3 ວິທີຊ່ວຍບຳບັດຄວາມຄຽດໃນການເຮັດທຸລະກິດ

3 ວິທີຊ່ວຍບຳບັດຄວາມຄຽດໃນການເຮັດທຸລະກິດ - 2 4 - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ
3 ວິທີຊ່ວຍບຳບັດຄວາມຄຽດໃນການເຮັດທຸລະກິດ - AGL banner - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ

ນັກທຸລະກິດທຸກມື້ນີ້ຕ້ອງພະເຊີນກັບຄວາມເຄັ່ງຄຽດມະຫາສານ ໂດຍສະເພາະເມື່ອພົບກັບສະຖານະການໂຄວິດ – 19 ສະພາບເສດຖະກິດທີ່ບໍ່ຄ່ອຍຈະດີ ຫລື ບັນຫາຕ່າງໆພາຍໃນອົງກອນ ຫລື ບໍລິສັດຂອງຕົນເອງ ແລະ ສິ່ງສຳຄັນ ຄວາມເຄັ່ງຄຽດ ແລະ ຄວາມວິຕົກກັງວົນເຫລົ່ານີ້ມີຜົນຫລາຍຕໍ່ຊີວິດປະຈຳວັນ.

ໃນຖານະນັກທຸລະກິດ ຫລື ຄົນທີ່ເຮັດທຸລະກິດ ທ່ານຄວນຈະຮັບມືກັບຄວາມວິຕົກກັງວົນເຫລົ່ານີ້ຢ່າງຖືກວິທີ, ມື້ນີ້ພວກເຮົາມີ 3 ເຕັກນິກງ່າຍໆທີ່ຈະຊ່ວຍບຳບັດ ຫລື ຟື້ນຟູອາການເຄັ່ງຄຽດຈາກການເຮັດທຸລະກິດຂອງທ່ານ ດັ່ງນີ້ :

1.ຄວບຄຸມທຸລະກິດຂອງທ່ານໃຫ້ໄດ້ : ທ່ານອາດຈະເປັນຄົນສຳຄັນໃນບໍລິສັດ ຫລື ແມ່ນແຕ່ເປັນເຈົ້າຂອງບໍລິສັດທີ່ຕ້ອງດູແລຈັດການຫລາຍສິ່ງຫລາຍຢ່າງພ້ອມກັນ ນີ້ແມ່ນບັນຫາໃຫຍ່ເລີຍ ເພາະຍິ່ງທ່ານຮັບຜິດຊອບວຽກເກີນໂຕ ມັນຍິ່ງເຮັດໃຫ້ທ່ານເມື່ອຍ ແລະ ເຄັ່ງຄຽດໄດ້ງ່າຍ ການແຈກຫຍາຍວຽກທີ່ທ່ານບໍ່ຈຳເປັນຕ້ອງເຮັດ ຈຶ່ງເປັນສິ່ງສຳຄັນ, ທ່ານຕ້ອງຄວບຄຸມບໍລິສັດຂອງທ່ານ ບໍ່ແມ່ນເຮັດເອງໝົດທຸກຢ່າງ, ການວາງແຜນຈຶ່ງເປັນສິ່ງທີ່ຈະຊ່ວຍທ່ານໄດ້ ຢາກໃຫ້ທ່ານລອງເຮັດລາຍການສິ່ງຕ່າງໆທີ່ຕ້ອງເຮັດອອກມາ ແລ້ວລອງຄິດເບິ່ງວ່າມີຫຍັງແດ່ີ່ອາດຈະແຈກຫຍາຍໃຫ້ຄົນອື່ນຮັບຜິດຊອບແທນໄດ້. ຮອດຕອນນີ້ທ່ານກໍຈະມີເວລາຫລາຍຂຶ້ນ ແລະ ເນັ້ນເປົ້າໃສ່ກັບສິ່ງໃດສິ່ງໜຶ່ງໄດ້ດີຂຶ້ນ ໂດຍສະເພາະວຽກດ້ານການບໍລິຫານ ເປັນຕົ້ນ.

3 ວິທີຊ່ວຍບຳບັດຄວາມຄຽດໃນການເຮັດທຸລະກິດ - 051007 2020 300x200 - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ

