ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ

ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ - 147 - ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ
ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ - 174233 - ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ

​ເນື່ອງ​ໃນ​ໂອກາດ​ວັນ​ປ່ອຍ​ປາ​ແຫ່ງ​ຊາດ ​ແລະ ວັນ​ອະນຸລັກ​ສັດ​ນ້ຳ-ສັດປ່າ 13 ກໍລະກົດນີ້ ​ແຂວງ​ສະຫວັນ​ນະ​ເຂດ ​ໄດ້​ອອກ​ແຈ້ງ​ການ​ສະບັບ​ເລກທີ 1134, ລົງ​ວັນ​ທີ 19 ມິຖຸນາ 2020 ​ໃຫ້​ກຽມ​ແນວ​ພັນ​ປາ ​ແລະ ສັດ​ນ້ຳ-ສັດປ່າ​ປ່ອຍ​ໃນ​ວັນ​ດັ່ງກ່າວ ​ໃນ​ນີ້​ໄດ້​ຈັດຕັ້ງການ​ປ່ອຍ​ປາ​ລົງ​ໃສ່​ໜອງ, ອ່າງ​ເກັບ​ນ້ຳ ​ແລະ ສາຍ​ນ້ຳຕ່າງໆ ພ້ອມ​ໄດ້​ອອກ​ລະບຽບ​ການ​ຄຸ້ມ​ຄອງ, ວາງ​ມາດ​ຕະການ​ຄ້າຂາຍ​ສັດ​ນ້ຳ-ສັດປ່າ​ທີ່​ຫາ​ຍາກ ​ແລະ ​ໃກ້​ຈະ​ສູນພັນ ​ໂດຍ​ສະ​ເພາະ​ໃນ​ໄລຍະ​ວາງ​ໄຂ່, ຂະຫຍາຍ​ພັນ ​ເຊິ່ງຜ່ານ​ມາ​ເຫັນ​ວ່າ​ມີ​ບາງ​ທ້ອງ​ຖິ່ນ​ຍັງ​ລະ​ເມີດ​ລັກລອບ​ຫາ​ປາ ​ແລະ ສັດ​ນ້ຳດ້ວຍ​ວິທີ​ນຳ​ໃຊ້​ເຄື່ອງມື​ແບບ​ດັບ​ສູນ ​ເພື່ອ​ຫາ​ປາ ​ແລະ ສັດ​ນ້ຳ, ມີ​ການ​ລັກລອບ​ຄ້າຂາຍ​ສັດ​ນ້ຳ ​ແລະ ປ່າ​ປະ​ເພດ​ຫວງ​ຫ້າມ ​ແລະ ປະ​ເພດ​ຄຸ້ມ​ຄອງ​ຢູ່​ຕາມ​ທ້ອງ​ຕະຫລາດ, ຮ້ານ​ອາຫານຕາມ​ເສັ້ນທາງ​ທີ່​ຜິດ​ລະບຽບ​ກົດໝາຍ. ດັ່ງນັ້ນ ​ແຂວງ​ຈະ​ຕ້ອງ​ໄດ້​ເພີ່ມ​ທະວີ​ເຮັດ​ໜ້າ​ທີ່​ໂຄສະນາ​ເຜີຍ​ແຜ່​ກົດໝາຍ​ການ​ປະມົງ ​ແລະ ລະບຽບ​ການ​ທີ່​ກ່ຽວຂ້ອງ​ໃຫ້​ແກ່​ພະນັກງານ, ລັດຖະກອນ, ທະຫານ, ຕຳ​ຫລວດ, ພໍ່ຄ້າ​ຊາວ​ຂາຍ, ຜູ້​ປະກອບ​ການ​ຕ່າງໆ ​ແລະ ປະຊາຊົນ​ບັນດາ​ເຜົ່າ​ໄດ້​ຮັບ​ຮູ້ ​ເພື່ອ​ຮ່ວມ​ກັນ​ຈັດຕັ້ງປະຕິບັດ​ກົດໝາຍ​ຢ່າງ​ເຂັ້ມງວດ, ສືບ​ຕໍ່​ປຸກລະດົມ​ປະຊາຊົນ​ໃຫ້​ຕື່ນ​ຕົວ​ມອບ​ເຄື່ອງມື​ຫາ​ປາ​ແບບ​ດັບ​ສູນ​ໃຫ້​ເຈົ້າໜ້າ​ທີ່ ​ເພື່ອ​ຄຸ້ມ​ຄອງ​ຖືກ​ລະບຽບ​ກົດໝາຍ ​ແລະ ປຸກລະດົມ​ການ​ປ່ອຍ​ປາ​ໃສ່​ໜອງ, ບຶງ,​ ​ແມ່​ນ້ຳລຳ​ເຊ, ອ່າງ​ເກັບ​ນ້ຳຕ່າງໆ​ໃຫ້​ເປັນ​ຂະບວນຫລາຍ​ຂຶ້ນ.

ຖ້າ​ຫາກ​ມີ​ການ​ກະທຳ​ເຊັ່ນ: ຈັບ, ຊື້, ຂາຍ​ສັດ​ປະ​ເພດ​ຫວງ​ຫ້າມ, ສັດ​ປະ​ເພດ​ຄຸ້ມ​ຄອງ​ໃນ​ລະດູ​ການ​ຂະຫຍາຍ​ພັນ ​ແລະ ລ້ຽງ​ລູກນ້ອຍ, ບຸກລຸກ​ທຳລາຍ​ເຂດ​ອະນຸລັກ​ວັງສະ​ຫງວນ, ທີ່ຢູ່​ອາ​ໄສ, ​ແຫລ່ງອາຫານ​ສັດ​ນ້ຳ-ສັດປ່າ​ໂດຍ​ທາງ​ກົງ ​ແລະ ທາງ​ອ້ອມ ດ້ວຍ​ການ​ບຸກ​ເບີກ​ຕັດ​ໄມ້, ນຳ​ໃຊ້​ຢາ​ປາບ​ສັດຕູ​ພືດ ​ແລະ ຂ້າ​ຫຍ້າ​ເກີນ​ກຳນົດ ​ແລະ ອື່ນໆ​ທີ່​ເປັນ​ການ​ກະທຳ​ທີ່​ລະ​ເມີດ​ລະບຽບ​ກົດໝາຍ ກໍ​ຕ້ອງ​ຖືກ​ດຳ​ເນີນ​ຄະດີ​ຕາມ​ລະບຽບ​ກົດໝາຍ​ຢ່າງ​ເຂັ້ມງວດ.

ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ - Wave100S AD to Website 2020 0 - ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ
ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ - WhatsApp Image 2020 05 27 at 5 - ສະຫວັນນະເຂດເພີ່ມທະວີອະນຸລັກສັດນ້ຳ-ສັດປ່າ
error: Alert: Content is protected !!