ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?

- 555 3 - ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?
- AGL banner - ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?

ໂດຍ: ມຶກບໍ່ແຫ້ງ

 

ເຖິງວ່າກອງປະຊຸມສະພາແຫ່ງຊາດຈະສິ້ນສຸດລົງໃໝ່ໆໝາດໆແຕ່ສິ່ງໜຶ່ງທີ່ຜູ້ຂຽນຟັງແລ້ວຍັງຄິດຄຳນຶງບໍ່ເຊົາກໍຄືການປ່ຽນແປງອຸດົມການ ແລະ ແນວຄິດການເມືອງຂອງພະນັກງານລັດວິສາຫະກິດ!

ໃນສອງສາມປີຫຼືອາດເວົ້າໄດ້ວ່າຫຼາຍປີຜ່ານມາພວກເຮົາໄດ້ຮັບຮູ້ເຖິງຄວາມຫຍຸ້ງຍາກໃນການດຳເນີນການຂອງບັນດາລັດວິສາຫະກິດຈຳນວນໜຶ່ງໂດຍສະເພາະແມ່ນບັນຫາດ້ານການເງິນ, ໜີ້ສິນ, ການບໍລິຫານແລະອື່ນໆ ເຊິ່ງເຊື້ອງຊ້ອນດ້ວຍບັນຫາຕ່າງໆ ຈົນເຮັດໃຫ້ ລັດວິສາຫະກິດຫຼາຍຂະແໜງການໄປເກືອບບໍ່ຫຼອດ.

ລັດວິສາຫະກິດໄຟຟ້າລາວຖືກຍົກມາເປັນກໍລະນີທີ່ສົນທະນາຢ່າງຟົດຮ້ອນທີ່ສຸດໃນທົ່ວສັງຄົມແລະໃນກອງປະຊຸມສະໄໝສາມັນເທື່ອ 9 ຂອງສະພາແຫ່ງຊາດຊຸດທີ VIII ກໍບໍ່ຄາດສາຍຕາຜູ້ແທນປະຊາຊົນໄປໄດ້ ເຊິ່ງກໍໄດ້ ຖາມເຈາະຈີ້ມທັງມີຄຳເຫັນຕໍ່ລັດຖະບານຫຼາຍຢ່າງກ່ຽວກັບເລື່ອງຄ່າໄຟແພງ.

“ພວກເຮົາຕ້ອງປ່ຽນແປງອຸດົມການແລະການເມືອງ-ແນວຄິດຂອງພະນັກງານລັດວິສາຫະກິດທັງໝົດ” ທ່ານສາຍທອງແກ້ວດວງດີສະມາຊິກສະພາແຫ່ງຊາດເຂດ 1 ນະຄອນຫຼວງວຽງຈັນໄດ້ກ່າວໃນກອງປະຊຸມສະໄໝສາມັນເທື່ອ 9 ທີ່ຫາກໍປິດລົງເມື່ອບໍ່ດົນມານີ້.

ຜູ້ແທນທ່ານດັ່ງກ່າວຍັງໄດ້ ເຈາະເລິກບັນຫາວ່າການໃຫ້ຂໍ້ມູນຂອງລັດວິສາຫະກິດໄຟຟ້າລາວເມື່ອບໍ່ດົນຜ່ານມາເນື່ອງຈາກການຈົ່ມວ່າຂອງປະຊາຊົນເລື່ອງຄ່າໄຟແພງນັ້ນວ່າລັດວິສາຫະກິດດັ່ງກ່າວໄດ້ເກື້ອກູນປະຊາຊົນປະມານ 300 ຕື້ກີບຕໍ່ປີອັນນີ້ ອາດຈະບໍ່ເໝາະສົມປານໃດອາດເວົ້າວ່ານີ້ແມ່ນເປັນການຊ່ວຍເຫຼືອປະຊາຊົນເພາະຄຳວ່າການເກື້ອກູນແມ່ນການຈ່າຍຊະຊາຍຕ່າງຫາກເຊິ່ງອາດເປັນໄປໄດ້ວ່າເປັນການເກື້ອກູນຄົນພາຍໃນລັດວິສາຫະກິດນັ້ນເອງ.

- Wave100S AD to Website 2020 0 - ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?

