ລະບົບສາທາລະນະສຸກ: ກັນໄວ້ດີກວ່າແກ້-ແບບຢ່າງຈາກກູບາ

- advert banner 728 90 728x90 - ລະບົບສາທາລະນະສຸກ: ກັນໄວ້ດີກວ່າແກ້-ແບບຢ່າງຈາກກູບາ

ໂດຍ : ມຶກບໍ່ແຫ້ງ

- new3 - ລະບົບສາທາລະນະສຸກ: ກັນໄວ້ດີກວ່າແກ້-ແບບຢ່າງຈາກກູບາ

“ບໍ່ມີໂຣກເປັນລາບອັນປະເສີດ” ຄຳເວົ້າຂອງຜູ້ເຖົ້າຜູ້ແກ່ພວກເຮົາແມ່ນຖືກຕ້ອງປານກຳປັ້ນທຸບ ດິນ ແຕ່ການ ຈະບໍ່ມີໂຣກນັ້ນ ການປ້ອງກັນໄວ້ແມ່ນວິທີທາງທີ່ຖືກກວ່າ ແຕ່ເຖິງປານນັ້ນພວກເຮົາ ພັດໃສ່ໃຈກັບການ ປິ່ນປົວຫຼາຍກວ່າການປ້ອງກັນ, ດັ່ງນັ້ນພວກເຮົາຈະເລືອກເອົາ ອັນໃດຈຶ່ງຈະກຸ້ມຄ່າກວ່າກັນ? ໃນບົດນີ້ຜູ້ຂຽນຂໍນຳເອົາບົດຮຽນອັນໜຶ່ງທີ່ ຊອກເບິ່ງໄດ້ ຍາກຈາກປະເທດທີ່ຂຶ້ນຊື່ວ່າ “ກຳລັງພັດທະນາ” ແຕ່ກູບາພັດສາມາດເຮັດໃຫ້ທັງໂລກຕ້ອງຕົກ ຕະລຶງໃນຄຸນນະພາບຂອງລະບົບສາທາລະນະສຸກ ກໍຄືຄົນພາຍໃນຊາດທີ່ມີສຸຂະພາບດີ ມີອາຍຸຍືນຍາວ (ສະເລ່ຍ 78 ປີ) ປານຄົນໃນປະເທດທີ່ຮັ່ງມີທັງຫຼາຍ ແລະບົດຮຽນອັນນີ້ກໍຄື “ການລົງທຶນໃສ່ການປ້ອງກັນ” ນັ້ນເອງ.

ທ່ານຜູ້ອ່ານລອງຈິນຕະນາການເບິ່ງວ່າມື້ໜຶ່ງ ມີຄົນມາເຄາະປະຕູເຮືອນແລ້ວຮອບເອົາອຸປະກອນ ພ້ອມທັງທັກສະຊັ້ນຍອດມາກວດສຸຂະພາບຂອງສະມາຊິກໃນຄອບຄົວທ່ານໝົດທຸກຄົນໂດຍບໍ່ເສຍຄ່າ, ເຂົາເຈົ້າ ຈະກວດເບິ່ງວ່າ ຄວາມດັນເລືອດທ່ານສໍ່າໃດ, ກວດເບິ່ງສຸຂະພາບຫົວໃຈ ແລະຖາມ ກ່ຽວກັບວຽກງານ ແລະແບບແຜນການດຳລົງຊີວິດຂອງທ່ານເພື່ອປະເມີນສຸຂະພາບ ຂອງຄົນໃນຄອບຄົວທ່ານເປັນແຕ່ລະໄລຍະ! ສິ່ງດັ່ງກ່າວນີ້ແມ່ນເກີດຂຶ້ນຢູ່ປະເທດ ກູບາ ເຊິ່ງເປັນປະເທດທີ່ບໍ່ໃຫຍ່ ເປັນເກາະ ຕັ້ງຢູ່ທະເລກາລິບບຽນ (Caribbean sea) ເຊິ່ງຂຶ້ນກັບທະວີບອາເມລິກາໃຕ້ນັ້ນເອງ.

