ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ

ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ - 666 10 - ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ
ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ - Untitled design - ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ

        6 ຂໍ້ດີຂອງການເປັນຄົນໃຈນິ້ງ ທີ່ຈະຊ່ວຍໃຫ້ທ່ານຊີວິດຂອງທ່ານປ່ຽນໄປໃນທາງທີ່ດີຂຶ້ນໄດ້, ຍິ່ງເປັນຜູ້ໃຫຍ່ຍິ່ງຕ້ອງຢູ່ງຽບໆດີທີ່ສຸດ, ເວົ້າໄປກໍບໍ່ມີຫຍັງດີຂຶ້ນ, ບາງເລື່ອງໃຫ້ເຮັດເປັນນິ້ງໆ ຢູ່ຊື່ໆດີກ່ວາ, ຢ່າສະແດງຄວາມຮູ້ສຶກຫຍັງອອກໄປເລີຍ, ຈົ່ງມີຄວາມສຸກໃຫ້ຫລາຍ ເພາະການສະແດງອອກເວລາບໍ່ພໍໃຈມັນບໍ່ແມ່ນທາງອອກທີ່ດີສະເໝີໄປ, ຢ່າເອົາຄວາມໃຈຮ້າຍຕອນນັ້ນໄປແລກປ່ຽນກັບຄວາມຮູ້ສຶກດີໆທີ່ເຂົາມີໃຫ້, ຈະເຮັດຫຍັງ, ເວົ້າຫຍັງ ຕ້ອງໃຊ້ສະຕິໃຫ້ຫລາຍ.

