ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ

ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ - IMG 20200709 111000 - ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ
ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ - Untitled design - ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ

​ໃນວັນທີ 9 ກໍລະກົດ 2020 ນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ, ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມກຸ່ມປູກພືດຜັກອິນຊີ ບ້ານທົ່ງມັ່ງ ເມືອງໄຊທານີ ນະຄອນ ຫລວງວຽງຈັນ, ​ເພື່ອ​ຊຸກຍູ້ສົ່ງ​ເສີມ ​​ແລະ ຮັບ​ຟັງ ສະພາບ​ການຈັດ​ຕັ້ງ​ປະຕິບັດ​ວຽກ​ງານ​ ການປູກຝັງ​-ລ້ຽງສັດ ຂອງປະຊາຊົນ​ບ້ານ​ທົ່ງ​ມັ່ງ ກໍ​ຄື ກຸ່ມປູກພືດຜັກອິນຊີ​ບ້ານ​ທົ່ງ​ມັ່ງ, ​ແນ​ໃສ່ສົ່ງ​ເສີມ​ເຮັດ​ໃຫ້​ປະ ຊາຊົນ ມີ​ວຽກ​ເຮັດ​ງານ​ທຳທີ່​ໝັ້ນຄົງ ​ແລະ ຫັນ​ມາ​ປູກ​ພືດ​ພັກ​ປອດ​ສານພິດ​ໃຫ້​ຫລາຍ​ຂຶ້ນ, ​ໃຫ້​ເຫລືອ​ກິນ​ ແລະ ສົ່ງ​ອອກຂາຍ​ເປັນ​ສິນຄ້າ.

ທ່ານ ນາງ ຄຳມອນ ຫລວງລາດ ຫົວໜ້າກຸ່ມປູກພືດຜັກອິນຊີ ບ້ານທົ່ງມັ່ງ ໄດ້ລາຍງານໂດຍຫຍໍ້ ໃຫ້ຮູ້ບາງຕອນວ່າ: ກຸ່ມປູກພືດຜັກອິນຊີ ບ້ານທົ່ງມັ່ງ ສ້າງ​ຂຶ້ນ​ໃນ​ກາງ ​ປີ 2015 ພາ​ຍໃຕ້​ການ​ຊີ້​ນຳ​ຂອງ​ຫ້ອງການ​ກະສິກຳ ​ແລະ ປ່າ​ໄມ້ ​ເມື​ອງ​ໄຊ​ທານີ, ​ໃນ​ເບື້ອງຕົ້ນ ມີ​ຊາວ​ກະສິກອນ​ເຂົ້າ​ຮ່ວມ​ເປັນ​ສະມາຊິກ 12 ຄອບຄົວ, ມາ​ຮອດ​ປັດຈຸບັນ ມີ​ສະມາຊິກ​ທັງ​ໝົດ 50 ກວ່າ​ຄົນ (40 ກວ່າ​ຄອບຄົວ), ​ເຊິ່ງ​ໄດ້​ປູກ​ພືດ​ຜັກ ​ແລະ ປູກ​ໄມ້​ໃຫ້​ໝາກປອດ​ສານ​ພິດ ​ໃນ​ເນື້ອ​ທີ່​ທັງ​ໝົດ 31,5 ​ເຮັກຕາ, ປັດຈຸບັນ ມີ​ເຮືອນ​ຮົ່ມ ສຳລັບ​ປູກ​ພື​ດຜັກ ທັງ​ໝົດ 116 ຫລັງ, ສາມາດ​ສ້າງ​ລາຍ​ຮັບ​​ໃຫ້​ສະມາ​ຊິກໄດ້ 5-6 ລ້ານ​ກີບ ຕໍ່​ຄົນ​ຕໍ່​ເດືອ​ນ. ສຳລັບຕະຫລາດສົ່ງ​ອອກ​ຫລັກ ​ແມ່ນ ສູນ​ການ​ຄ້າ​ວຽງ​ຈັນ​ເຊັນ​ເຕີ, ຫ້າງ​ບາ​ຊາ​ບີ, ຫ້າງລິບ​ປິ່ງ ​ແລະ ຕາມ​ທ້ອງ​ຕະຫລາດ​ຕ່າງໆ ​ໃນ​ນະຄອນຫລວງ​ວຽງ​ຈັນ. ຄຽງຄູ່​ກັນ​ນັ້ນ, ກຸ່ມປູກພືດຜັກອິນຊີ ບ້ານທົ່ງມັ່ງ ຍັງ​ມີຂໍ້ຫຍຸ້ງຍາກ ແລະ ສິ່ງທ້າທາຍຫລາຍ​ຢ່າງ ​ເປັນ​ຕົ້ນ ຍັງຂາດທຶນໝູນວຽນ, ທຶນສ້າງພື້ນຖານໂຄງລ່າງ, ຂາດພື້ນທີ່ທຳການຜະລິດ (ປັດຈຸບັນ​ແມ່ນ​ເຊົ່າ​ເນື້ອ​ທີ່​ດິນ​ ທຳ​ການ​ຜະລິດ),ຍາມແລ້ງ ນ້ຳບໍ່ພຽງພໍ, ຄວາມຮູ້ດ້ານວິຊາການຢູ່ໃນຂີດຈຳກັດ. ນອກນັ້ນ, ເງິນກູ້ຍັງມີດອກເບ້ຍສູງ ໃນໄລຍະສັ້ນນຳອີກ.

