5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ

5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ - Time fo an Adventure 2020 07 13T144130 - 5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ
5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ - Untitled design - 5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ

ປີ 2020 ຫາກໍ່ຜ່ານໄປໄດ້ ເຄີ່ງທາງ ບັນດາບໍລິສັດ ຮ້ານຄ້າ ລ້ວນແຕ່ຈົ່ມເປັນສຽງດຽວກັນ “ເສດຖະກິດບໍ່ດີ” ຫລາຍ ຄົນຕົກງານ ທຸກຄົນຕ້ອງຮັດສາຍແອວ ອັນເນື່ອງມາຈາກພະຍາດໄວຣັດໂຄວິດ-19

ໃນໄລຍະທີ່ເສດຖະກິດບໍ່ດີ ພວກເຮົາຈະເຮັດແນວໃດ ຫລື ພວກເຮົາຄວນເຮັດຫຍັງ ? ລາວພັດທະນາ ຂໍນຳສະເຫນີ 5 ສິ່ງທີ່ບໍ່ຄວນເຮັດໃນສະພາບເສດຖະກິດບໍ່ດີແບບນີ້:

  1. ຢ່າຄ້ຳປະກັນໃຫ້ຄົນອື່ນ

ຢ່າເວົ້າແຕ່ຍາມເສດຖະກິດບໍ່ດີ ບາງຄົນມີຂະຕິໃນໃຈ ວ່າຖ້າຈະຮັກກັນຍາວນານ ບໍ່ຄວນຄ້ຳປະກັນໃຫ້ໃຜເດັດຂາດ ຫລາຍຄົນຕ້ອງພົບບົດຮຽນອັນແສນເຈັບປວດ ຈາກການຄ້ຳປະກັນ “ຊິ້ນບໍ່ໄດ້ກິນແຕ່ເອົາກະດູກມາແຂວນຄໍ”

ດັ່ງນັ້ນຄວນຈະຕັດໄຟຕັ້ງແຕ່ຕົ້ນລົມບໍ່ຮັບປະກັນຕໍ່ໃຜ. ແຕ່ຖ້າຫລີກລ້ຽງບໍ່ໄດ້ຕ້ອງໄດ້ປະກັນແທ້ໆ ໃຫ້ອ່ານສັນຍາຢ່າງລະອຽດກ່ອນທີ່ຈະເຊັນສັນຍາຄ້ ຳ ປະກັນ. ໂດຍທົ່ວໄປແລ້ວ, ຄວາມຮັບຜິດຊອບຂອງ ໜີ້ ໄດ້ແບ່ງອອກເປັນ 2 ປະເພດຫຼັກຄື:
ຄວາມຮັບຜິດຊອບແບບບໍ່ຈຳກັດ ຄືຫມາຍຄວາມວ່າ ຮັບຜິດຊອບ ໜີ້ ໃນທຸກໆດ້ານ ທັງຕົ້ນ ແລະ ດອກ ທີ່ຕ້ອງຮັບ.
ຄວາມຮັບຜິດຊອບ ແບບຈຳກັດໝາຍ ຄວາມວ່າຮັບຜິດຊອບຫນີ້ບາງສ່ວນເທົ່ານັ້ນ

ພິຈາລະນາຢ່າງລະມັດລະວັງ, ເຖິງແມ່ນວ່າອະດີດຫລືມື້ນີ້ ຜູ້ທີ່ເຮົາຈະຄ້ຳໃຫ້ອາດຈະບໍ່ເຄີຍມີປະຫວັດສາດມາກ່ອນ ຫລື ບໍ່ມີປັນຫາມາກ່ອນ ແຕ່ນັ້ນບໍ່ໄດ້ ໝາຍຄວາມວ່າອະນາຄົດຈະເກີດຂຶ້ນບໍ່ໄດ້.

2. ຄ່ອຍຯລົງທຶນເພີ່ມໃນທຸລະກິດ

ໃນສະພາບເສດຖະກິດທີ່ບໍ່ດີ ການດຳເນີນທຸລະກິດຫຼືຄ້າຂາຍ, ລູກຄ້າບໍ່ມີ ຍອດກຳໄລຈະຫຼຸດລົງຕາມ ທຳມະຊາດ. ຜູ້ປະກອບການຫຼາຍຄົນກຳລັງຊອກຫາວິທີຫລາຍຯຢ່າງເພື່ອເພີ່ມລາຍໄດ້ ເພື່ອເຮັດໃຫ້ການຂາຍ ແລະ ກຳໄລກັບມາ

ຫນຶ່ງໃນວິທີເພີ່ມກຳໄລຄື ການເພີ່ມທຸນ ອາດຈະເປີດສາຂາໃຫມ່ເພື່ອເພີ່ມຍອດຂາຍ ຫລື ອື່ນຯທີ່ຕ້ອງໃຊ້ເງີນຈຳນວນຫລາຍ ໃນຈຸດຈຸດນີ້ ຜູ້ຂຽນຂໍແນະນຳໃຫ້ຍຸດໄວ້ກ່ອນເພາະອາດຈະເພື່ມຄວາມສ່ຽງຂຶ້ນ ແລະ ຖ້າການເພີ່ມທຶນນັ້ນມາຈາກການກູ້ຢືມເງີນມາ ຍິ່ງຕ້ອງລະມັດລະວັງ.

