນ​ບໍລິຫານ​ປະ​ເທດ​ອີກ​ໃນ​ໄລຍະ​ເວລາ​ນີ້, ຄາດ​ວ່າ​ພັກ PSP ທີ່​ຫາ​ກໍ​ສ້າງຕັ້ງຂຶ້ນ​ໃນ​ປີ 2019 ນີ້ຈະ​ສ້າງ​ສີສັນ​ໃຫ້ການ​ເລືອກ​ຕັ້ງຄັ້ງ​ໃຫຍ່​ນີ້​ບໍ່​ຫລາຍກໍ​ໜ້ອຍ.

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - 4 300x194 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - Wave100S AD to Website 2020 0 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ
  1. ການ​ເລືອກ​ຕັ້ງ​ແບບ New Normal ​ໃນ​ໄລຍະ​ທີ່​ໂຄ​ວິດ-19 ຍັງ​ແຜ່​ລະບາດ​ຕໍ່​ເນື່ອງ

ນອກຈາກ​ເຫດຜົນ​ດ້ານ​ໄລຍະ​ເວລາ​ທີ່​ເຫລືອ​ຢູ່​ພຽງ​ບໍ່​ເທົ່າ​ໃດ​ເດືອນຂອງ​ລັດຖະສະພາ​ຊຸດ​ປັດຈຸບັນ​​ແລ້ວ​, ການ​ຄວບ​ຄຸມ​ສະຖານະ​ການ​ການ​ແຜ່​ລະບາດ​ຂອງ​ໂຄ​ວິດ-19 ພາຍ​ໃນ​ປະ​ເທດ​ໄດ້ ພາຍ​ຫລັງ​ກວດ​ພົບ​ກຸ່ມ​ກ້ອນ​ແຮງ​ງານ​ຕ່າງປະ​ເທດ​ຂະໜາດ​ໃຫຍ່​ເປັນ​ອີກ​ໜຶ່ງ​ເຫດຜົນ​​ເຮັດ​ໃຫ້​ນາຍົກລັດຖະມົນຕີ ຫລີ​ຊຽນລຸງ ສະ​ເໜີ​ໃຫ້​ມີ​ການ​ຍຸບ​ສະພາ ​ເພື່ອ​ເປີດ​ທາງ​ໃຫ້​ຄະນະ​ລັດຖະບານ ລວມທັງ​ສະມາຊິກ​ສະພາ​ຊຸດ​ໃໝ່​ບໍລິຫານ​ປະ​ເທດ ​ແລະ ຕອບ​ສະໜອງ​ຕໍ່​ວິ​ກິດ​ໂຄ​ວິດ-19 ​ໄດ້​ຢ່າງ​ວ່ອງ​ໄວ ​ໂດຍ​ບໍ່​ຕ້ອງ​ລໍຖ້າ​ໃຫ້​ໝົດ​ວາລະ​ໃນ​ເດືອນ​ເມສາ 2021 ​ເພາະ​ຖ້າ​ລໍ​ຈົນ​ຮອດ​ປີໜ້າ ອາດ​ເກີດ​ຄວາມ​ບໍ່​ແນ່ນອນ​ຫລາຍ​ປະການ ລວມທັງ​ອາດ​ເກີດ​ການລະບາດ​ຮອບ​ໃໝ່​ທີ່​ຈະ​ຍິ່ງ​ເປີດ​ຊ່ອງ​ວ່າງ​ໃຫ້​ພັກ​ຝ່າຍ​ຄ້ານ​ວິພາກ​ວິຈານ​ການ​ເຮັດ​ວຽກ​ຂອງ​ພັກ​ລັດຖະບານ PAP ​ໄດ້​ຫລາຍ​ຂຶ້ນ.

