ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ

ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ - 177 - ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ
ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ - Untitled design - ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ

ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມນະຄອນຫລວງວຽງຈັນ ກຽມເປີດໂຄງການວຽຈັນສະອາດຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກຢ່າງເປັນທາງການ ໃນວັນທີ 13 ສິງຫານີ້, ແຕ່ພາຍຫລັງເປີດໂຄງການຢ່າງເປັນທາງການຈະໃຊ້ເວລາ 3 ເດືອນຈຶ່ງຈະລົງມືຈັດຕັ້ງປະຕິບັດຕົວຈິງ ໂດຍເບື້ອງຕົ້ນໄດ້ກໍານົດເອົາ 7 ຫ້າງຮ້ານໃຫຍ່ເຂົ້າຮ່ວມໂຄງການ.

ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມນະຄອນຫລວງວຽງຈັນ ໃຫ້ຮູ້ວ່າ: ຈຸດປະສົງຂອງໂຄງການນີ້ ເພື່ອປຸກລະດົມໃຫ້ຫົວໜ່ວຍທຸລະກິດ, ບໍລິສັດ, ຫ້າງຮ້ານຕ່າງໆ ໃນທົ່ວນະຄອນຫລວງວຽງຈັນມີສ່ວນຮ່ວມໃນການໂຄສະນາປູກຈິດສໍານຶກ ແລະ ຫລຸດຜ່ອນການນໍາໃຊ້ຖົງຢາງປາສຕິກ ທັງເປັນການໂຄສະນາ ແລະ ຊຸກຍູ້ໃຫ້ຊຸມຊົນ, ບຸກຄົນ ແລະ ນິຕິບຸກຄົນທີ່ດໍາລົງຊີວິດຢູ່ນະຄອນຫລວງວຽງຈັນຊ່ວຍກັນຫລຸດຜ່ອນນໍາໃຊ້ຖົງຢາງປາສຕິກ ໂດຍຫັນໄປໃຊ້ຖົງຜ້າ, ຖົງເຈ້ຍ ແລະ ຖົງປະເພດອື່ນໆ ທີ່ເຮັດດ້ວຍວັດຖຸທີ່ສາມາດຍ່ອຍໄດ້ງ່າຍ. ນອກຈາກນີ້ ຍັງເປັນການປະຕິບັດພັນທະລວມຂອງສາກົນ ແລະ ໃນພາກພື້ນກ່ຽວກັບການຫລຸດຜ່ອນການນໍາໃຊ້ຖົງຢາງປາສຕິກເພື່ອຊ່ວຍກັນຮັກສາສິ່ງແວດລ້ອມ-ຮັກສາໂລກ.

ສໍາລັບ 7 ຫ້າງຮ້ານໃຫຍ່ທີ່ຈະເຂົ້າຮ່ວມໂຄງການລວມມີ: ສູນການຄ້າບາຊາບີ, ສູນການຄ້າວິວມໍ, ສູນການຄ້າໄອເຕັກມໍ, ສູນການຄ້າພາກຊັນ, ຮ້ານເຈ-ມາກ, ຮ້ານມາໂກໂຕະ ແລະ ຮ້ານໂຊກທະວີ ມາກ. ສ່ວນຮູບແບບການຈັດຕັ້ງປະຕິບັດກິດຈະກໍາຂອງໂຄງການແມ່ນທັງ 7 ຫ້າງຮ້ານທີ່ເຂົ້າຮ່ວມໂຄງການຈະຢຸດສະໜອງຖົງຢາງປາສຕິກໃຫ້ລູກຄ້າ 1 ມື້ຕໍ່ອາທິດ ໂດຍກໍານົດເອົາມື້ວັນພຸດຂອງແຕ່ລະອາທິດ ເຊິ່ງທາງຮ້ານຈະໃຊ້ຖົງເຈ້ຍ ຫລື ຖົງຊະນິດອື່ນໃສ່ເຄື່ອງໃຫ້ລູກຄ້າແທນຖົງຢາງປາສຕິກ, ແຕ່ໃນກໍລະນີທີ່ລູກຄ້າຢາກໃຊ້ຖົງຢາງປາສຕິກໃນມື້ທີ່ທາງຮ້ານຢຸດສະໜອງຖົງຢາງປາສຕິກ ແມ່ນຕ້ອງໄດ້ຊື້ນໍາຮ້ານ ຫລື ສາມາດເອົາໄປຈາກເຮືອນຂອງຕົນໄດ້. ຢ່າງໃດກໍຕາມ ໂຄງການດັ່ງກ່າວນີ້ເມື່ອປະກາດເປີດໂຄງການຢ່າງເປັນທາງການໃນວັນທີ 13 ສິງຫາ​ແລ້ວ ຈະໃຊ້ເວລາ 3 ເດືອນ ເພື່ອໂຄສະນາຜ່ານສື່ຕ່າງໆ ເພື່ອໃຫ້ຜູ້ທີ່ ດໍາລົງຊີວິດຢູ່ນະຄອນຫລວງວຽງຈັນຮັບຮູ້ເຂົ້າໃຈຢ່າງລະອຽດກ່ຽວກັບໂຄງການດັ່ງກ່າວຈຶ່ງຈະເລີ່ມລົງມືຈັດຕັ້ງປະຕິບັດຕົວຈິງ ເພື່ອໃຫ້ໄດ້ຮັບປະສິດທິຜົນເທົ່າທີ່ຄວນ.

ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ - Wave100S AD to Website 2020 0 - ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ

ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມນະຄອນຫລວງວຽງຈັນ ໂຄງການວຽຈັນສະອາດຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກຈະແບ່ງເປັນ 3 ໄລຍະຄື: ແຕ່ປີ 2020-2021 ແມ່ນໄລຍະທົດລອງ, ປີ 2022-2025 ແມ່ນໄລຍະປະເມີນຖອດຖອນບົດຮຽນ ແລະ ໄລຍະປີ 2026-2030 ແມ່ນໄລຍະສືບຕໍ່ຈັດຕັ້ງປະຕິບັດໂຄງການເພື່ອໃຫ້ໄດ້ຮັບປະສິດທິຜົນສູງສຸດ.

ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ - WhatsApp Image 2020 05 27 at 5 - ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ
ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ - WhatsApp Image 2020 05 27 at 5 - ກຽມເປີດໂຄງການວຽງຈັນສະອາດ ຊ່ວຍກັນຫລຸດຜ່ອນການນໍາໃຊ້ຖົງຢາງປາສຕິກ
error: Alert: ເນື້ອຫາຂ່າວມີລິຂະສິດ !!