ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ

ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ - 166 - ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ
ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ - AGL banner - ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ

ຕຳຫລວດ​ບັງ​ກະລາ​ເທດ​ຈັບ​ເຈົ້າຂອງ​ໂຮງໝໍ ອອກ​ຜົນ​ຮັບຮອງ​ໂຄ​ວິດ​ປອມ​ນັບ​ພັນ​ໃຫ້​ຜູ້​ທີ່​ຈະ​ໄປ​ຕ່າງປະ​ເທດ.

AFP ລາຍ​ງານ​ວ່າ: ຕຳຫລວດ​ບັງ​ກະລາ​ເທດ​ໄດ້​ຈັບ​ກຸມ​ທ້າວ Mohammad Shahed ​ເຈົ້າຂອງ​ໂຮງໝໍ​ເອກະ​ຊົນ​ແຫ່ງ​ໜຶ່ງ​ໃນ​ຂໍ້​ກ່າວ​ຫາ​ອອກ​ຜົນ​ທົດ​ສອບ​ໂຄ​ວິດ-19 ປອມ​ນັບ​ພັນ​ຄົນ​ໃຫ້​ຜູ້​ຕ້ອງການ​ເອກະສານ​ຮັບຮອງ​ເພື່ອ​ເດີນທາງ​ໄປ​ຕ່າງປະ​ເທດ.

ການ​ຈັບ​ກຸມ​ຄັ້ງນີ້​ມີ​ຂຶ້ນຫລັງ​ຕຳຫລວດ​ໃຊ້​ເວລາ​ໃນ​ການ​ສອບ​ສວນ​ມາ 9 ວັນ ຈົນກະທັ້ງສາມາດ​ຈັບ​ກຸມ​ທ້າວ Shahed ອາຍຸ 42 ປີ​ໄດ້ ​ໃນ​ຂະນະ​ທີ່​ລາວ​ເອົາ​ຜ້າຄຸມ​ຫົວ​ເພື່ອ​ພະຍາຍາມ​ປອມ​ເປັນ​ຜູ້ຍິງ​ຢູ່​ແຄມ​ແມ່ນ້ຳ ​ໂດຍ​ກຳລັງ​ພະຍາ​ຍາມ​ຫລົບ​ໜີ​ໄປ​ອິນ​ເດຍ.

ພັນ​ເອກ Ashique Billah ​ໂຄສົກ​ໜ່ວຍ​ເຄື່ອນ​ທີ່​ໄວ​ຂອງ​ບັງ​ກະລາ​ເທດ ກ່າວ​ວ່າ: “ລາວ​ຖືກ​ຈັບ​ກຸມ​ຢູ່​ໃກ້​ຊາຍ​ແດນ​ອິນ​ເດຍ​ໃນ​ສະພາບ​ທີ່​ໃສ່​ຜ້າຄຸມ​ຫົວ​ເພື່ອ​ປ້ອມ​ເປັນ​ຜູ້ຍິງ… ​ໂຮງໝໍ​ຂອງ​ລາວ​ໄດ້​ມີ​ການກວດ​ເຊື້ອ​ໂຄ​ວິດ​ແລ້ວ 10.500 ຄັ້ງ ​ເຊິ່ງຈຳນວນ​ນີ້​ມີ​ພຽງ 4.200 ຄົນ​ຜົນ​ກວດ​ຖືກຕ້ອງ, ສ່ວນ​ທີ່​ເຫລືອ 6.300 ກວ່າ​ຄົນ​ນັ້ນ​ເປັນ​ການກວດ​ປອມ ​ໂດຍ​ຖືກ​ລະບຸ​ວ່າ​ມີ​ຜົນ​ກວດ​ເຊື້ອ​ເປັນ​ລົບ ທັງໆ​ທີ່​ບໍ່​ໄດ້​ເຂົ້າຮັບ​ການ​ທົດ​ສອບ​ເຊື້ອ​ແທ້.