ການ​ເລືອກ​ຕັ້ງ​ແບບ New Normal ຈະ​ເປີດ​ໂອກາດ​ໃຫ້​ກຸ່ມ​ຜູ້​ອາຍຸ​ສູງ​ທີ່​ມີ​ສິດ​ເລືອກ​ຕັ້ງສາມາດ​ລົງ​ຄະ​ແນນ​ໄດ້​ກ່ອນ ​ເຊິ່ງຈະ​ກໍານົດ​ໃຫ້​ຜູ້​ມາ​ລົງ​ຄະ​ແນນ​ສຽງ​ຕ້ອງ​ໃສ່​ຖົງມື​​ແບບ​ໃຊ້​ແລ້ວ​ຖິ້ມ​ໃນ​ເວລາ​ລົງ​ຄະ​ແນນ​ຢູ່​ບ່ອນ​ເລືອກ​ຕັ້ງ ​ໂດຍ​ທາງ​ການ​ໄດ້​ອະນຸຍາດ​ໃຫ້​ບຸກຄົນ​ທີ່ຢູ່​ລະຫວ່າງ​ການ​ກັກ​ຕົວ​ຢູ່​ໂຮງ​ແຮມ ຫລື ຢູ່​ລະຫວ່າງ​ການ​ປິ່ນປົວ ສາມາດ​ເລືອກ​ຕັ້ງນອກ​ເຂດ​ທີ່​ຕົນ​ມີ​ລາຍ​ຊື່​ຢູ່​ໄດ້, ພ້ອມ​ທັງ​ເພີ່ມ​ຈຳນວນ​ໜ່ວຍ​ເລືອກ​ຕັ້ງຈາກ 880 ​ແຫ່ງ​ເປັນ 1.100​ ​ແຫ່ງ​ທົ່ວ​ປະ​ເທດ ​ເພື່ອ​ຫລຸດ​ຄວາມ​ໜາ​ແໜ້ນ​ຂອງ​ຈຳນວນ​ຜູ້​ມາ​ໃຊ້​ສິດ​ເລືອກ​ຕັ້ງ​ໃນ​ແຕ່ລະ​ໜ່ວຍ​ເລືອກ​ຕັ້ງ ລວມທັງ​ເອື້ອອຳນວຍ​ໃຫ້ການ​ເວັ້ນ​ໄລຍະ​ຫ່າງ​ທາງ​ສັງຄົມ​ລະຫວ່າງ​ທີ່​ຈັດການ​ເລືອກ​ຕັ້ງ​ເປັນ​ໄປ​ຢ່າງ​ມີ​ປະສິດທິພາບ.

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - 5 300x194 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ

  1. ພັກ PAP ກຽມ​​ໄດ້​ຮັບ​ໄຊຊະນະ​ເລືອກ​ຕັ້ງ​ໃຫຍ່​ລະດັບ​ປະ​ເທດ​ເປັນຄັ້ງທີ 15 ຕິດ​ຕໍ່​ກັນ

ພັກ​ກິດ​ປະຊາຊົນ ຫລື ພັກ PAP ຖື​ເປັນ​ພັກ​ທີ່​ຄອງ​ອຳນາດ​ໃນ​ການ​ບໍລິຫານ​ປະ​ເທດ​ມາດົນນານ ​ໂດຍ​ມີ​ອະດີດ​ນາຍົກລັດຖະມົນຕີ ຫລີກ​ວນຢູ ​ເປັນ​ໜຶ່ງ​ໃນ​ຜູ້​ສ້າງຕັ້ງປີ 1954 ກ່ອນ​ທີ່​ພັກ PAP ຈະ​ປະສົບ​ຜົນສຳ​ເລັດ ​ໄດ້​ຮັບ​ຄະ​ແນນ​ສຽງ​ຢ່າງ​ຫລວງຫລາຍ​ໃນ​ການ​ເລືອກ​ຕັ້ງທົ່ວ​ໄປ​ປີ 1959 ຂະນະ​ທີ່​ຍັງ​ເປັນ​ອານາ​ນິຄົມ​ຂອງ​ອັງກິດ ກ່ອນ​ຈະ​ໄດ້​ຮັບ​ໄຊຊະນະ​ໃນ​ການ​ເລືອ​ກຕັ້ງລະດັບ​ປະ​ເທດ​ເລື້ອຍໆ​ມາ ຈົນ​ກາຍ​ເປັນ​ພັກ​ການ​ເມືອງ​ທີ່​ມີ​ອິດ​ທິພົນ​ທີ່​ສຸດ​ຢູ່​ສິງກະ​ໂປ ​ແລະ ຜູກຂາດ​ອຳນາດ​ໃນ​ທາງ​ການ​ເມືອງ ນັບ​ແຕ່​ກ່ອນ​ປະກາດ​ເອກະລາດ​ຈາກ​ອັງກິດ ​ແລະ ​ແຍກ​ຕົວ​ອອກ​ຈາກ​ມາ​ເລ​ເຊຍ​ໃນ​ປີ 1965.