ການປິ່ນປົວສຸຂະພາບຢູ່ກູບານັ້ນຖືວ່າບໍ່ໄດ້ເສຍຄ່າ ແລະສາມາດເຂົ້າເຖິງການບໍລິການໄດ້ງ່າຍ ແລະສະດວກ, ຈັນຍາບັນຂອງແພດໝໍກໍເປັນຕາຍົກໂປ້ໃຫ້ ເຊິ່ງລັດຖະບານກູບາຖື ວ່າການເຂົ້າເຖິງ ການບໍລິການທາງດ້ານສຸຂະພາບທີ່ດີຂອງຄົນພາຍຊາດນັ້ນຖືວ່າ ແມ່ນສິດທິພື້ນຖານຂອງພົນລະເມືອງ ແລະ ແບບຢ່າງການເບິ່ງແຍງສຸຂະ ພາບທີ່ເນັ້ນການ ປ້ອງກັນນັ້ນຖືວ່າ ເລີ່ມແຕ່ການໃຫ້ບໍລິການຂັ້ນພື້ນຖານ ຖ້າຢູ່ ປະເທດເຮົາກໍເລີ່ມແຕ່ສາ ທາລະນະສຸກບ້ານໄປຈົນເຖິງຂັ້ນສູນກາງ ແລະຄຸນນະພາບການໃຫ້ບໍລິການຢູ່ເຂດ ຊົນນະບົດ ແລະຕົວເມືອງບໍ່ໄດ້ວ່າ ຈະແຕກຕ່າງກັນພໍເທົ່າໃດ ແລະແນ່ນອນ ແພດໝໍຢູ່ກູບານັ້ນກໍມີຫຼາຍແທ້ໆ. ເພື່ອໃຫ້ບໍລິການປະຊາກອນໃນປະເທດຈຳນວນ 11 ລ້ານກວ່າຄົນນັ້ນ ປະເທດດັ່ງກ່າວມີແພດ ໝໍເຖິງ 90,000 ຄົນ ນັ້ນກໍສະແດງວ່າແພດໝໍ 8 ຄົນ ຕໍ່ປະຊາກອນ 1,000 ເຊິ່ງຕົວເລກນີ້ ຕ້ອງເຮັດໃຫ້ປະເທດ ທີ່ຂຶ້ນຊື່ວ່າ “ພັດທະນາແລ້ວ”ນັ້ນລະອາຍ ດັ່ງສະຫະລັດ ອາເມລິກາ ມີແພດໝໍ 2,5 ຄົນຕໍ່ປະຊາກອນ 1,000 ຄົນ ແລະອັງກິດມີ 2.7 ຄົນຕໍ່ປະຊາກອນ 1.000 ຄົນ (ສະຖິຕິ ຈາກທະນາຄານໂລກ ປີ 2014).

- lattana 1 - ລະບົບສາທາລະນະສຸກ: ກັນໄວ້ດີກວ່າແກ້-ແບບຢ່າງຈາກກູບາ

ບັນດາແພດໝໍເຫຼົ່ານັ້ນຈະຢັ່ງຢາຍຢູ່ ຕາມ ບັນດາສຸກສາລາ ທີ່ຢູ່ບໍ່ໄກຈາກເຮືອນປະຊາຊົນ ແລະເຂົາເຈົ້າ ຕິດຕາມສຸຂະພາບ ແລະຄວາມເປັນຢູ່ທີ່ດີຂອງປະຊາຊົນ ກູບາທຸກໆຄົນເປັນປະຈຳ.

ດັ່ງ ນາງ ຕານຢາ ໂຣຊາ (Tanya Rosa) ແພດຜູ້ຊ່ຽວຊານ ທີ່ເບິ່ງແຍງສຸຂະພາບ ຂອງປະຊາຊົນຈຳນວນ 334 ຄອບຄົວ ໄດ້ໃຫ້ສຳພາດຕໍ່ສຳນັກຂ່າວ ບີບີຊີ (BBC) ຂອງອັງກິດ ໃນເດືອນທັນວາ 2015 ວ່າ: “ຂ້ອຍຮັກອາຊີບຂອງຕົນທີ່ເປັນແພດເບິ່ງແຍງສຸຂະ ພາບຂອງປະຊາຊົນ, ວຽກງານຂອງ ພວກເຮົາແມ່ນປ້ອງກັນ ບໍ່ໃຫ້ປະຊາຊົນເຈັບປ່ວຍ ເຊິ່ງເປັນສິ່ງທີ່ສວຍງາມໃນອາຊີບຂອງຂ້ອຍ, ປ້ອງກັນພະຍາດ, ປ້ອງກັນອຸບັດຕິເຫດ ແມ່ນວຽກທີ່ຂ້ອງມັກທີ່ສຸດ”.

ການກວດສຸຂະພາບເພື່ອປ້ອງກັນພະຍາດນັ້ນຖືວ່າແມ່ນສິ່ງທີ່ທຸກຄົນໃນກູບາ ຕ້ອງປະຕິບັດ ເພາະການກວດ ສຸຂະພາບເປັນປະຈຳເຮັດໃຫ້ແພດໝໍສາມາດຈັດລຳດັບຄວາມ ສ່ຽງເລື່ອງສຸຂະ ພາບຂອງ   ປະຊາຊົນໄດ້, ຖ້າຜູ້ໃດຫາກສຸຂະພາບດີກໍແລ້ວໄປ, ແຕ່ຜູ່ໃດຫາກພົບວ່າມີສັນຍານ ການເຕືອນທີ່ຈະເປັນພະຍາດ ເນື່ອງມາຈາກ ການດຶ່ມເຫຼົ້າຫຼາຍ, ສູບຢາຫຼາຍ ຜູ້ນັ້ນລະແພດໝໍຈະ ໄດ້ໄປຢາມເລື້ອຍໆ! ມັນກໍເປັນເລື່ອງທີ່ມີເຫດຜົນທີ່ວ່າ ເຮົາຮູ້ບັນຫາກ່ອນມັນຈະຮ້າຍແຮງ ເກີນທີ່ຈະສາມາດແກ້ໄຂໄດ້ ເປັນການລົງທຶນທີ່ຄຸ້ມຄ່າ ຈົນທ່ານ ນາງ ມາກາເຣັດ ຈານ (Magaret Chan) ຜູ້ອຳນວຍການໃຫຍ່ອົງການ ອະນາໄມໂລກໄດ້ອອກປາກວ່າ “ນີ້ລະແບບຢ່າງທີ່ດີ ທີ່ປະເທດໃນໂລກ ໂດຍສະເພາະປະເທດທີ່ກຳລັງພັດທະນາ ຄືພວກເຮົາ ຄວນເອົາເປັນແບບຢ່າງ”.

error: Content is protected !!