ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ

ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ - 143 - ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ
ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ - Untitled design - ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ

ໃນວັນທີ 13 ກໍລະກົດ 2020 ກົມປ່າໄມ້ ກະຊວງກະສິກໍາ ແລະ ປ່າໄມ້ ໄດ້ຈັດພິທີປະກາດສ້າງຕັ້ງເຂດອະນູລັກປ່າໂຄກ ໂອງ-ມັ່ງ ແຫ່ງຊາດ ຢູ່ທີ່ເມືອງ ຊົນນະບູລີ ແຂວງ ສະຫວັນນະເຂດ ພາຍໃຕ້ການເປັນປະທານຂອງ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ມີ ທ່ານ ທອງພັດ ວົງມະນີ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້, ທ່ານ ນາງ ຣິຄາດາ ຣິເກີ ຫົວໜ້າອົງການສະຫະປະຊາຊາດ ເພື່ອການພັດທະນາ ປະຈໍາລາວ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ຫົວໜ້າກົມປ່າໄມ້ ໃຫ້ຮູ້ວ່າ: ຢູ່ ສປປ ລາວ ໂດຍສະເພາະປະຊາຊົນ ທີ່ດໍາລົງຊີວິດໃນເຂດປ່າໂຄກແຫ່ງນີ້ ໄດ້ຮູ້ຈັກ ແລະ ຄຸ້ນເຄີຍກັບສັດປ່າຊະນິດນີ້ເປັນເວລາດົນນານແລ້ວ ແຕ່ໃນໄລຍະຜ່ານມາ ຍັງບໍ່ທັນມີມາດຕະການທີ່ເໝາະສົມໃນການຄຸ້ມຄອງ, ອະນຸລັກ, ປົກປັກຮັກສາ ເຮັດໃຫ້ສັດປ່າຫລາຍຊະນິດ ມີຈໍານວນຫລຸດໜ້ອຍຖອຍລົງ ແລະ ມີຄວາມສ່ຽງທີ່ຈະສູນພັນ. ໃນປີ 2016 ເຂດດັ່ງກ່າວ, ຈຶ່ງໄດ້ຮັບການສະໜັບສະໜູນທາງດ້ານງົບປະມານ ຈາກກອງທຶນສິ່ງແວດລ້ອມໂລກ ໂດຍຜ່ານອົງການສະຫະປະຊາຊາດເພື່ອການພັດທະນາ (NUDP) ສົມທົບກັບທຶນປະກອບສ່ວນຂອງ NUDP ມູນຄ່າທັງໝົດ 12 ລ້ານກວ່າໂດລາ ແລະ ການປະກອບສ່ວນ ຂອງລັດຖະບານລາວ ຈໍານວນໜຶ່ງ ເພື່ອຈັດຕັ້ງປະຕິບັດໂຄງການ ອະນຸລັກລະບົບນິເວດປ່າໂຄກ ໂອງ-ມັ່ງ ໃນໄລຍະເວລາ 6 ປີ (2016-2022) ແນໃສ່ເພື່ອສ້າງຄວາມເຂັ້ມແຂງ ໃນການຄຸ້ມຄອງປົກປັກຮັກສາປ່າໄມ້, ທີ່ດິນປ່າໄມ້ ແລະ ລະບົບນິເວດປ່າໂຄກ ໂດຍສະເພາະໂອງ-ມັ່ງ ແລະ ສັດປ່າຊະນິດອື່ນໃຫ້ມີຄວາມຍືນຍົງ-ອຸດົມສົມບູນ ໄປຄຽງຄູ່ກັບການປັບປຸງຊີວິດການເປັນຢູ່ຂອງປະຊາຊົນບັນດາເຜົ່າ ຢູ່ 55 ບ້ານເປົ້າໝາຍ ໃນ 5 ເມືອງ ຄື: ເມືອງ ຊົນນະບູລີ, ສອງຄອນ, ທ່າປາງທອງ, ພະລານໄຊ ແລະ ເມືອງ ພີນ ຂອງແຂວງສະຫວັນນະເຂດ.

ໂອກາດດັ່ງກ່າວ, ທ່ານກໍໄດ້ສະເໜີໃຫ້ອົງການຈັດຕັ້ງສາກົນທຸກພາກສ່ວນ ສືບຕໍ່ໃຫ້ການສະໜັບສະໜູນໃນການປົກປັກຮັກສາເຂດອະນຸລັກ ໂອງ-ມັ່ງ ແຫ່ງຊາດ, ພ້ອມທັງຮຽກ ຮ້ອງມາຍັງທຸກພາກສ່ວນທີ່ມີສ່ວນຮ່ວມ ຈົ່ງສືບຕໍ່ໃຫ້ການຊີ້ນໍາໆພາຢ່າງໃກ້ຊິດຕິດແທດ ພ້ອມທັງປົກປັກຮັກສາ ເຂດດັ່ງກ່າວ ໃຫ້ມີຄວາມຍືນຍົງ ຕິດພັນກັບການສ້າງເປັນເຂດແຫລ່ງທ່ອງທ່ຽວທາງທໍາມະຊາດໃນຕໍ່ໜ້າ.

ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ - Wave100S AD to Website 2020 0 - ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ
ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ - WhatsApp Image 2020 05 27 at 5 - ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ
ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ - WhatsApp Image 2020 05 27 at 5 - ປະກາດສ້າງຕັ້ງເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ
error: Alert: ເນື້ອຫາຂ່າວມີລິຂະສິດ !!