ການປະກອບຄຳເຫັນດັ່ງກ່າວແມ່ນມີລັກສະນະກົງໄປກົງມາທີ່ສຸດເຊິ່ງໄດ້ຮັບຄຳຊົມເຊີຍຕໍ່ມວນຊົນຢ່າງກວ້າງ, ສົມກັບວ່າເປັນຜູ້ແທນປະຊາຊົນແລະເຊື່ອແນ່ວ່າຜູ້ແທນທ່ານດັ່ງກ່າວເພິ່ນມີຄວາມຈິງໃຈແລະເຈຕະນາດີໃນການຊ່ວຍແກ້ໄຂບັນຫາທີ່ຄານຳລັດວິສາຫະກິດຂອງປະເທດເຮົາມາດົນນານໂດຍຖືເອົາການປ່ຽນແປງທາງດ້ານອຸດົມການແລະການເມືອງແນວຄິດເປັນກົກ.

ແຕ່ອີກດ້ານໜຶ່ງກໍມີຄວາມເຫັນໃຈຕໍ່ລັດຖະບານບໍ່ໜ້ອຍທີ່ຈະຕອບໂຈດແກ່ຄວາມຮຽກຮ້ອງຕ້ອງການຂອງປະຊາຊົນໃນການຊົມໃຊ້ໄຟຟ້າທີ່ຖືກໃນນາມເປັນປະເທດທີ່ຜະລິດໄຟຟ້າຫຼາຍປະເທດໜຶ່ງໃນພາກພື້ນທັງທີລັດຖະບານກໍຍັງມີບັນຫາໜີ້ສິນ, ໄພພິບັດ, ເສດຖະກິດຖົດຖອຍເນື່ອງຈາກການລະບາດຂອງພະຍາດໂຄວິດ 19ແລະອື່ນໆ ເຊິ່ງເຮັດໃຫ້ພວກເຮົາກຳລັງຢູ່ພາຍໃຕ້ຄວາມກົດດັນໜັກໜ່ວງທີ່ຈະຜ່ານຜ່າໄປໃຫ້ໄດ້.

ດ້ວຍວິໄສທັດອັນກວ້າງໄກແລະກ້າຫານລັດຖະບານຈຶ່ງໄດ້ປັບປຸງການຈັດຕັ້ງຂອງລັດວິສາຫະກິດໄຟຟ້າລາວຢ່າງທັນການແລະອອກບັນດານະໂຍບາຍໃນການຄິດໄລ່ ຄ່າໄຟແບບໃໝ່ ທີ່ຈະຊ່ວຍໃຫ້ ປະຊາຊົນສະບາຍໃຈຫຼາຍຂຶ້ນໃນການເສຍຄ່າໄຟແລະຍັງມີການຄົ້ນຄວ້າບັນຫາຕ່າງໆທີ່ກ່ຽວຂ້ອງເພື່ອສືບຕໍ່ແກ້ໄຂໃຫ້ລັດວິສາຫະກິດລາວໂດຍສະເພາະໄຟຟ້າກ້າວໜ້າຕໍ່ໄປ.

ຜູ້ຂຽນກໍຍັງເຊື່ອວ່າບັນຫາຄ້າຍຄືກັນທີ່ເກີດຂຶ້ນກັບລັດວິສາຫະກິດໄຟຟ້າລາວນັ້ນກໍຍັງເຊື່ອງຊ້ອນຢູ່ນຳບັນດາລັດວິສາຫະກິດອື່ນໆຕື່ມອີກເຊິ່ງມັນເປັນກາລະໂອກາດທີ່ດີທີ່ສຸດທີ່ຈະຫັນປ່ຽນໄປໃນທາງທີ່ ໂປ່ງໄສ, ມີວິໄສທັດກວ້າງໄກແລະສາມາດແຂ່ງຂັນໄດ້.

- WhatsApp Image 2020 05 27 at 5 - ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?
- WhatsApp Image 2020 05 27 at 5 - ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?
- WhatsApp Image 2020 05 27 at 5 - ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?
- WhatsApp Image 2020 05 27 at 5 - ຈະປ່ຽນແປງ “ອຸດົມການ” ຂອງລັດວິສາຫະກິດໄດ້ແນວໃດ?
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!