ນັກວິ​ເຄາະ​ຄາດ​ຄະ​ເນ​ວ່າ: ພັກ PAP ຂອງ​ນາຍົກລັດຖະມົນຕີ ຫລີ​ຊຽນລຸງ ຈະ​ຍັງ​​ໄດ້​ຮັບ​ໄຊຊະ​ນະ​ໃນ​ການ​ເລືອກ​ຕັ້ງຄັ້ງນີ້ ຖ້າ​ເປັນ​ແນວ​ນັ້ນ ນີ້​ຈະ​ຖື​ເປັນ​ການ​ຊະນະ​ການ​ເລືອກ​ຕັ້ງລະດັບ​ປະ​ເທດ​ຄັ້ງທີ 15 ຕິດ​ຕໍ່​ກັນ ລວມທັງ​ຈະ​ນັ່ງ​ຕັ່ງ​ບໍລິ​ຫານ​ປະ​ເທດ​ຕໍ່​ອີກ 5 ປີ ຫລັງ​ຈາກ​ກຸມ​ອຳນາດ​ລັດຖະບານ​ມາ​ດົນ​ກວ່າ 60 ປີ ກ່ອນ​ຈະ​ສົ່ງ​ຕໍ່​ໃຫ້​ທາຍາດ​ທາງ​ການ​ເມືອງ​ຮຸ່ນ​ທີ 4 ສູ້​​ເສິກ​ການ​ເລືອກ​ຕັ້ງ​ໃຫຍ່​ສະ​ໄໝ​ໜ້າ ​ເຊິ່ງນະ​ໂຍບາຍ​ທີ່​ໃຊ້​ຟື້ນຟູ​ປະ​ເທດ ​ແລະ ຮັບ​ມື​ການລະບາດ​ຂອງ​ໂຄ​ວິດ-19 ຖື​ວ່າ​ມີ​ຄວາມ​ສຳຄັນ​ຫລາຍ​ໃນ​ການ​ເລືອກ​ຕັ້ງຄັ້ງນີ້.

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - 6 300x194 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ

  1. ພະນັນ​ຄັ້ງສຳຄັນ​ຂອງ​ພັກ​ແຮງ​ງານ… ຫລື ຝ່າຍ​ຄ້ານ​ຈະ​ບໍ່​ມີ​ບ່ອນ​ນັ່ງ​ໃນ​ລັດຖະສະພາ​ສິງກະ​ໂປ

​ໃນ​ການ​ເລືອກ​ຕັ້ງທົ່ວ​ໄປຄັ້ງຜ່ານ​ມາ ​ໃນ​ປີ 2015 ພັກ​ແຮງ​ງານ​ສິງກະ​ໂປ (Workers’ Party: WP) ທີ່​ມີ​ທ່ານ ພຣິທາມ ຊິງ ນັ່ງ​ຕັ່ງ​ຫົວໜ້າ​ພັກ ​ເປັນ​ພຽງ​ພັກ​ດຽວ​ຈາກ 8 ພັກ​ການ​ເມືອງ​ຄູ່​ແຂ່ງ​ຂອງ​ພັກ PAP ທີ່​ສາມາດ​ຄວ້າ​ບ່ອນ​ນັ່ງ​ໃນ​ສະພາ​ຈາກ​ການ​ເລືອກ​ຕັ້ງ​ໄດ້ 6 ບ່ອນ​ນັ່ງ. ຂະນະ​ທີ່​ພັກ​ລັດຖະບານ​ສຽງ​ສ່ວນ​ຫລາຍ​ຂອງ​ນາຍົກລັດຖະມົນຕີ ຫລີ​ຊຽນລຸງ ຄວ້າ​ໄຊ​ໄປ​ໄດ້​ສູງ​ເຖິງ 83 ບ່ອນ​ນັ່ງ ຈາກ 27 ​ເຂດ​ເລືອກ​ຕັ້ງ.