​ໂອກາດ​ດັ່ງກ່າວ, ທ່ານ ທອງລຸນ ສີສຸລິດ ກໍໄດ້ສະແດງຄວາມຊົມເຊີຍ ຕໍ່ກຸ່ມປູກພືດຜັກອິນ​ຊີ ທີ່ສາມາດສ້າງວຽກເຮັດງານທຳ, ສ້າງລາຍຮັບໃຫ້ກັບປະຊາຊົນພາຍໃນບ້ານທົ່ງມັ່ງ ​ໃຫ້​ມີ​ອາຊີບທີ່​ສຸດຈະລິດ, ໝັ້ນຄົງ ພ້ອມ​ທັງ​ຮຽກຮ້ອງ​ໃຫ້ກຸ່ມ​ດັ່ງກ່າວ, ສືບ​ຕໍ່​ຜະລິດ​ພືດ​ຜັກ​ປອດ​ສານ​ຜິດ ດ້ວຍ​ຄວາມ​ເອົາ​ໃຈ​ໃສ່, ຫ້າມ​ບໍ່​ໃຫ້​ເອົາ​ສານ​ເຄມີ ​ເຂົ້າ​ມາ​ນຳ​ໃຊ້​ຢ່າງ​ເດັດຂາດ ​ແລະ ​ໃຫ້​ປູກ​ພື​ດຜັກ ທີ່​ໃຊ້​ນ້ຳ​ໜ້ອຍ (​ແນ​ໃສ່​ປະຢັດ​ນ້ຳ, ປະຢັດ​​ໄຟ), ພ້ອມ​​ສະ​ເໜີ​ ໃຫ້​ເມືອງ, ນະຄອນຫລວງ ສົມທົບ​ກັບ​ທ້ອງ​ຖິ່ນ ຊອກ​ຫາ​ດິນ​ເປົ່າ​ຫວ່າງ ​​ໃຫ້​ປະຊາຊົນ​ໄດ້​ນຳ​ໃຊ້​ເຂົ້າ​ໃນ​ການ​ປູກ​ພືດ​ຜັກປອດສານ​ຜິດ, ​ໃຫ້​ອຳນາດ​ການ​ປົກ ຄອງ​ແຕ່ລະ​ຂັ້ນ ກໍ​ຄື ຂະ​ແໜງ​ການ​ທີ່​ກ່ຽວຂ້ອງ ​ເພີ່ມ​ທະວີ​ໃຫ້ການ​ສະໜັບສະໜູນ​ການ​ພັດທະນາ​ຮອບ ດ້ານ​ຂອງ​ກຸ່ມ ​ເພື່ອ​ໃຫ້ກຸ່ມ​ມີ​ຄວາມ​ເຂັ້ມ​ແຂງ ​ແນ​ໃສ່​ຄ້ຳປະກັນ​ທາງ​ດ້ານ​ສະບຽງ​ອາຫານ, ​ເຮັດ​ໃຫ້​ປະ ຊາຊົນ​ມີ​ອາຊີບ, ມີ​ວຽກ​ເຮັດ​ງານ​ທຳທີ່​ໝັ້ນຄົງ ​ແລະ ອື່ນໆ. ພ້ອມ​ດຽວ​ກັນ​ນັ້ນ, ທ່ານ ທອງລຸນ ສີສຸລິດ ຍັງ​ໄດ້​ສະໜອງ​ທຶນ​ຈຳນວນ​ໜຶ່ງ ​ໃຫ້ກຸ່ມປູກພືດຜັກອິນ​ຊີ ​ເພື່ອ​ນຳ​ໃຊ້​ເຂົ້າ​ໃນ​ວຽກ​ງານ​ດັ່ງກ່າວ, ​ໃຫ້​ມີ​ປະສິດ​ທິ​ພາບ ​ແລະ ປະສິດທິ​ຜົນຂຶ້ນ​ໄປ​ເລື້ອຍໆ.

ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ - Wave100S AD to Website 2020 0 - ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ
ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ - WhatsApp Image 2020 05 27 at 5 - ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ
ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ - WhatsApp Image 2020 05 27 at 5 - ນາຍົກລັດຖະມົນຕີ ລົງເຄື່ອນໄຫວຊຸກຍູ້ກຸ່ມປູກພືດຜັກອິນຊີ ບ້ານທົ່ງມັ່ງ
error: Alert: ເນື້ອຫາຂ່າວມີລິຂະສິດ !!