ເຂື່ອນ ສາມໂຄກ (Three Gorges Dam) ຈະຮັບມວນນໍ້າ ມະຫາສານໃນຄໍ່າຄືນນີ້ 17 ກໍລະກົດ

ອີງຕາມການລາຍງານຂອງສຳນັກຂ່າວ ຊິນຫົວ ໃຫ້ຮູ້ວ່າ: ຈີນໄດ້ປະເມີນສະຖານະການມວນນໍ້າຂອງແມ່ນໍ້າ ແຢງຊີກຽງ ໃນປີນີ້ແມ່ນຮ້າຍແຮງທີ່ສຸດ. ມາເຖິງຕອນເຊົ້າຂອງວັນທີ 16 ກໍລະກົດນີ້, ເຂື່ອນ ສາມໂຄກ ຈະຮັບມວນນໍ້າເຖິງ 31.000 m³/ວິນາທີ. ລະດັບນໍ້າໃນອ່າງຈະສູງຂຶ້ນເຖິງ 155,55 m, ໝາຍຄວາມວ່າກາຍຂີດອັນຕະລາຍ 9  m.

ເຂື່ອນ ສາມໂຄກ ເປັນເຂື່ອນທີ່ໃຫ່ຍທີ່ສຸດໃນໂລກ, ຊຶ່ງສ້າງຂຶ້ນຢູ່ໃນແມ່ນໍ້າ ແຢງຊີກຽງ ຊ່ວງໄຫຼຜ່ານ ມົນທົນ ຫູເປີຍ ຂອງຈີນ.

ໂທລະພາບຊ່ອງ CGTN ຂອງຈີນໃຫ້ຮູ້ວ່າ: ມວນນໍ້າລູກທີ 2 ຈະກໍ່ຕົວຂຶ້ນຢູ່ທີ່ຍອດນໍ້າ ແຢງຊີກຽງ ແລະ ຈະໄຫຼເຂົ້າເຂື່ອນ ສາມໂຄກ ໃນປະລີມານ 55.000 m³/ວິນາທີ ໃນຄໍ່າຄືນຂອງມື້ນີ້ 17 ກໍລະກົດ.

ເຈົ້າໜ້າທີ່ຂອງຈີນ ໃຫ້ຮູ້ວ່າ: ເຂື່ອນ ສາມໂຄກ ມີຄວາມສາມາດຮັບມວນໍ້າໄດ້ເຖິງ 39,3 km³  ແລະ ລະດັບນໍ້າໃນອ່າງຈະສູງຂຶ້ນເຖິງ 175 m ແລະ ຍັງໃຫ້ຮູ້ອີກວ່າຍອດແມ່ນໍ້າ ແຢງຊີຈຽງ ຈະມີນໍ້ານອງ ຈາກຝົນຕົກໜັກໄຫຼເຂົ້າໃນເຂື່ອນ ສາມໂຄກ.

ຂ່າວ: ລູກເມືອງພວນ