ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ

ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ - Time fo an Adventure 2020 07 17T150545 - ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ
ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ - Untitled design - ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ

ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ

ຄົບຮອບ 65 ປີ (20/07/1955 -20/07/2020)

ໃນວັນທີ 17 ກໍລະກົດ 2020 ຢູ່ຫ້ອງປະຊຸມສະພາແຫ່ງຊາດ (ຫລັກ6) ໄດ້ຈັດພິທີສະ ເຫລີມສະຫລອງວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ (20/07/1955 -20/07/2020) ໂດຍການເປັນປະທານຂອງ ສະຫາຍ ສົມພູ ດວງສະຫວັນ ຄະນະປະຈຳພັກ, ປະທານກວດ ກາພັກ ສພຊ, ຜູ້ຊີ້ນຳອົງການຈັດຕັ້ງມະຫາຊົນ, ສະຫາຍ ນາງ ທະວີໄສ ພະສະຖານ ຮອງປະທານຄະນະບໍລິຫານງານສະຫະພັນແມ່ຍິງສະພາແຫ່ງຊາດ, ມີບັນດາທ່ານສະມາຊິກສະຫະພັນແມ່ຍິງເຂົ້າຮ່ວມ.

ສະຫາຍ ນາງ ທະວີໄສ ພະສະຖານ ກ່າວວ່າ: ການຈັດພິທີສະເຫລີມສະຫລອງວັນປະຫວັດ ສາດດັ່ງກ່າວໃນມື້ນີ້, ແມ່ນມີຄວາມໝາຍສໍາຄັນເພື່ອສ້າງຈິດສໍານຶກ, ທົບທວນຄືນໃຫ້ເອື້ອຍນ້ອງແມ່ຍິງ ໄດ້ຮັບຮູ້, ເຂົ້າໃຈ ແລະ ເຫັນໄດ້ຄຸນງາມຄວາມດີຂອງແມ່ຍິງລາວ ທີ່ໄດ້ປະກອບສ່ວນເຂົ້າໃນພາລະ ກິດຕໍ່ສູ້ກູ້ຊາດ, ການປົກປັກຮັກສາ ແລະ ສ້າງສາພັດທະນາປະເທດຊາດຕະຫລອດມາ. ຜ່ານຂະບວນການເຄື່ອນໄຫວວຽກງານຂອງອົງການຈັດຕັ້ງ ສະຫະພັນແມ່ຍິງສະພາແຫ່ງຊາດ ຍາມໃດກໍຕິດແໜ້ນກັບພາລະກິດຂອງຊາດ, ຂອງພັກ, ປະຕິບັດໜ້າທີ່ການເປັນເສນາທິການໃຫ້ຄະນະພັກສະພາ ແຫ່ງຊາດ ແລະ ເປັນອົງການຕົວແທນປົກປ້ອງສິດ, ຜົນປະໂຫຍດອັນຊອບທຳຂອງ ແມ່ຍິງ ແລະ ເດັກ, ສຶກສາອົບຮົມ, ເຕົ້າໂຮມຄວາມສາມັກຄີ ແລະ ປຸກລະດົມ ເອື້ອຍນ້ອງແມ່ຍິງ ເຂົ້າຮ່ວມປະຕິບັດຕາມ ແນວທາງນະໂຍບາຍຂອງພັກ, ລັດຖະທຳມະນູນ, ກົດໝາຍ ແລະ ແຜນພັດທະນາແມ່ຍິງ ລາວ ໂດຍ ສະເພາະ ແມ່ນການຈັດຕັ້ງປະຕິບັດຂໍ້ແຂ່ງຂັນ 3 ດີ ຂອງ ສະຫະພັນແມ່ຍິງລາວ ຕິດພັນກັບຂະບວນການ ແຂ່ງຂັນຮັກຊາດ-ພັດທະນາ  ແລະ ການ ເຄື່ອນໄຫວວຽກງານຂອງສະພາແຫ່ງຊາດ ເຫັນວ່າໄດ້ຮັບຜົນສຳເລັດເປັນກ້າວໆ. ໃນນາມຄະນະພັກ, ຄະນະປະຈຳສະພາແຫ່ງຊາດ ແລະ ໃນນາມສ່ວນຕົວ ຂ້າພະເຈົ້າ ຂໍສະແດງ ຄວາມຍ້ອງຍໍຊົມເຊີຍ ຕໍ່ຜົນງານຂອງບັນດາ ສະຫາຍ ທີ່ຍາດມາໄດ້ ຢ່າງ ສຸດອົກສຸດໃຈ (ຂໍຊົມເຊີຍ).

ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ - Wave100S AD to Website 2020 0 - ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ

ສະຫາຍ ນາງ ທະວີໄສ ພະສະຖານ ກ່າວຕື່ມວ່າ: ຄຽງ ຄູ່ກັບຜົນງານທີ່ ຄະນະສະຫະພັນ ແມ່ຍິງສະພາແຫ່ງຊາດຍາດມາໄດ້ນັ້ນ ເມື່ອທຽບໃສ່ຄວາມຮຽກຮ້ອງຕ້ອງການ ຂອງໜ້າທີ່ການເມືອງ ໃນໄລຍະໃໝ່ແລ້ວ ເຫັນວ່າຍັງມີ ບາງຈຸດອ່ອນ ທີ່ເປັນຂໍ້ຄົງຄ້າງທີ່ຈະຕ້ອງເອົາໃຈໃສ່ແກ້ໄຂ. ສະນັ້ນ, ເພື່ອສູ້ຊົນ ໃຫ້ຄະນະສະຫະພັນແມ່ຍິງສະພາແຫ່ງຊາດ ສາມາດບັນລຸຄາດໝາຍ ໃນການເຄື່ອນໄຫວວຽກງານໃນຕໍ່ໜ້າ ຂ້າພະເຈົ້າ ຂໍມີບາງຄຳເຫັນເນັ້ນໜັກຕື່ມ ດັ່ງນີ້: 1) ສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ແກ່ສະມາຊິກສະຫະພັນແມ່ຍິງພາຍໃນສະພາແຫ່ງຊາດ; 2) ຄະນະສະຫະພັນ ແມ່ຍິງ ສະພາແຫ່ງຊາດຕ້ອງສືບຕໍ່ເອົາໃຈໃສ່ເຊື່ອມຊືມ, ກຳແໜ້ນເນື້ອໃນຄຳຂັວນ ແລະ ຂໍ້ແຂ່ງຂັນ 3 ດີ ຂອງ ສະຫະພັນແມ່ຍິງລາວ ວາງອອກ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາຂອງຄະນະພັກສະພາແຫ່ງຊາດວາງອອກ; 3) ຄະນະ ແລະ ສະມາຊິກສະຫະພັນແມ່ຍິງສະພາແຫ່ງຊາດ ຕ້ອງ ເອົາໃຈໃສ່ຄົ້ນຄວ້າຮ່ຳຮຽນ, ຝຶກຝົນຫລໍ່ຫລອມຕົນເອງໃຫ້ມີຄວາມຮູ້ຄວາມສາມາດ, ມີຫົວຄິດປະດິດສ້າງ, ກ້າຄິດ, ກ້າທຳບົນພື້ນຖານຄວາມຮັບຜິດຊອບສູງ ຕໍ່ໜ້າທີ່ການເມືອງຂອງຕົນ, ປະກອບສ່ວນເຂົ້າໃນການປະຕິບັດວຽກງານຂອງ ສະພາແຫ່ງຊາດໃນແຕ່ລະດ້ານ.

ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ - WhatsApp Image 2020 05 27 at 5 - ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ
ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ - WhatsApp Image 2020 05 27 at 5 - ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ  ຄົບຮອບ 65 ປີ
error: Alert: ເນື້ອຫາຂ່າວມີລິຂະສິດ !!