ວຽກງານອະ​ນຸ​ລັກກິນ​ໄດ້!!

ວຽກງານອະ​ນຸ​ລັກກິນ​ໄດ້!! - 666 7 - ວຽກງານອະ​ນຸ​ລັກກິນ​ໄດ້!!
ວຽກງານອະ​ນຸ​ລັກກິນ​ໄດ້!! - Untitled design - ວຽກງານອະ​ນຸ​ລັກກິນ​ໄດ້!!

ໂດຍ: ມຶກບໍ່ແຫ້ງ

ວຽກ​ງານ​ອະ​ນຸ​ລັກໂດຍ​ສະ​ເພາະແມ່ນ​ຊັບ​ພະ​ຍາ​ກອນ​ທຳ​ມະ​ຊາດຮວມ​ທັງ​ ປ່າ​ໄມ້ ແລະສັດ​ປ່າ​ຂອງ​ພວກ​ເຮົາ​ນັ້ນແມ່ນ​ບູ​ລິ​ມະ​ສິດ​ໜຶ່ງ​ຂອງ​ລັດ​ຖະ​ບານແຕ່ຫຼາຍ​ຄົນ​ສົງ​ໄສວ່າວຽກ​ງານ​ອະ​ນຸ​ລັກຈະ​ສາ​ມາດ​ສ້າງ​ຄວາມ​ຢູ່​ດີ​ກິນ​ດີ​ຕໍ່​ປະ​ຊາ​ຊົນ​ແນວ​ໃດ​?

ໃນ​ວັນ​ທີ 13 ກໍ​ລະ​ກົດທີ່​ຜ່ານ​ມາທີ່​ເປັນວັນ​ສັດ​ນ້ຳ-ສັດ​ປ່າແຫ່ງ​ຊາດແລະທັງ​ເປັນ​ວັນ​ຄ້າຍ​ວັນເກີດທ່ານສຸ​ພານຸ​ວົງ​ ຜູ້​ນຳ​ທີ່​ເຄົາ​ລົບ​ຮັກ​ພວກ​ເຮົາໄດ້​ມີ​ເຫດ​ການ​ເດັ່ນ​ໜຶ່ງ​ຂຶ້ນຢູ່​ແຂວງ​ສະ​ຫວັນ​ນະ​ເຂດນັ້ນ​ກໍ​ຄືການ​ປະ​ກາດເຂດ​ອະ​ນຸ​ລັກປ່າ​ໂຄກໂອ່ງ​ມັ່ງ​ ແຫ່ງ​ຊາດ.

ປ່າ​ໂຄກ​ແມ່ນ​ມີ​ຄວາມ​ສຳ​ຄັນຫຼາຍ​ທາງ​ດ້ານ​ລະ​ບົບ​ນິ​ເວດ! ຖ້າ​ດິນ​ເປັນ​ໂຄກນັ້ນ​ສະ​ແດງ​​ວ່າມີ​ນ້ຳ​ໜ້ອຍໂດຍ​ສະ​ເພາະໃນ​ຍາມ​ແລ້ງ, ພ້ອມນັ້ນດິນ​ກໍ​ບໍ່​ໄດ້​ມີ​ທາດ​ບຳ​ລຸງຫຼາຍເພາະ​ເປັນ​ດິນ​ຊາຍບໍ່​ສາ​ມາດຮອບ​ອູ້ມທາດ​ບຳ​ລຸງ​ຕ່າງໆ​ໄວ້​ໄດ້​ດີເພາະ​ສະ​ນັນຖ້າບໍ່​ມີຕົ້ນໄມ້ ຫຼືປ່ານັ້ນ​ແລ້ວດິນ​ເຂດ​ບໍ​ລິ​ເວນ​ປ່າ​ໂຄກກໍ​ອາດ​ມີ​ຄວາມສ່ຽງ​ທີ່​ຈະ​ກາຍ​ເປັນ​ທະ​ເລ​ຊາຍ, ລະ​ບົບ​ນິ​ເວດ​ຊຸດ​ໂຊມ​ໄວ​ທີ່​ສຸດ.

