ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່

- 111 - ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່
- AGL banner - ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່

ວັນທີ 11 ກໍລະກົດນີ້, ສຳນັກຂ່າວຊິນຮົວລາຍງານວ່າ: ລັດຖະບານນະຄອນຫລວງໂຕກຽວລາຍງານວ່າ: ຈຳນວນຜູ້ຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19) ໃໝ່ໃນວັນທີ 10 ກໍລະກົດ ຢູ່ນະຄອນຫລວງໂຕກຽວເພີ່ມສູງສຸດເປັນປະຫວັດສາດ 243 ຄົນ ເຊິ່ງຖືເປັນວັນທີ 2 ຕິດຕໍ່ກັນທີ່ຈຳນວນຜູ້ຕິດເຊື້ອໃໝ່ສູງເກີນ 200 ຄົນ.

ລາຍງານລະບຸວ່າ: ນະຄອນຫລວງໂຕກຽວພົບຜູ້ຕິດໂຄວິດ-19 ໃໝ່ ສູງເຖິງ 224 ຄົນໃນວັນທີ9 ກໍລະກົດ ເພີ່ມຂຶ້ນຈາກ 75 ຄົນໃນວັນທີ 8 ກໍລະກົດ ເຊິ່ງເປັນວັນທີ່ຜູ້ຕິດເຊື້ອຫລຸດລົງຢູ່ເລກສອງຫລັກຄັ້ງທຳອິດໃນຮອບ 7 ວັນ.

ນະຄອນຫລວງໂຕກຽວ ເຊິ່ງມີປະຊາກອນ 14 ລ້ານຄົນ ຍັງພະຍາຍາມຄວບຄຸມຈຳນວນຜູ້ຕິດເຊື້ອທີ່ກັບມາເພີ່ມສູງຂຶ້ນຢ່າງຕໍ່ເນື່ອງ ນັບແຕ່ລັດຖະບານປະກາດຍົກເລີກພາວະສຸກເສີນພະຍາດໂຄວິດ-19 ຢ່າງສົມບູນໃນວັນທີ 25 ພຶດສະພາ ໂດຍຕົວເລກຜູ້ຕິດເຊື້ອສູງແບບບໍ່ສະໝໍ່າສະເໝີ ເນື່ອງຈາກຜູ້ຕິດເຊື້ອທີ່ມີຜົນທົດສອບພະຍາດໂຄວິດ-19 ເປັນບວກນັ້ນເປັນຜູ້ທີ່ມີອາຍຸລະຫວ່າງ 20-30 ປີ.

ລັດຖະບານລະບຸວ່າ: ເຂດບັນເທີງຍາມຄໍ່າຄືນໃຈກາງເມືອງໃນຊິນຈູກຸ ແລະ ອິເຄະບຸຄຸໂຣະ ໄດ້ກາຍມາເປັນແຫລ່ງແຜ່ເຊື້ອໂຄວິດ-19 ຮອບຫລ້າສຸດ ເຊິ່ງເປັນການເຕືອນຜູ້ທີ່ມັກເດີນທາງທ່ຽວເຂດເຫລົ່ານີ້ໃຫ້ກວດສອບແນ່ໃຈວ່າສະຖານທີ່ດັ່ງກ່າວມີມາດຕະການທີ່ຈຳເປັນເພື່ອປ້ອງກັນການແຜ່ລະບາດເພີ່ມຂອງໄວຣັສ.

ຂະນະດຽວກັນ ໃນວັນທີ 10 ກໍລະກົດ ລັດຖະບານເປີດເຜີຍວ່າ: ຜູ້ທີ່ຮູ້ສຶກບໍ່ສະບາຍ ຫລື ມີໄຂ້ຄວນຫລີກເວັ້ນການເດີນທາງອອກຈາກນະຄອນຫລວງໂຕກຽວ ຫລັງກ່ອນໜ້ານີ້ ລັດຖະບານໄດ້ຮ້ອງຂໍໃຫ້ປະຊາຊົນຫລີກເວັ້ນການເດີນທາງຂ້າມແຂວງເຊັ່ນກັນ.

- Wave100S AD to Website 2020 0 - ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່

ຂະນະທີ່ທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ປະກາດໃນວັນທີ 9 ກໍລະກົດວ່າ: ຈະເຝົ້າຕິດຕາມສະຖານະການຢ່າງໃກ້ຊິດ ແລະ ກ່າວວ່າ: ຕອນນີ້ລະບົບການແພດຍັງສາມາດຮັບມືໄດ້ ເຖິງວ່າການແພດຈະບໍ່ໄດ້ຢູ່ພາຍໃຕ້ຄວາມເຄັ່ງຕຶງ ແຕ່ຄວນເຝົ້າຕິດຕາມສະຖານະການດ້ວຍຄວາມຕື່ນຕົວໃນລະດັບສູງ.

ສ່ວນທ່ານ ໂຢຊິຮິເດະ ຊູກະ ເລຂາທິການໃຫຍ່ຂອງຄະນະລັດຖະບານ ເຊິ່ງເປັນໂຄສົກຂອງລັດຖະບານ ກ່າວວ່າ: ລັດຖະບານກາງຍັງບໍ່ໄດ້ພິຈາລະນາປະກາດພາວະສຸກເສີນຮອບໃໝ່ໃນປັດຈຸບັນ. ພ້ອມກ່າວວ່າ: ຈຳນວນຜູ້ຕິດເຊື້ອເພີ່ມສູງຂຶ້ນຢູ່ນະຄອນຫລວງໂຕກຽວຈະບໍ່ປ່ຽນແປງການຕັດສິນໃຈຂອງລັດຖະບານໃນການຫລຸດຜ່ອນກົດລະບຽບກ່ຽວກັບການຈຳກັດຈຳນວນຜູ້ເຂົ້າຮ່ວມກິດຈະກຳ ໂດຍການຫລຸດຜ່ອນດັ່ງກ່າວຈະອະນຸຍາດໃຫ້ປະຊາຊົນເຂົ້າຮ່ວມກິດຈະກຳ ເຊິ່ງລວມທັງກິດຈະກຳກິລາ ໄດ້ສູງສຸດບໍ່ເກີນ 5.000 ຄົນ ເລີ່ມແຕ່ວັນທີ 10 ກໍລກົດ ເປັນຕົ້ນໄປ.

ທັງນີ້ ນະຄອນຫລວງໂຕກຽວລາຍງານການກວດພົບຜູ້ຕິດເຊື້ອໂຄວິດ-19 ທັງໝົດ 7.515 ຄົນ ເຊິ່ງເປັນຕົວເລກສູງທີ່ສຸດໃນ 47 ແຂວງຂອງຍີ່ປຸ່ນ ແລະ ຄິດເປັນອັດຕາສ່ວນປະມານ 1 ໃນ 3 ຂອງຈຳນວນຜູ້ຕິດເຊື້ອທົ່ວປະເທດ.

- WhatsApp Image 2020 05 27 at 5 - ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່
- WhatsApp Image 2020 05 27 at 5 - ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່
- WhatsApp Image 2020 05 27 at 5 - ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່
- WhatsApp Image 2020 05 27 at 5 - ໂຕກຽວທຸບສະຖິຕິຕິດເຊື້ອໂຄວິດ-19 ວັນດຽວ 243 ຄົນ ຕິດຕາມສະຖານບັນເທີງແຫລ່ງແຜ່ເຊື້ອຮອບໃໝ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!