ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ

ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ - Time fo an Adventure 100 - ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ
ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ - Untitled design - ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ

ແຫ​ລ່ງຂ່າວ​ຈາກ​ແຂວງ​ອັດ​ຕະປື ​ແຈ້ງໃຫ້​ຮູ້​ວ່າ: ​ເມື່ອ​ບໍ່​ດົນ​ມາ​ນີ້, ທ່ານ ຄໍາ​ມະນີ ອິນ​ທິລາດ ​ລັດຖະມົນຕີ​ ກະຊວງ​ພະລັງງານ ​ແລະ ບໍ່​ແຮ່, ທ່ານ ເລັດ ໄຊຍະພອນ ເຈົ້າແຂວງອັດ​ຕະປື ພ້ອມຄະນະ ​ໄດ້ລົງຕິດຕາມ ແລະ ຊຸກຍູ້ບາງບັນຫາ ກ່ຽວກັບໂຄງການກໍ່ສ້າງເຄື່ອນຜະລິດພະລັງງານໄຟຟ້າ ຂອງບໍລິ ສັດ ຈະເລີນເຊກອງ ພະລັງງານ ຈຳກັດ ​ເປັນ​ຕົ້ນ ເຂື່ອນໄຟຟ້ານໍ້າກົງ 1, ນ້ຳກົງ 2 ແລະ ໂຄງການທີ່ຢູ່ໃນ​ໄລຍະການດຳເນີນການກໍ່ສ້າງ ເຂື່ອນໄຟຟ້ານໍ້າກົງ 3 ຢູ່ເມືອງ ພູວົງ ແຂວງອັດຕະປື.

ໂຄງການເຂື່ອນໄຟຟ້າ ນ້ຳຕົກນ້ຳກົງ 2  ແມ່ນໄດ້ກໍ່ສ້າງສຳເລັດເປັນທີ່ຮຽບຮ້ອຍແລ້ວ ສາມມາດຜະລິດກະແສໄຟໄດ້ປົກກະຕິຈຳໜ່າຍພາຍໃນ ແລະ ຕ່າງປະເທດ, ເຂື່ອນໄຟຟ້າ ນໍ້າກົງ 3 ແມ່ນຢູ່ໄລຍະການກໍ່ສ້າງ ມີຄວາມຄືບໜ້າ 80% ແລະ ຈະໃຫ້ສຳເລັດການກໍ່ສ້າງໃນປີ 2020; ການລົງມາເຄື່ອນໄຫວຢ້ຽມຢາມຂອງລັດຖະມົນຕີ ພ້ອມຄະນະໃນເທື່ອນີ້ແມ່ນ ໄດ້ໄປເບິ່ງຈຸດເຂດອ່າງເກັບກັກນ້ຳໜ້າເຂື່ອນນ້ຳກົງ 1, ເຮືອນຈັກບ່ອນຜະລິດກະແສໄຟຟ້າ ນ້ຳກົງ 2; ນ້ຳກົງ 3 ແມ່ນຈຸດເຂດການກໍ່ສ້າງໝ້າເຂື່ອນ ແລະ ກໍ່ໄດ້ຮັບຟັງການລາຍງານ ຄວາມຄືບໜ້າຂອງການດຳເນີນໂຄງການກໍ່ສ້າງ ຈາກຄະນະຮັບຜິດຊອບໂດຍຫຍໍ້ຈຳນວນໜຶ່ງ.

ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ - Wave100S AD to Website 2020 0 - ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ

​ໂອກາດ​ນີ້, ທ່ານ ຄໍາ​ມະນີ ອິນ​ທິລາດ ​ໄດ້​ໃຫ້​ຮູ້​ວ່າ: ປັດຈຸບັນຄວາມຄືບໜ້າຂອງໂຄງການ ເຂື່ອນໄຟຟ້າ ນໍ້າກົງ 3 ປະຕິບັດ 80% ແລະ ເປັນການຈັດຕັ້ງປະຕິບັດທີ່ມີຄວາມເອົາໃຈໃສ່ ແລະ ຮັບປະກັນທີ່ສຸດ, ເຊິ່ງກະຊວງພະລັງງານ ແລະ ບໍ່ແຮ່ ໄດ້ຊູກຍູ້ໃຫ້ບັນດາກົມ ລົງມາໃກ້ຊິດຕິດຕາມເປັນປົກກະຕິ ໂດຍຖືເອົາບົດຮຽນທີ່ໄດ້ມີມານັ້ນມາ​ໜູນ​ໃຊ້ ​ເຮັດໃຫ້ເຂື່ອນທີ່ໄດ້ຮັບການກໍ່ສ້າງຢູ່ແຕ່ລະແຫ່ງນັ້ນ ຕ້ອງຮັບ ປະກັນຄວາມປອດໄພທີ່ສຸດ ​ແລະ​ ​ໃນອານາຄົດທາງກະຊວງ ຈະມີການປ່ຽນຊື່ຈາກກົມຄຸ້ມຄອງພະລັງງານ ມາເປັນກົມຄຸ້ມຄອງຄວາມປອດໄພຂອງເຂື່ອນ ແນ່ໃສ່ຮັບປະກັນຄວາມປອດໄພທາງດ້ານຜົນກະທົບສິ່ງ ແວດລ້ອມທາງສັງຄົມ. ​ການ​ມີ​​ແຫ​ລ່ງພະລັງງານ​ໄຟຟ້າ ທີ່​ອຸດົມສົມບູນ​ນັ້ນ​ຖື​ວ່າ ​ເປັນ​ຈຸດ​ໄດ້​ປຽບ​ຫລາຍ​ທີ່​ສຸດ​ໃນ​ການ​ເອື້ອ​ອໍານວຍ​ຄວາມ​ສະດວກ​ ໃຫ້ການ​ພັດທະນາ​​​ແບບ​ຍືນ​ຍົງ ​ໂດຍ​ນັກ​​ທຸລະ​ກິດ​ຕ່າງປະ​ເທດ ຈະເຂົ້າ​ມາ​ລົງທຶນ​ສ້າງ​ໂຮງ​ຈັກ​ໂຮ​ງານ, ​ເຂດ​ອຸດສາຫະກໍາ​ໜັກ-​ເບົາ, ​ໂຮງ​ແຮມ, ສະຖານ​ທີ່​ບໍລິການ ​ແລະ ອື່ນໆ​ ນັ້ນກໍ​ຕ້ອງ​ມີ​​ແຫ​ລ່ງພະລັງງານ​​ໄຟຟ້າ​ ສາມາດ​ຕອບ​ສະໜອງ​ຄວາມ​ຕ້ອງການ​ເຂົາ​ເຈົ້າ​ໃຫ້​ພຽງພໍ.

ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ - WhatsApp Image 2020 05 27 at 5 - ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ
ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ - WhatsApp Image 2020 05 27 at 5 - ລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງຕິດຕາມເຮັດວຽກຢູ່ເຂື່ອນໄຟຟ້າ ເມືອງ ພູວົງ
error: Alert: ເນື້ອຫາຂ່າວມີລິຂະສິດ !!