ປ່າ​ໄມ້ ສາ​ມາດ​ຄົງ​ຄວາມ​ອຸ​ດົມ​ສົມ​ບູນຂອງ​ດິນພ້ອມ​ເປັນ​ທີ່​ຢູ່​ອາ​ໄສຂອງ​ສັດ​ນາໆ​ຊະ​ນິດ, ພິ​ເສດ​ເຂດ​ອະ​ນຸ​ລັກປ່າ​ໂຄກນີ້ ຍັງ​ມີໂອ່ງ-ມັ່ງ​ ທີ່​ເປັນ​ສັດຫາ​ຍາກ, ສະ​ເພາະ​ໃນ​ປະ​ເທດ​ເຮົາແມ່ນ​ມີ​ແຕ່ ແຂວງ​ສະ​ຫວັນ​ນະ​ເຂດເທົ່າ​ນັ້ນແລະໃນ​ຂົງ​ເຂດນີ້ ແມ່ນ​ມີ​ແຕ່ ຢູ່​ລາວແລະກຳ​ປູ​ເຈຍ​ເທົ່າ​ນັ້ນ.

ໂອ່ງ-ມັ່ງ​ແມ່ນ​ອາ​ໄສຢູ່​ປ່າ​ໂຄກເພາະ​ປ່າ​ໂຄກເປັນ​ປ່າ​ໂລ່ງແລະທາງພື້ນ​ດິນ​ກໍ​ເຕັມ​ໄປ​ດ້ວຍພືດ​ພັນ​ທັນ​ຍາ​ຫານທີ່​ເປັນ​ອາ​ຫານ​ແກ່ ໂອ່ງ-ມັ່ງ​​ມາ​ຮອດ​ປັດ​ຈຸ​ບັນຍ້ອນ​​ລັດ​ຖະ​ບານ​ໄດ້ ຮ່ວມ​ມື​ກັບອົງ​ການ​ຈັດຕັ້ງ​ສາ​ກົນຕ່າງໆ ໃນ​ການ​ອະ​ນຸ​ລັກຈຶ່ງ​ເຮັດ​ໃຫ້​ປະ​ຊາ​ກອນໂອ່ງ​ມັ່ງ​ ມີປະ​ມານ 170 ຕົວ​ໃນ​ປັດ​ຈຸ​ບັນທີ່​ແຕ່​ກ່ອນມີບໍ່​ຮອດ 10. ​

ນອກ​ຈາກ​ໂອ່ງ​-ມັ່ງ​ແລ້ວ, ໃນ​ລະ​ບົບ​ນິ​ເວດ​ປ່າ​ໂຄກຍັງ​ມີສັດ​ປ່າ​ນາໆ​ຊະ​ນິດເຊັ່ນນົກ, ສັດ​ເລືອ​ຄານ, ສັດ​ລ້ຽງ​ລູກ​ດ້ວຍ​ນ້ຳ​ນົມ​ປະ​ເພດ​ຕ່າງໆ.

ວຽກງານອະ​ນຸ​ລັກກິນ​ໄດ້!! - Wave100S AD to Website 2020 0 - ວຽກງານອະ​ນຸ​ລັກກິນ​ໄດ້!!

ເພາະ​ສະ​ນັ້ນ, ລັດ​ຖະ​ບານ​ຈຶ່ງ​ໄດ້​ປະ​ກາດເຂດ​ອະ​ນຸ​ລັກ​ປ່າ​ໂຄກໂອ່ງ-ມັ່ງ​​ໃນ​ເນື້ອ​ທີ່ 130,000 ເຮັກ​ຕາເພື່ອ​ເປັນການ​ສ້າງ​ລະ​ບົບການ​ອະ​ນຸ​ລັກແລະປົກ​ປັກ​ຮັກ​ສາຄວາມ​ອຸ​ດົມ​ສົມ​ບູນ​ໄວ້​ຕະຫຼອດ​ໄປສອດ​ຄ່ອງກັບທິດ​ທາງ​ການ​ພັດ​ທະ​ນາຍືນ​ຍົງ​ ສີ​ຂຽວ​ຂອງ​ລັດ​ຖະ​ບານ.