2. ປະເມີນສະຖານະການທີ່ຮຸນແຮງທີ່ສຸດໃຫ້ເປັນ : ສະຖານະການທີ່ຮຸນແຮງທີ່ສຸດ ເປັນສະຖານະການທີ່ເຮົາບໍ່ຢາກໃຫ້ມັນເກີດຂຶ້ນແນ່ນອນ,​ ແຕ່ໃຜເຄີຍຄິດເຖິງມັນແດ່ ? ໃຜເຄີຍຄິດແດ່ວ່າໃນກໍລະນີການຕັດສິນໃຈແຕ່ລະເທື່ອ ສິ່ງທີ່ຮຸນແຮງທີ່ສຸດອາດຈະເກີດຂຶ້ນໄດ້ນັ້ນເປັນແນວໃດ ? ເຊັ່ນ : ຖ້າທ່ານລົງທຶນທີ່ຈະຊື້ເຄື່ອງຈັກໃໝ່ໃນລາຄາ 250 ລ້ານກີບ ທ່ານຈຳເປັນຕ້ອງປະເມີນສະຖານະການທີ່ຮຸນແຮງທີ່ສຸດເອົາໄວ້ເລີຍ ເຊັ່ນ : ຖ້າມັນເຮັດວຽກບໍ່ໄດ້ດັ່ງໃຈ ເຮົາສາມາດເອົາມັນໄປຂາຍເພື່ອຄືນທຶນໄດ້ບາງພາກສ່ວນຫລືບໍ່ ? ທ່ານອາດຈະຕ້ອງຮັກສາມັນໃຫ້ຢູ່ໃນສະພາບດີທີ່ສຸດເພື່ອທີ່ລາຄາຈະບໍ່ຕົກ ເຊິ່ງທ່ານປະເມີນແລ້ວວ່າທ່ານຈະຂາຍໄດ້ໃນລາຄາ 90% ຈາກທີ່ຊື້ມາ. ດັ່ງນັ້ນ, ສະຖານະການທີ່ຮຸນແຮງທີ່ສຸດທີ່ອາດເກີດຂຶ້ນກໍຄື ທ່ານຈະເສຍເງິນໄປ 10% ຈາກທີ່ຊື້ມາ. ຜົນຂອງການເຮັດແບບນີ້ກໍຄື ມັນຈະຊ່ວຍໃຫ້ທ່ານເຫັນພາບຂອງຄວາມລົ້ມເຫລວທີ່ອາດເກີດຂຶ້ນ ແລະ ປະເມີນມັນໄດ້ຖືກ ຍິ່ງເຮົາເຂົ້າໃຈ ແລະ ເຫັນມັນລ່ວງໜ້າຫລາຍເທົ່າໃດ ເຮົາກໍຈະຍິ່ງຕັດສິນໃຈໄດ້ຫລັກແຫລມຫລາຍຂຶ້ນເທົ່ານັ້ນ ແລະ ແນ່ນອນວ່າ ມັນຊ່ວຍຫລຸດຄວາມວິຕົກກັງວົນຂອງທ່ານໄດ້ນຳ.

3 ວິທີຊ່ວຍບຳບັດຄວາມຄຽດໃນການເຮັດທຸລະກິດ - 061007 2020 300x200 - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ

3.ໃຫ້ເວລາໃນການດູແລຕົນເອງ :ຢ່າເມົາແຕ່ເຮັດວຽກຈົນຖືເບົາການດູແລຕົນເອງ ຍິ່ງທ່ານປ່ອຍໃຫ້ຕົນເອງຢູ່ໃນຕະພາບຊຸດໂຊມຫລາຍເທົ່າໃດ ທ່ານຍິ່ງຜິດຫວັງໃນຕົນເອງຫລາຍຂຶ້ນເທົ່ານັ້ນ, ຢ່າຖືເບົາທີ່ຈະພັກຜ່ອນຢ່າງພຽງພໍ, ກິນອາຫານດີໆ, ໃຊ້ເວລາໃນການຫາຄວາມຮູ້, ດູແລສຸຂະພາບກາຍ ແລະ ສຸຂະພາບຈິດ, ໃຊ້ເວລາກັບໝູ່ ແລະ ຄອບຄົວ ລວມເຖິງກິດຈະກຳຍາມວ່າງທີ່ທ່ານຢາກເຮັດ ແລ້ວທ່ານຈະພົບວ່າ ຕົນເອງມີຄວາມສຸກກັບວຽກຫລາຍຂຶ້ນ ແລະ ຄວາມເຄັ່ງຄຽດຈະມາຮຸກຮານທ່ານໄດ້ຍາກຂຶ້ນກ່ວາເກົ່າ.

3 ວິທີຊ່ວຍບຳບັດຄວາມຄຽດໃນການເຮັດທຸລະກິດ - 071007 2020 300x200 - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ

3 ວິທີຊ່ວຍບຳບັດຄວາມຄຽດໃນການເຮັດທຸລະກິດ - lattana banner 1 - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ
3 ວິທີຊ່ວຍບຳບັດຄວາມຄຽດໃນການເຮັດທຸລະກິດ -    AD conten website - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ
3 ວິທີຊ່ວຍບຳບັດຄວາມຄຽດໃນການເຮັດທຸລະກິດ - lattana banner - 3 ວິທີຊ່ວຍບຳບັດຄວາມຄຽດໃນການເຮັດທຸລະກິດ
error: Alert: ເນື້ອຫາຂ່າວມີລິຂະສິດ !!