ຖ້າຢາກເພີ່ມຍອດຂາຍໃຫ້ກັບມາ ເຮົາອາດຈະເລີ່ມຕົ້ນໃນການຫລຸດຜ່ອນລາຍຈ່າຍ ຕັດລາຍຈ່າຍທີ່ບໍ່ຈຳເປັນອອກ ກວດຄືນເຄື່ອງທີ່ໄດ້ຂາຍຊ້າ ຫລຸດຜ່ອນການສະຕັອກສິນຄ້າ ເນັ້ນຂາຍອ່ອນລາຍ ເລືອກຫາການຕະຫລາດທີ່ມີຄ່າໃຊ້ຈ່າຍບໍ່ແພງ ຖືກເປົ້າຫມາຍ

3. ຢ່າເອົາເງີນສຳຮອງສຸກເສີນມານຳໃຊ້ໂດຍບໍ່ຈຳເປັນ

5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ - Wave100S AD to Website 2020 0 - 5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ

ເງີນສຳຮອງສຸກເສີນແມ່ນເງີນທີ່ເອົາມານຳໃຊ້ໃນຍາມສຸກເສີນເປັນຕົ້ນ ການປິ່ນປົວ ຕົກງານ ມີອຸບັດຕິເຫດ ປະສົບບັນຫາດ້ານທຸລະກິດ ແລະອື່ນຯ

ບາງຄົນໃຊ້ເງີນສຸກເສີນໄປໃນທີ່ຜິດ ເວລາພົບກັບບັນຫາ ຫລື ຕ້ອງການເງີນເພື່ອປິ່ນປົວແທ້ ຕອນນັ້ນມັນກໍ່ສາຍໄປ ຈຶ່ງຕ້ອງໄປກູ້ເງີນ ເຮັດໃຫ້ເປັນຫນີ້ເປັນສິນ

4. ບໍ່ຈຳເປັນຢ່າສ້າງຫນີ້ເພີ່ມ

ທ່ານກຳລັງວາງແຜນຊື້ລົດໃຫມ່ ຊື້ເຮືອນຫລັງທີສອງເພື່ອພັກຜ່ອນ ຜູ້ຂຽນຂໍແນະນຳໃຫ້ທ່ານອົດໃຈໄວ້ກ່ອນ ເພາະເສດຖະກິດໃນໄລຍະນີ້ ອັນໃດມັນກໍ່ເກີດຂຶ້ນໄດ້ ດີທີ່ສຸດທ່ານຄວນເກັບເງີນໄວ້ ປະຫຍັດ ຫັດສາຍແອວໄວ້ໃຊ້ຈ່າຍໃນສິ່ງທີ່ຈຳເປັນສາກ່ອນ ລະວັງການໃຊ້ຈ່າຍຟຸມເຟືອຍອາດຈະສ້າງຫນີ້ໃຫມ່ໃຫ້ແກ່ທ່ານໂດຍບໍ່ຮູ້ໂຕ

5. ມີສະຕິດໃນການລົງທຶນ ວ່າຫວັງລົງທຶນໄວແລະລວຍ ໂດຍບໍ່ສຶກສາລະອຽດ

ຜູ້ທີ່ມີຄວາມກະຕືລືລົ້ນໃນການຫາເງີນ ໂດຍການນຳເອົາຄວາມໂລບມາກເປັນທີ່ຕັ້ງອາດນຳພາຕົວເອງໄປພົບກັນພວກແຊລູກໂສ້ ຫລື ການນ້ຳໃຊ້ເງີນໄປລົງທຶນໃນຊັບສິນຕ່າງຯທີ່ອາດຈະບໍ່ມີຄວາມຈິງໂດຍມີຜົນຕອບແທນສູງ

ບໍ່ມີອັນໃດທີ່ໄດ້ມາຢ່າງງ່າຍດາຍ ແລະ ມີຜົນກຳໄລໃນເວລາອັນສັ້ນຯ ຢ່າລົງທຶນກັບສິ່ງທີ່ທ່ານບໍ່ຮູ້ ບໍ່ໄດ້ສຶກສາຢ່າງລະອຽດ ເພາະໂອກາດຜິດພາດອມີສູງ

ຫາກທ່ານເຫັນຊ່ອງທອງໃນການລົງທຶນ ຂໍໃຫ້ເປັນທຸລະກິດທີ່ທ່ານເຂົ້າໃຈດີ ແລະ ຢ່າເລີ່ມຕົ້ນໂດຍການລົງທຶນໃນເງີນກ້ອນໃຫຍ່ ໃຫ້ເພື່ອໄວ້ໃນການຕຽມໃຈກັບຄວາມຜິດພາດທີ່ອາດຈະເກີດຂຶ້ນ

ຮຽບຮຽງໂດຍ: ອາມິດຕາ

5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ - WhatsApp Image 2020 05 27 at 5 - 5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ
5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ - WhatsApp Image 2020 05 27 at 5 - 5 ສິ່ງທີ່ບໍ່ຄວນເຮັດໃນໄລຍະເສດຖະກິດທີ່ບໍ່ດີ
error: Alert: ເນື້ອຫາຂ່າວມີລິຂະສິດ !!