ປະ​ຊາ​ຊົນ​ໄດ້​ຫຍັງໃນການ​ອະ​ນຸ​ລັກ? ແນ່ນອນຫຼາຍ​ໂຄງ​ການທີ່​ເຂົ້າ​ໄປ​ສ້າງ​ໃຫ​ເປັນ​ເຂດ​ອະ​ນຸ​ລັກ​ນັ້ນພວກ​ເພິ່ນ​​ຈະ​ມີ ງົບ​ປະ​ມານ​ຈະ​ນວນ​ໜຶ່ງ​ເພື່ອ​ສົ່ງ​ເສີມ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນຕົວ​ຢ່າງໂຄງ​ການອະ​ນຸ​ລັກໂອ່ງ-ມັ່ງນີ້ ເພິ່ນ​ກໍ​ໄດ້ ສົ່ງ​ເສີມ​ໃຫ້ ປະ​ຊາ​ຊົນລ້ຽງ​ສັດ, ຕ່ຳ​ຫູກ, ຜະ​ລິດ​ກະ​ສິ​ກຳແລະອື່ນໆ ອັນ​ນີ້ ກໍ​ຖື​ວ່າຊ່ວຍ​ໃຫ້​ປະ​ຊາ​ຊົນສາ​ມາດ​ມີ​ລາຍ​ໄດ້​ຕື່ມ.

ພ້ອມນັ້ນ, ເຂດ​ອະ​ນຸ​ລັກແລະສະ​ຫງວນ​ຂອງລາວ​ເຮົາເພິ່ນ​ໄດ້​ໃຫ້​ທິດ​ທາງວ່າຈະ​ເຮັດ​ແນວ​ໃດໃຫ້ ການ​ຫງວນຫຼືອະ​ນຸ​ລັກຄ່ຽງ​ຄູ່​ກັບການ​ດຳ​ລົງ​ຊີ​ວິດຂອງ​ປະ​ຊາ​ຊົນມີ​ຄວາມ​ຍືນ​ຍົງ. ໃນ​ເຂດ ​ປ່າ​ໂຄກ ​ເມືອງຊົນ​ນະ​ບູ​ລີແຂວງ​ສະ​ຫວັນ​ນະ​ເຂດນີ້ ເປັນ​ບ່ອນຜະ​ລິດ​ເຫັດໂດຍ​ທຳ​ມະ​ຊາດທີ່​ໃຫຍ່​ທີ່​ສຸດແຕ່​ລະ​ປີປະ​ຊາ​ຊົນສາ​ມາດເກັບ​ເຫັດ​ຂາຍ​ໄດ້ຫຼາຍ​ພັນ​ກິ​ໂລ, ປະ​ໂຄກເປັນ​ບ່ອນຜະ​ລິດອື່ງທີ່ຫຼາຍ​ທີ່​ສຸດປະ​ຊາ​ຊົນໃນ​ເຂດນີ້​ເວົ້າ​ວ່າໄປ​ເທື່ອ​ໃດໄດ້​ເທື່ອນັ້ນເອົາ​ເປັນ​ເປົາ​ກໍ​ຍັງ​ໄດ້! ນອກ​ຈາກ​ກິນຍັງ​ສົ່ງ​ຂາຍ​ໄດ້​ອີກ.

ອັນ​ນີ້ ຖ້າ​ພວກ​ເຮົາຮັກ​ສາ​ຄວາມ​ອຸ​ດົມ​ສົມ​ບູນ​ຂອງ​ທຳ​ມະ​ຊາດ, ຊັບ​ພະ​ຍາ​ກອນ​ພວກ​ເຮົາ​ໄດ້ຫຼາຍ​ເທົ່າທຳ​ມະ​ຊາດກໍ​ຈະ​ໃຫ້​ຊີ​ວິດ​ພວກ​ເຮົາສະ​ດວກ​ສະ​ບາຍ​ຂຶ້ນ​ເທົ່າ​ນັ້ນ, ອັນ​ນີ້ ຈຶ່ງວ່າວຽກ​ງານ​ອະ​ນຸ​ລັກ​ກິນ​ໄດ້!!

ວຽກງານອະ​ນຸ​ລັກກິນ​ໄດ້!! - WhatsApp Image 2020 05 27 at 5 - ວຽກງານອະ​ນຸ​ລັກກິນ​ໄດ້!!
ວຽກງານອະ​ນຸ​ລັກກິນ​ໄດ້!! - WhatsApp Image 2020 05 27 at 5 - ວຽກງານອະ​ນຸ​ລັກກິນ​ໄດ້!!
error: Alert: ເນື້ອຫາຂ່າວມີລິຂະສິດ !!