ຖືກປັບເເຕ່ເງິນ..! ເຮືອໃບສີຟ້າ ພົ້ນໂທດແບນເກມຢູຟ້າແຊ້ມປ້ຽນລີກ..!
July 14, 2020 - 9:29 AM
ອີງຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ເມື່ອກ່ອນໜ້ານັ້ນ ແມນເຊັດເຕີ້ ຊິຕີ້ ຖືກລົງໂທດຈາກ ຢູຟ້າ ເພາະຄວາມຜິດຈາກກົດຄວບຄຸມການເງິນ, ຈາກກໍລະນີມີການກວດສອບພົບວ່າສະໂມສອນມີລາຍຮັບຈາກຜູ້ສະໜັບສະໜູນສູງເກີນຈາກຄວາມເປັນຈິງຢ່າງຊັດເຈນ ສົ່ງຜົນໃຫ້ພວກເຂົາຖືກສັ່ງໂທດແບນຈາກເວທີເອີຣົບເປັນຈຳນວນ 2 ລະດູການ 2020-21 ແລະ 2021-22 ພ້ອມກັບປັບເງິນ 30 ລ້ານເອີໂຣ.
ຫຼ້າສຸດວັນທີ 13 ກໍລະກົດທີ່ຜ່ານມາ ເວລາ 15:30 ນາທີ ຕາມເວລາຂອງປະເທດລາວ, ສານກີລາໂລກ (CAS) ໄດ້ມີຄຳຕັດສິນຄະດີຂອງ ສະໂມສອນແມນເຊັດເຕີ້ ຊິຕີ້ ທີ່ໄດ້ຢື່ນອຸທອນໂທດໃນຄະດີຢູຟ້າສັ່ງຫ້າມແຂ່ງຂັນບານເຕະຢູຟ້າແຊ້ມປ້ຽນລີກເປັນເວລາ 2 ປີ, ໂດຍຜົນການຕັດສິນ ສານຕັດສິນໃຫ້ແມນເຊັດເຕີ້ ຊິຕີ້ ຊະນະໃນການອຸທອນ ແລະ ຈະພົ້ນໂທດແບນຈາກເວທີເອີີຣົບ ແຕ່ຈະຕ້ອງຖືກປັບເງິນໂດຍຫລຸດຈາກ 30 ລ້ານຢູໂຣເຫຼືອແຕ່ 10 ລ້ານຢູໂຣເທົ່ານັ້ນ.