ສຳລັບ​ທ້າວ Shahid ​ເປັນ​ໜຶ່ງ​ໃນ​ຜູ້​ຕ້ອງ​ຫາ​ອີກ 12 ຄົນ​ທີ່​ຕຳຫລວດ​ບັງ​ກະລາ​ເທດ​ຈັບ​ກຸມ​ໃນ​ຄະດີ​ດັ່ງກ່າວ ​ເຊິ່ງນອກຈາກ​ຄະດີ​ການ​ປອມ​ຜົນ​ກວດ​ໂຄ​ວິດ​ແລ້ວ, ທ້າວ Shahed ກັບ​ພັກ​ພວກ ​ເຊິ່ງລວມທັງ​ພັນ​ລະ​ຍາ​ຂອງ​ລາວ ​ແລະ ​ແພດ​ຄົນ​ອື່ນໆ ຍັງ​ຖືກຕັ້ງຂໍ້​ຫາ​ໃນ​ຄວາມ​ຜິດ​ເກັບ​ເງິນ​ຄ່າ​ໃບຮັບ​ຮອງ​ໂຄ​ວິດ ​ແລະ ຄ່າ​ປິ່ນປົວ​ໂຄ​ວິດ ທັງ​ທີ່​ໂຮງໝໍ​ຂອງ​ລາວ​ມີ​ສັນຍາ​ກັບ​ລັດ​ວ່າ​ຈະ​ປິ່ນປົວ​ຜູ້​ຕິດ​ເຊື້ອ​ໂຄ​ວິດ-19 ຟຣີ.

​ໃນ​ອາທິດ​ກ່ອນ, ອິຕາ​ລີ​ໄດ້​ສັ່ງ​ໂຈະ​ຖ້ຽວ​ບິນ​ທີ່​ເດີນທາງ​ມາ​ຈາກ​ບັງ​ກະລາ​ເທດທຸກ​ຖ້ຽວ​ບິນ ຫລັງ​ຈາກ​ພົບ​ວ່າ​ຜູ້​ໂດຍສານ​ຫລາຍ​ຄົນ​ມີ​ຜົນ​ກວດ​ເຊື້​ອ​ເປັນ​ບວກ ​ແຕ່​ພັດ​ຖື​ເອກະສານ​ຮັບຮອງ​ກວດ​ເຊື້ອທີ່​ອອກ​ໂດຍ​ໂຮງໝໍ​ຢູ່​ບັງ​ກະລາ​ເທດ​ຢືນຢັນ​ຜົນ​ເປັນ​ລົບ.

ການ​ຈັບ​ກຸມ​ນີ້​ອາດ​ສົ່ງ​ຜົນ​ຮ້າຍ​ແຮງ​ຕໍ່​ແຮງ​ງານ​ຂ້າມ​ປະ​ເທດ​ຊາວ​ບັງ​ກະລາ​ເທດ​ຫລາຍ​ຄົນ​ທີ່​ຕ້ອງການ​ເດີນທາງ​ໄປ​ເຮັດ​ວຽກ​ຢູ່​ຕ່າງ​ແດນ ​ເພາະ​ແຮງ​ງານ​ເຫລົ່າ​ນີ້​ຈະ​ສົ່ງ​ເງິນ​ກັບ​ເຂົ້າປະ​ເທດ ​ເຊິ່ງມີ​ຄວາມ​ສຳຄັນ​ຕໍ່​ເສດຖະກິດ​ຂອງ​ປະ​ເທດ.

ສຳລັບ​ບັງ​ກະລາ​ເທດ​ມີ​ຜູ້​ຕິດ​ເຊື້ອ​ໂຄ​ວິດ​ສະ​ສົມ 193.000 ຄົນ, ​ເສຍ​ຊີວິດ​ສະ​ສົມ 2.457 ຄົນ.

ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ -    AD conten website - ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ
ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ - lattana banner - ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ
ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ - lattana banner 1 - ບັງກະລາເທດຈັບເຈົ້າຂອງໂຮງໝໍ ປອມຜົນກວດໂຄວິດ
error: Alert: ເນື້ອຫາຂ່າວມີລິຂະສິດ !!