​ໂດຍ 6 ບ່ອນ​ນັ່ງ​ຂອງ​ພັກ​ແຮງ​ງານ​ເມື່ອ 5 ປີ​ກ່ອນ​ນັ້ນມາ​ຈາກ​ເຂດ​ດຽວ​ເບີ​ດຽວ 1 ບ່ອນ​ນັ່ງ​ຈາກ​ເຂດ Hougang SMC, ສ່ວນ​ອີກ 5 ບ່ອນ​ນັ່ງ​ທີ່​ເຫລືອ​ມາ​ຈາກ​ລະບົບ​ເຂດ​ໃຫຍ່​ຍົກ​ພັກ​ຈາກ​ເຂດ Aljunied GRC ປ້ອມ​ປາການ​ເຂດ​ສຸດ​ທ້າຍ​ຂອງ​ພັກ​ຝ່າຍ​ຄ້ານ​ໃນ​ລັດຖະສະພາ​ສິງກະ​ໂປ. ການຈະ​ກັບ​ມາ​ຄວ້າ​ໄຊຊະນະ​ຍົກ​ເຂດ​ອີກ​ໃນ​ການ​ເລືອກ​ຕັ້ງຄັ້ງນີ້​ຈະ​ບໍ່​ແມ່ນ​ເລື່ອງ​ງ່າຍ​ຂອງ​ພັກ​ແຮງ​ງານ ຫລັງ​ຈາກ​ປີ 2015 ຜ່ານ​ມາ ພັກ​ແຮງ​ງານ​ໄດ້​ຮັບ​ຄະ​ແນນ​ສຽງ​ໃນ​ເຂດ Aljunied GRC ຫລຸດ​ລົງ 54,72% (2011) ມາ​ເປັນ 50,95% (2015). ຂະນະ​ທີ່​ພັກ PAP ​ໄດ້​ຮັບ​ຄະ​ແນນ​ສຽງ​ເພີ່ມ​ຂຶ້ນຈາກ 45,28% (2011) ​ເປັນ 49,05% (2015).

ຜົນ​ການ​ເລືອກ​ຕັ້ງຄັ້ງນີ້​ສຳຄັນ​ຫລາຍ​ສຳລັບ​ສິງກະ​ໂປ ​ໂດຍ​ສະ​ເພາະ​ເຂດ Aljunied GRC ວ່າ​ເຂດ​ຖານ​ຄະ​ແນນ​ສຽງ​ຂອງ​ພັກ​ແຮງ​ງານ​ນີ້​ຈະ​ຍັງ​ເປັນ​ປ້ອມ​ດ່ານ​ສຸດ​ທ້າຍ​ໃຫ້​ພັກ​ຝ່າຍ​ຄ້ານ​ໃນ​ລັດຖະສະພາ​ສິງກະ​ໂປ​ໄດ້ ຫລື ບໍ່ ຫລື ພັກ​ລັດຖະບານ​ຈະ​ກວາດ​ຄະ​ແນນ​ສຽງ​ຈົນ​ໝົດ ຈົນ​ຝ່າຍ​ຄ້ານ​ອາດ​ບໍ່​ມີ​ບ່ອນ​ນັ່ງ​ໃນ​ລັດຖະສະພາ.

5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ - WhatsApp Image 2020 05 27 at 5 - 5 ບັນຫາທີ່ໜ້າສົນໃຈໃນການ ເລືອກຕັ້ງສິງກະໂປ 2020 ເສິກຄັ້ງສຸດທ້າຍຂງທ່ານ ຫລີຊຽນລຸງ
error: Alert: Content is protected !!