ຫວຽດນາມ: ໄຟຟ້າລາຄາດຽວ ຜູ້ຮັ່ງໄດ້ປຽບຜູ້ທຸກ

[object object] - Time fo an Adventure 91 - ຫວຽດນາມ: ໄຟຟ້າລາຄາດຽວ ຜູ້ຮັ່ງໄດ້ປຽບຜູ້ທຸກ
[object object] - Untitled design - ຫວຽດນາມ: ໄຟຟ້າລາຄາດຽວ ຜູ້ຮັ່ງໄດ້ປຽບຜູ້ທຸກ

ບັນດານັກຊ່ຽວຊານໃຫ້ຮູ້ວ່າ: ຖ້າຫາກເລືອກໃຊ້ໃນລາຕາດຽວ, ຜູ້ທີ່ຊົມໃຊ້ກະແສໄຟໜ້ອຍ ຈະຕ້ອງໄດ້ເສຍເງິນຫຼາຍຂຶ້ນ, ໃນຄະນະດຽວກັນຜູ້ໃຊ້ຫຼາຍ ພັດໄດ້ຮັບສ່ວນຫຼຸດ.

ກະຊວງອຸດສາຫະກຳການຄ້າຂອງຫວຽດນາມໃຫ້ຮູ້ວ່າ: ກຳລັງເບິ່ງໂຄງສ້າງລາຄາໄຟຟ້າຄືນໃໝ່, ໂດຍຫຼຸດຈາກ 6 ຂັ້ນໃນເມື່ອກ່ອນມາເປັນ 5 ຂັ້ນ ຂອງລາຄາໄຟຟ້າໃນຄົວເຮືອນ. ຖ້າຫາກຖືກປະກາດນຳໃຊ້ ກໍໝາຍຄວາມວ່າ ຈະມີຕາຕະລາງລາຄາໄຟ 2 ແບບ, ຊຶ່ງຜູ້ຊົມໃຊ້ຈະມີສອງທາງເລືອກ: ເລືອກລາຄາດຽວ ຫຼື ເລືອກລາຄາຫຼາຍຂັ້ນ.

( ຂ່າວລາວພັດທະນາ )

ທ່ານ ເຈິນວຽດງາຍ ປະທານສະມາຄົມພະລັງງານຂອງຫວຽດນາມ ໃຫ້ຮູ້ວ່າ: ຖ້າປະຊາຊົນເລືອກໃຊ້ລາຄາດຽວ ຈະມີຈຸດດີຢູ່ບ່ອນວ່າຜູ້ຊົມໃຊ້ ແລະ ຂະແໜງການໄຟຟ້າຈະງ່າຍໃນການຈົດນັບເລກກົງເຕີ, ຕິດຕາມ ແລະ ຄຸ້ມຄອງໄດ້ງ່າຍຂຶ້ນ.

ຜູ້ຕາງໜ້າບໍລິສັດລັດວິສາຫະກິດໄຟຟ້າ ຫວຽດນາມໃຫ້ຮູ້ວ່າ: ການວາງລາຄາດຽວນັ້ນ ມັນມີລັກສະນະ ຍືດຍຸນທີ່ປະຊາຊົນສາມາດເລືອກໄດ້. ຖ້າຫາກຖືກປະກາດນໍາໃຊ້ ກໍຈະມີລາຄາສອງຮູບແບບ: ລາຄາດຽວ ແລະ ລາຄາຫຼາຍຂັ້ນ. ຖ້າປະຊາຊົນພໍໃຈແບບໃດກໍຈະນຳໃຊ້ການຄິດໄລ່ແບບນັ້ນຈົນກວ່າຈະມີການປ່ຽນແປງໃໝ່.

[object object] - Wave100S AD to Website 2020 0 - ຫວຽດນາມ: ໄຟຟ້າລາຄາດຽວ ຜູ້ຮັ່ງໄດ້ປຽບຜູ້ທຸກ

ປະທານສະມາຄົມພະລັງງານຂອງຫວຽດນາມຢໍ້າວ່າ: ການຄິດໄລ່ລາຄາດຽວ ຊຶ່ງບໍ່ສາມາດຈະຫຼີກລ່ຽງຜົນກະທົບໄດ້ ເພາະວ່າ: ຄົວເຮືອນທີ່ຊົມໃຊ້ກະແສໄຟຟ້າໜ້ອຍ ໂດຍສະເລ່ຍກໍຢູ່ທີ່ 200 kwh ຈະໄດ້ເສຍເງິນເພີ່ມຂຶ້ນ ແລະ ແຕ່ 400 kwh ຂຶ້ນໄປ ລາຄາໄຟຟ້າແຕ່ລະເດືອນຊໍ້າພັດຫຼຸດລົງ. ໃນຂະນະດຽວກັນ ຄົວເຮືອນທີ່ໃຊ້ຕໍ່າກວ່າ 200 kwh ສ່ວນຫຼາຍແມ່ນຄົວເຮືອນທຸກ, ມີລາຍຮັບຕໍ່າ ແລະ ຜ່ານມາລັດຍັງໄດ້ຖົມຂຸມໃຫ້, ຖ້າຫາກໃຊ້ໄຟຕໍ່າກວ່າ 50 kwh.

ເມື່ອວິເຄາະເບິ່ງໂຄງສ້າງດັ່ງກ່າວແລ້ວ, ກະຊວງອຸດສາຫະກຳ-ການຄ້າເຫັນວ່າ: ຖ້າຜູ້ຊົມໃຊ້ກະແສໄຟຟ້າແຕ່ 300 kwh ຂຶ້ນເມືອ ຈະໄດ້ເສຍເງິນໜ້ອຍກວ່າຜູ້ທີ່ຊົມໃຊ້ຕໍ່າກວ່າ 300 kwh.

ນຳໃຊ້ (kWh) ຕາຕະລາງປຽບທຽບລາຄາ
ລາຄາດຽວ 1.897 ດົ່ງ kWh ລາຄາດຽວ 2.282 ດົ່ງ kWh (ສະເຫນີຂຶ້ນ) ລາຄາ 5 ຂັ້ນ (ກຳລັງສະເຫນີ)  ລາຄາ 6 ຂັ້ນ
50 94.850 114.100 77.450 83.900
100 189.700 228.200 154.900 170.600
200 379.400 456.400 495.600 372.000
300 560.100 684.600 729.600 625.600
400 758.800 912.800 963.600 909.000
500 948.500 1.141.000 1.233.700 1.201.700
600 1.138.200 1.369.200 1.503.800 1.494.400
700 1.327.900 1.597.400 1.773.900 1.787.100
800 1.517.600 1.825.600 2.084.400 2.079.800

 

[object object] - WhatsApp Image 2020 05 27 at 5 - ຫວຽດນາມ: ໄຟຟ້າລາຄາດຽວ ຜູ້ຮັ່ງໄດ້ປຽບຜູ້ທຸກ
[object object] - WhatsApp Image 2020 05 27 at 5 - ຫວຽດນາມ: ໄຟຟ້າລາຄາດຽວ ຜູ້ຮັ່ງໄດ້ປຽບຜູ້ທຸກ
error: Alert: ເນື້ອຫາຂ່າວມີລິຂະສິດ !!