ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9

ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9 - 164 - ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9
ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9 - Untitled design - ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9

ແຂວງ​ບໍລິ​ຄຳ​ໄຊ ​ໃຫ້​ຮູ້​ວ່າ: ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນແຂວງບໍລິຄໍາໄຊ(ສພຂ) ຊຸດທີ I ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 16 ກໍລະກົດນີ້ ພາຍ​ໃຕ້ການເປັນປະທານຂອງ ທ່ານ ສຸວັນນີ ໄຊຊະນະ ຮອງເລຂາພັກແຂວງ, ປະທານສະພາປະຊາຊົນແຂວງບໍລິຄໍາໄຊ ​ໂດຍການ​ເຂົ້າ​ຮ່ວມ​ຂອງ ທ່ານນາງ ສີໄສ ລືເດດມູນສອນ ກໍາມະການສູນກາງພັກ, ຮອງປະທານສະພາແຫ່ງຊາດ.

ກອງປະຊຸມຄັ້ງນີ້ຈະດຳ​ເນີນ​​ເປັນ​ເວລາ 2 ວັນ ​ເພື່ອສຸມໃສ່ພິຈາລະນາ ​ແລະ ຮັບຮອງ​ເອົາ​ບາງບັນຫາສໍາຄັນທີ່ເປັນພື້ນຖານຂອງແຂວງ​ໃນ 6 ​ເດືອນ​ຕົ້ນປີ ​ແລະ ​ແຜນ 6 ​ເດືອນ​ທ້າຍ​ປີ​ຄື: ແຜນພັດທະນາເສດຖະກິດ- ສັງຄົມ ແລະ ແຜນງົບປະມານ, ການເຄື່ອນໄຫວຂອງສະພາປະຊາຊົນແຂວງ; ການລາຍງານຂອງທ່ານເຈົ້າແຂວງກ່ຽວກັບວິທີການ, ມາດຕະການປ້ອງກັນ, ສະກັດກັ້ນການແຜ່ລະບາດຂອງພະຍາດໂຄວິດ 19  ແລະ  ບາງນະໂຍບາຍພົ້ນເດັ່ນທີ່ເປັນການຊຸກຍູ້, ຊ່ວຍເຫລືອສັງຄົມໃນໄລຍະການຈັດຕັ້ງປະຕິບັດຄໍາສັ່ງເລກທີ 06/ນຍ; ພິຈາລະນາ ແລະ ຮັບຮອງເອົາການແຕ່ງຕັ້ງບຸກຄະລາກອນຂອງແຂວງ ຕາມການສະເໜີຂອງອົງການປົກຄອງແຂວງ;  ຂໍ້ຕົກລົງວ່າດ້ວຍການກໍານົດເຂດເພື່ອຄິດໄລ່ຄ່າເຊົ່າ ແລະ ສໍາປະທານເນື້ອທີ່ດິນຂອງລັດຄຸ້ມຄອງພາຍໃນແຂວງ; ຂໍ້ຕົກລົງວ່າດ້ວຍການຄຸ້ມຄອງຊີວະນາໆພັນບໍລິເວນອ່າງໂຕ່ງເຂື່ອນໄຟຟ້ານໍ້າງຽບ 1 ແລະ ຂໍ້ຕົກລົງທ່ານເຈົ້າແຂວງວ່າດ້ວຍການແບ່ງຂັ້ນຄຸ້ມຄອງລາຍຮັບ-ລາຍຈ່າຍງົບປະມານລະຫວ່າງບ້ານ, ເມືອງ ແລະ ແຂວງ.

ກອງປະຊຸມ ຍັງຈະໄດ້ຮັບຟັງການປະກອບຄໍາເຫັນ ໃນນາມຕາງໜ້າຂອງຄະນະປະຈໍາສະພາປະຊາຊົນແຂວງ ຕໍ່ກັບຈັດຕັ້ງປະຕິບັດແຜນພັດທະນາເສດຖະກິດ- ສັງຄົມ ແລະ ແຜນງົບປະມານປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ  ​ແລະ ​ໃນ​ວາ​ລະ​ຂອງ​ການ​ດຳ​ເນີນກອງ​ປະ​ຊຸມຄັ້ງ​ນີ້ ຍັງໄດ້ອອກອາກາດ ຖ່າຍທອດສົດຜ່ານທາງສະຖານີວິທະຍຸແຂວງໃນ​ລະ​ບົບ  FM 101.3 MHz ແລະ ທາງເຟ​ສ​ບຸກວິ​ທະ​ຍຸ​ແຂວງ​ບໍ​ລິ​ຄຳ​ໄຊ​ພ້ອມ​ທັງເປີດກວ້າງການປະກອບຄໍາຄິດ-ຄໍາເຫັນ, ຄໍາສະເໜີຂອງປະຊາຊົນບັນດາເຜົ່າຜ່ານໂທລະສັບສາຍດ່ວນ 054 156.

ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9 - Wave100S AD to Website 2020 0 - ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9
ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9 - WhatsApp Image 2020 05 27 at 5 - ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9
ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9 - WhatsApp Image 2020 05 27 at 5 - ສະພາແຂວງບໍລິຄຳໄຊ ດຳເນີນກອງປະຊຸມສະໄໝສາມັນເທື່ອທີ 9
error: Alert: ເນື້ອຫາຂ່າວມີລິຂະສິດ !!