ນັກວິໄຈຍີ່ປຸ່ນເຜີຍຢາ Avigen ບໍ່ມີປະສິດທິພາບໃນການປິ່ນປົວໂຄວິດ-19

ນັກວິໄຈຍີ່ປຸ່ນເຜີຍຢາ avigen ບໍ່ມີປະສິດທິພາບໃນການປິ່ນປົວໂຄວິດ-19 - 110 - ນັກວິໄຈຍີ່ປຸ່ນເຜີຍຢາ Avigen ບໍ່ມີປະສິດທິພາບໃນການປິ່ນປົວໂຄວິດ-19
ນັກວິໄຈຍີ່ປຸ່ນເຜີຍຢາ avigen ບໍ່ມີປະສິດທິພາບໃນການປິ່ນປົວໂຄວິດ-19 - AGL banner - ນັກວິໄຈຍີ່ປຸ່ນເຜີຍຢາ Avigen ບໍ່ມີປະສິດທິພາບໃນການປິ່ນປົວໂຄວິດ-19

ວັນທີ 10 ກໍລະກົດນີ້, ສຳນັກຂ່າວເຈແປນ ທາມ ລາຍງານວ່າ: ທີມນັກວິໄຈຈາກມະຫາວິທະຍາໄລສຸຂະພາບຟູຈິຕະ ແຂວງໄອຈິ ປະເທດຍີ່ປຸ່ນ ໄດ້ເປີດເຜີຍຜົນການສຶກສາລະບຸວ່າ: ຢາອາວິແກນ (Avigan) ບໍ່ມີປະສິດທິພາບໃນການປິ່ນປົວໂຄວິດ-19 ຫລັງຈາກທີມວິໄຈສຶກສາຂໍ້ມູນຈາກຜູ້ຕິດໂຄວິດ 88 ຄົນ ໂດຍແບ່ງອອກເປັນຜູ້ຕິດໂຄວິດ-19 ທີ່ໄດ້ຮັບຢາອາວິແກນນັບແຕ່ມື້ທຳອິດຈົນຮອດ 10 ວັນ ກັບຜູ້ຕິດເຊື້ອໂຄວິດທີ່ຮັບຢາໃນວັນທີ 6 ຈົນເຖິງວັນທີ 10 ເຖິງວ່າຜູ້ຕິດເຊື້ອທີ່ໄດ້ຮັບຢານັບແຕ່ວັນທຳອິດຈະມີອຸນຫະພູມຫລຸດລົງໄວກວ່າຜູ້ທີ່ຮັບຢາໃນວັນທີ 6 ແຕ່ຍັງບໍ່ຢືນຢັນວ່າຈະສາມາດປິ່ນປົວໃຫ້ຫາຍດີໄດ້ ຫລື ບໍ່.

ໂດຍກ່ອນໜ້ານີ້ ນາຍົກລັດຖະມົນຕີ ຊິນໂຊ ອາເບະ ຫວັງວ່າຢາອາວິແກນ ຈະໄດ້ຮັບການອະນຸມັດໃຫ້ໃຊ້ໃນການປິ່ນປົວ COVID-19 ໃນເດືອນພຶດສະພາ ເຊິ່ງທາງບໍລິສັດ ຟູຈິຟີມ ໂທຢາມະ ເຄມິຄໍ ໃນເຄືອບໍລິສັດຟູຈິຟີມ ໂຮນດິ້ງ ຜູ້ຜະລິດຢາອາວິແກນໄດ້ດຳເນີນການທົດສອບທາງຄລີນິກຢ່າງຕໍ່ເນື່ອງ ແຕ່ໄລຍະເດືອນຜ່ານມາ ຈຳນວນຜູ້ຕິດເຊື້ອໂຄວິດ-19 ຢູ່ຍີ່ປຸ່ນຫລຸດລົງຕໍ່ເນື່ອງ ເຮັດໃຫ້ເກີດການຂາດແຄນຜູ້ຕິດເຊື້ອທີ່ຈະເຂົ້າຮ່ວມໂຄງການ ເຮັດໃຫ້ໂຄງການດັ່ງກ່າວຊັກຊ້າອອກໄປ.

ສຳລັບສະຖານະການການແຜ່ລະບາດຂອງເຊື້ອໄວຣັສໂຄວິດ-19 ຢູ່ຍີ່ປຸ່ນ ພົບຜູ້ຕິດເຊື້ອ 21.026 ຄົນ ໂດຍຫລ້າສຸດວັນທີ 10 ກໍລະກົດ ທາງການນະຄອນຫລວງໂຕກຽວເປີດເຜີຍວ່າ: ມີການກວດພົບຜູ້ຕິດເຊື້ອໂຄວິດ-19 ໃໝ່ 243 ຄົນ ສ້າງສະຖິຕິພົບຜູ້ຕິດເຊື້ອແຕ່ລະວັນເກີນ 200 ຄົນຕິດຕໍ່ກັນເປັນມື້ທີສອງ ຫລັງຈາກວັນທີ 10 ກໍລະກົດ ພົບຜູ້ຕິດເຊື້ອໂຄວິດ-19 ໃໝ່ 224 ຄົນ, ສ່ວນຈຳນວນຜູ້ເສຍຊີວິດຈາກໂຄວິດ-19 ຢູ່ຍີ່ປຸ່ນມີ 982 ຄົນ ແລະ ປິ່ນປົວຫາຍດີ 17.433 ຄົນ.

ນັກວິໄຈຍີ່ປຸ່ນເຜີຍຢາ avigen ບໍ່ມີປະສິດທິພາບໃນການປິ່ນປົວໂຄວິດ-19 - lattana banner - ນັກວິໄຈຍີ່ປຸ່ນເຜີຍຢາ Avigen ບໍ່ມີປະສິດທິພາບໃນການປິ່ນປົວໂຄວິດ-19
ນັກວິໄຈຍີ່ປຸ່ນເຜີຍຢາ avigen ບໍ່ມີປະສິດທິພາບໃນການປິ່ນປົວໂຄວິດ-19 - lattana banner 1 - ນັກວິໄຈຍີ່ປຸ່ນເຜີຍຢາ Avigen ບໍ່ມີປະສິດທິພາບໃນການປິ່ນປົວໂຄວິດ-19
ນັກວິໄຈຍີ່ປຸ່ນເຜີຍຢາ avigen ບໍ່ມີປະສິດທິພາບໃນການປິ່ນປົວໂຄວິດ-19 -    AD conten website - ນັກວິໄຈຍີ່ປຸ່ນເຜີຍຢາ Avigen ບໍ່ມີປະສິດທິພາບໃນການປິ່ນປົວໂຄວິດ-19
error: Alert: ເນື້ອຫາຂ່າວມີລິຂະສິດ !!