ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ

ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ - 152 - ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ
ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ - Untitled design - ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ

ຄະນະຊີ້ນຳລະດັບຊາດ ເພື່ອການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ຢູ່ ສປປ ລາວ ໄດ້ຈັດກອງປະຊຸມທົບທວນປະຈຳຮອບວຽນ 3 ປີຂຶ້ນ ​ໃນ​ວັນ​ທີ 15 ກໍລະກົດ​ນີ້ ທີ່​ນະຄອນຫລວງ​ວຽງ​ຈັນ ເປັນຄັ້ງທີ 2 ໂດຍພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ, ທັງເປັນປະທານຄະນະຊີ້ນໍາລະດັບຊາດ ເພື່ອຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (SDGs) ຢູ່ ສປປ ລາວ, ມີບັນດາທ່ານລັດຖະມົນຕີ, ຮອງລັດຖະມົນຕີ ແລະ ຜູ້ຕາງໜ້າຈາກບັນ ດາກະຊວງ ແລະ ຂະແໜງການທີ່ກ່ຽວຂ້ອງຕ່າງໆເຂົ້າຮ່ວມ.

ທ່ານນາຍົກລັດຖະມົນຕີ ໄດ້ກ່າວເປີດກອງປະຊຸມວ່າ: ກອງປະຊຸມຄັ້ງນີ້ໄດ້ພ້ອມກັນສະຫລຸບຕີລາຄາຄວາມຄືບໜ້າ ແລະ ສິ່ງທ້າທາຍຕ່າງໆ ໃນການຈັດຕັ້ງປະຕິບັດ​ເປົ້າໝາຍ​ພັດທະນາ​ແບບ​ຍືນ​ຍົງ​ດັ່ງກ່າວຕະຫລອດໄລຍະ 3 ປີທີ່ຜ່ານມາ (2017-2020) ໂດຍສະເພາະໃນທ່າມກາງທີ່ສະພາບການຂອງໂລກມີຄວາມສັບສົນ ແລະ ມີສິ່ງທ້າທາຍຕ່າງໆ ເປັນຕົ້ນແມ່ນການລະບາດຂອງພະຍາດໂຄວິດ-19 ​ໄດ້​ສົ່ງຜົນກະທົບອັນໃຫຍ່ຫລວງຕໍ່ເສດຖະກິດ-ສັງຄົມຂອງປະເທດຕ່າງໆ ໂດຍສະເພາະປະເທດກຳລັງພັດທະນາ. ສະນັ້ນ ກອງປະຊຸມຄັ້ງນີ້ຈຶ່ງມີຄວາມສໍາຄັນຍິ່ງ ເພື່ອຮ່ວມກັນຖອດຖອນບົດຮຽນ, ປະສົບການຕ່າງໆ ພ້ອມຍົກໃຫ້ເຫັນບັນດາສິ່ງທ້າທາຍ ​ເພື່ອ​ຈະ​ໄດ້​ຮ່ວມ​ກັນແກ້ໄຂເພື່ອໃຫ້ບັນລຸ​ເປົ້າໝາຍ​ດັ່ງກ່າວ ຕາມຄໍາຂວັນທີ່ວ່າ “ພວກເຮົາພ້ອມກັນກ້າວໄປ”.

​      ໃນກອງປະຊຸມຍັງໄດ້ຮັບຮອງເອົາແຜນປະຕິບັດງານແຫ່ງຊາດ ເພື່ອການພັດທະນາແບບຍືນຍົງ ຊຶ່ງປະກອບມີ ແຜນດໍາເນີນງານການສື່ສານ, ໂຄສະນາ ແລະ ເຜີຍແຜ່​ເປົ້າໝາຍ​ພັດທະນາ​​ແບບ​ຍືນ​ຍົງ ແລະ ຮັບຮອງເອົາການກະກຽມໃຫ້ແກ່ຮ່າງບົດລາຍງານແຫ່ງຊາດແບບສະໝັກໃຈ ສະບັບທີ 2 ຂອງ ສປປ ລາວ ໃນປີ 2021.

ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ - Wave100S AD to Website 2020 0 - ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ

ທ່ານນາຍົກລັດຖະມົນຕີ ໄດ້ຢ້ຳເຖິງຄວາມສຳຄັນຂອງການຈັດຕັ້ງປະຕິບັດ​ເປົ້າໝາຍ​ພັດທະນາ​ແບບ​ຍືນ​ຍົງຢູ່ ສປປ ລາວ ເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ ສະບັບທີ IX ທີ່ກຳລັງຢູ່ໃນຂັ້ນຕອນການກະກຽມຮ່າງ, ພ້ອມທັງສືບຕໍ່ສຸມໃສ່ແກ້ໄຂສິ່ງທ້າທາຍຕ່າງໆ ທີ່ເປັນອຸປະສັກເພື່ອບັນລຸບັນດາວຽກງານຂອງເປົ້າໝາຍດັ່ງກ່າວ ແລະ ນໍາເອົາ ສປປ ລາວ ໃຫ້ຫລຸດພົ້ນອອກຈາກສະຖານະພາບປະເທດດ້ອຍພັດທະນາ (LDCs) ໃນອະນາຄົດ.

ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ - WhatsApp Image 2020 05 27 at 5 - ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ
ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ - WhatsApp Image 2020 05 27 at 5 - ລາວທົບທວນເປົ້າໝາຍການພັດທະນາແບບຍືນຍົງ ຄົບຮອບ 3 ປີ
error: Alert: ເນື້ອຫາຂ່າວມີລິຂະສິດ !!