  1. ເກັບຄວາມຮູ້ສຶກໄດ້ເກັ່ງ : ຄົນນິ້ງໆຖືວ່າຈັດການກັບອາລົມຂອງຕົນເອງໄດ້ດີ,​ ພວກເຂົາຈະມີຫົນທາງດີໆກຽມໄວ້ເອົາຄືນໄດ້ດີກ່ວາການດ່າ ຫລື ໃຊ້ຄວາມຮຸນແຮງ, ໃຜເປັນສັດຕູນຳກໍຮັບມືໄດ້ລຳບາກແນ່ ເພາະຄົນນິ້ງໆແບບນີ້ອ່ານຄວາມຮູ້ສຶກຍາກແທ້ໆ, ເປັນຕາຢ້ານກ່ວາຄົນທີ່ໂວຍວາຍອາລະວາດ ຫລື ມັກຮ້ອງໂຮ.
  2. ບໍ່ຕ້ອງວຸ່ນວາຍກັບໃຜ : ຄົນອື່ນເຫັນກໍຮູ້ສຶກວ່າເປັນຄົນນິ້ງໆບໍ່ໜ້າສົນໃຈ ຈຶ່ງບໍ່ຄ່ອຍຕົກເປັນເປົ້າສຳຫລັບການນິນທາ ເພາະເບິ່ງເປັນຄົນນິ້ງໆ, ເບິ່ງໜ້າເກງຂາມ, ເສືອເຊື່ອງເລັບ ຫລື ຈະເອີ້ນແນວໃດກໍໄດ້, ແຕ່ສິ່ງທີ່ແນ່ນອນທ່ານນັ້ນຈະບໍ່ຕ້ອງໄປວຸ້ນວາຍກັບໃຜໃຫ້ເມື່ອຍໃຈເລີຍແທ້ໆ.
  3. ຊີວິດບໍ່ຕ້ອງສ່ຽງກັບເລື່ອງບໍ່ເປັນເລື່ອງ ຫລື ເລື່ອງໄຮ້ສາລະ : ເພາະການເປັນຄົນທີ່ເວົ້າຫລາຍ, ເປີດເຜີຍຄວາມໃນໃຈຫລາຍເກີນໄປ ຄົນອື່ນກໍຈະຮັບຮູ້ເລື່ອງຂອງເຮົາຫລາຍໄປນຳ, ມີຫຍັງກໍເອົາມາໂພສລົງເຟສບຸກ, ລົງໃນໂລກອອນລາຍ ໂດຍສະເພາະດ້ານລົບໆ ມັນລະບາຍອາລົມໄດ້ດີກໍແມ່ນ ແຕ່ມັນກໍຈະນຳພາຄວາມຮູ້ສຶກບໍ່ດີທີ່ມີຄົນເຂົ້າມາອ່ານນຳຄືກັນ ເຊິ່ງອາດເກີດປະເດັນກັບຄົນອື່ນໆໄດ້ງ່າຍ. ສະນັ້ນແລ້ວ ການເປັນຄົນມິດງຽບ, ບໍ່ສະແດງອອກຫຍັງ ກໍຈະຫລີກເວັ້ນບັນຫາທີ່ຈະມີກັບຄົນອື່ນໆໄດ້ໃນລະດັບໜຶ່ງ.
  4. ປົກຄອງສະຕິຕົນເອງໄດ້ດີ : ເມື່ອເປັນຄົນນິ້ງໆ ພວກເຂົາຈະຢຸດຄິດເລື່ອງຕ່າງໆໄດ້ຢ່າງຮອບຄອບກ່ອນທີ່ຈະເຮັດຫຍັງໄປສະເໝີ. ການຄວບຄຸມຕົນເອງໄດ້ແມ່ນແຕ່ໃນຍາມໃຈຮ້າຍ ເປັນຂໍ້ດີຫລາຍ, ຫາກໃຈຮ້ອນຂາດສະຕິ ອາດເຜີເຮັດຫຍັງທີ່ບໍ່ຄວນລົງໄປ ກາຍເປັນການເຂົ້າໃຈຜິດ ນຳມາເຊິ່ງບັນຫາຕ່າງໆຫລວງຫລາຍ.
  5. ຄົນອື່ນເກງໃຈ ບໍ່ກ້າຫຍຸ້ງ : ຈາກການທີ່ເປັນຄົນນິ້ງໆ ຈຶ່ງຍາກຈະຄາດເດົາ ເຮັດໃຫ້ເບິ່ງເປັນຄົນໃຈເຢັນ, ສຸຂຸມ, ເປັນຜູ້ໃຫຍ່ກ່ວາໃຜໆ ຄົນສ່ວນຫລາຍຈຶ່ງບໍ່ຂໍໄປຫຍຸ້ງຈະດີກ່ວາ ເຊິ່ງນີ້ກໍແມ່ນປະໂຫຍດຂອງການເປັນຄົນໃຈນິ້ງ, ເບິ່ງເປັນຜູ້ໃຫຍ່, ມີຄວາມເປັນຜູ້ນຳ ພ້ອມຮັບກັບທຸກສະຖານະການໄດ້ເໝາະສົມກ່ວາກັນຫລາຍ.
  6. ຄົນອື່ນຄາດເດົາບໍ່ໄດ້ : ການຄາດເດົາໄດ້ຍາກ ເຮັດໃຫ້ຄົນອື່ນເບິ່ງເຮົາໄປອີກແບບ ກ່ອນທີ່ເຂົາຈະເຮັດຫຍັງກໍຈະຄິດຫລາຍ, ມີຄວາມເກງໃຈເຮົາຢູ່. ສະນັ້ນ ຕ້ອງນິ້ງໆໄວ້ກ່ອນ ເຮັດໃຫ້ມີຄວາມເກງໃຈເຊິ່ງກັນ ແລະ ກັນ.
ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ - Wave100S AD to Website 2020 0 - ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ
ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ - WhatsApp Image 2020 05 27 at 5 - ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ
ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ - WhatsApp Image 2020 05 27 at 5 - ຝຶກເປັນຄົນໃຈນິ້ງ ແລ້ວຊີວິດຈະປ່ຽນໄປ
error: Alert: ເນື້ອຫາຂ່າວມີລິຂະສິດ !!